Amanesoma Luk Aa Chwera Tɔn 7:16 - mzwDBL

¹⁶ Ɔmee lawɛ nɛra baa lɔ bela la bwa, asɛ baa kpɛɛ Korowii dɛɛ ŋɔ, “Korowii keamejen bɛl ba ya bini bonɔ! Korowii balɔ dɛ́ ba lɛ o nɛra!”

Amanesoma Luk Aa Chwera Tɔn 7:16 Iomraidhean Croise

Yela 65:9

He dɛ dawɛ ya wa, dɛ ɡel bwaala ɛɛ nɛ harɛ nɔ ta, o do wer dɛɛ ɛ konduula kohona. He ɡelɔ nenabɔɔne bwa suuɡi, nɛra dɔ kondikwaa dɛɛ di. Gɛ haa ɛa laanee teŋa nɔ,

Kaala 4:31

asɛ ba yaradao. Baa noa kɛŋɔ Korowii na ɡɛ baa dɛ ɛɛ ba hɔhɔrɔwa asɛ ba waa hiaoh kohona la, ba ɡuŋo dɛ duuru.

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Matiu 15:31

Nɛra la nyoa kpoo kɛ baa na ɡɛ amumure aa bera won waa bola, boobie ne nɛra ba peri aa serewa won ir che dɛɛ valɛ, asɛ nyoŋa ɡe berɛ won dɛɛ na la. Anomanta, ba kpɛɛ Korowii ba Israel tena aa dɛ tomɔ la.

Matiu 21:11

Anee nɛnlaa la ŋɔ, “Korowii keamee. Yeesu waa le Nasarɛt waa lɔ Galilia harɛ ta laanee.”

Matiu 28:8

Asɛ haahna la chwa le bɔɔ la bɔr bela. Ɔmee laɡ ba, ba sie ɡe ɡarɛ lɛ taeh. Ba lawɛ ŋwɛnɛ dɛ chwa la ka taa waa la baɡle Yeesu habɔteŋra la.

Matiu 9:8

Nɛnlaa la aa na a ɡɛ waa nɔ la, ɔmee laɡ ba, ba kpɛɛ Korowii kɛŋɔ waa tɛ nɛwɛnyini ɡe kpeɡri ŋɔ ó ba won ɛ a ɡɛ waa nɔ la.

Amanesoma Luk Aa Chwera Tɔn 1:65

Belaa ɔmee lawɛ nɛra baa lɔ bela la bwa, asɛ ba kpɔ ɡɛ waa nɔ perɛ Juda deŋɡarere harɛ bwɛɛre la bwa ta.

Amanesoma Luk Aa Chwera Tɔn 1:68

“Hé ɡel ya kpɛɛ Korowii Israel tena aa dɛ tomɔ, dɛkalkɛŋɔ o cha o nɛra dɛ lɛ yaa le wahala ta.

Amanesoma Luk Aa Chwera Tɔn 19:44

Baa wuruu jo he bwɛɛ nɔ ta, dɛ́ paɡre he deene dɛ́ kpoo heya. Baa kuuɡi he deene bwaa buruburu ken, bwe beŋkpoŋ kwara aa wola ka dɛ́ dawɛ o dɔŋ ta kpa. Anɔ bwa ɛɛ ɛo, dɛkalkɛŋɔ he lɛɛ tɔpere aa tela la, he ta sie doe.”

Amanesoma Luk Aa Chwera Tɔn 2:20

Peteɡra la berɔ dɛɛ kaa. Gɛ nyundua torome la aa bol ba be la tentenee ba ka na. Anomanta, ba ɡo yela dɛɛ kpɛɛ Korowii.

Amanesoma Luk Aa Chwera Tɔn 24:19

Anee Yeesu bɔɔ ba ŋɔ, “Bɔkwa waa yɔ?” Asɛ ba ŋɔ, “Waa aa pu Yeesu waa le Nasarɛt la waa yaa bol. O ɛ Korowii keame dɛ dɔ kpeɡri wobol ne we-ɛɛla ta, Korowii ne nɛra bwa jemɛ o wa.

Amanesoma Luk Aa Chwera Tɔn 5:26

Yeesu aa ɛ ɡɛ la, nɛra la bwa nyoa kpoo, ɔmee laɡ ba, asɛ baa kpɛɛ Korowii dɛɛ ŋɔ, “Bɔkwa nyokpowaa ya na fini ken?”

Amanesoma Luk Aa Chwera Tɔn 5:8

Seemɔn baa bera dɛɛ yerɔ Pita aa na a ɡɛ waa nɔ la, o kaa ɡuŋi Yeesu sie dɛ ŋɔ, “Oo, n Dɔɔ, wechɔɡ-ɛɛree men! N poori, le n be.”

Amanesoma Luk Aa Chwera Tɔn 7:15

Belaa bonɔɔ la fuɡri ir so, dɛ den dɛɛ bol wa. Asɛ Yeesu ŋɔ haah la be ŋɔ, “He biee la.”

Amanesoma Luk Aa Chwera Tɔn 7:39

Belaa Farisii te la waa yerɛ Yeesu ŋɔ ó ba di kwaa la aa na a ɡɛ waa nɔ la, o lii o nyu bini ŋɔ, “Baa nɔ fe ɛ Korowii keame tenten naa, o fe jemɛ haah nɔ hahsoo waa dɛ leɡo nɔ. O fe jemɛ o wechɔɡa waa lɔ a ta bwɛɛ nɔ ta.”

Amanesoma Luk Aa Chwera Tɔn 8:37

Yeesu aa ɛ ɡɛ la, nɛra baa le baah bela la soŋo ŋɔ ó le ba harɛ ta dɛ kaa, dɛkalkɛ dɛ ɔmee tenten chole ba nɛ, asɛ o jo ɡbera la bini dɛ kaa.

Amanesoma Luk Aa Chwera Tɔn 9:19

Anee ba ŋɔ, “Bane ŋɔ Jɔn o fa aa dɛ sɔ nɛra Korowii nee laanee hen. Bane ŋɔ Elaejaa hen, asɛ bane ɡe ŋɔ Korowii keamebena la bɛlee weera.”

Amanesoma Jɔn Aa Chwera Tɔn 1:21

Anee ba bɔɔro ŋɔ, “Aah dɛ umee hen ɔ? Elaejaa hen kɛɛ?” Asɛ o ŋɔ, “O laa men.” Anee ba ŋɔ, “Korowii keame laanee hen kɛɛ?” Asɛ o ŋɔ, “Akai.”

Amanesoma Jɔn Aa Chwera Tɔn 1:25

bɔɔ Jɔn ŋɔ, “He ŋɔ Kristo la laa hen, Elaeja ɡe laa hen, Korowii keame la ɡe laa hen, aah dɛ ɛrɛɛ he ɛ dɛ won dɛɛ sɔ nɛra Korowii neɔ?”

Amanesoma Jɔn Aa Chwera Tɔn 4:19

Asɛ haah la ŋɔ, “Nomoa, maa naa nɔ, Korowii keamee hen.

Amanesoma Jɔn Aa Chwera Tɔn 6:14

Nɛnlaa la aa na a ɡɛ nyokpowaa nɔ Yeesu aa ɛa la, ba ŋɔ dɔŋa be ŋɔ, “Kpelaa! Onɔɔ Korowii keame baa ŋɔa ŋɔ wɛɛ bao la.”

Amanesoma Jɔn Aa Chwera Tɔn 9:17

Asɛ Farisii tena la berɛ pɛɛ baa la ja ŋɔ, “He ŋɔ o chaeh dɛ ɡel hɛɛ na bɔr, taraken nɔ, ɛrɛɛ he na o waɔ?” Anee o ŋɔ, “Korowii keamee on.”

We-ɛɛla 5:5

Ananias aa dena no waa nɔ la, o den chole, dɛ sewɛ ɡe. Nɛra baa no a ɡɛ waa nɔ la bwa ɔmɔ kɛrɛdɛ.

We-ɛɛla 7:37

Mosisii ŋɔ nɛra la be ŋɔ Korowii ɛɛ tomɛ o keame bɛlee ba be ɡɛ waa tomɔ la, dɛ ŋɔ wɛɛ le ba dwee taa.

Galaasia 1:24

Ba cheɡɛ a ta dɛ jam Korowii a wa.

Mmarare 18:15

Korowii haa dɛ tomɔ nɔ ɛɛ tomɛ o keamee ó ba bol o waa dɛɛ tɛ heya ɡɛ waa tom mɛ nɔ. He ɡbaɡba dwee binii wɛɛ ba o lee. A chɛ kɛŋɔ hé cheɡ deŋne dɛ́ no o wobol.