Amanesoma Luk Aa Chwera Tɔn 5:12 - mzwDBL

¹² Awola bɛl, dɛ Yeesu lɔ bwɛɛ bɛl ta, dɛ baa bɛl lɔ bela asɛ weechɔɡa ɛ o bwara bwa. Waa na Yeesu la, o baa ɡuŋi o sie dɛ soŋo ŋɔ, “N Dɔɔ, dɛ he sɛoh ŋɔ hɛɛ chaah mɛɛ yaa, hɛɛ wonoo ɡel n bwara kwaa.”

Amanesoma Luk Aa Chwera Tɔn 5:12 Iomraidhean Croise

Mumpar 18:14

Bɔkwa waa kpeɡa men Korowii be maa wola won ɛɔ? Anee n faa bol he be la, benanyoa ne chema saŋ nɔ bɔr n berɛ ba he be la, dɛ Saara dɔ bibaa dawɛ o nakpale ta.”

1 Koranar 18:39

Nɛra la aa na ɡɛ la, ba cholo dɛ kpɔ sie piiɡi harɛ, dɛɛ dooɡe lɔŋɔre ŋɔ, “Korowiirii ya Dɔɔ! O ɡbosoroo chɛ toma!”

2 Koranar 5:1

Dɛ baa bɛl lole baa yerɔ Naaman. Dɛ onee Siiria kooro laa sitɔɔ. Dɛ o ɛ nɛnjen asɛ o dɔɔ kooro ɛɛ duuru kohona. Dɛkalkɛ a cheɡɛ o nɛ Korowii cha ba, dɛ ɡel ba pɔ ba dɔma nɛ. Kɛ dɛ wee lɔ Naaman nɛ.

2 Koranar 5:27

Gɛ haa ɛa nɔ nomanta, wee a fa aa lɔ Naaman nɛɛ la ɛɛ ba he ne he naanar nɛɛ saŋ bɛlbwa dɛɛ la.” Asɛ Gehasi le Elaesa be kaa, dɛ wee lawɛ o bwa dɛ to kɛŋɔ yabi ken.

2 Koranar 7:3

Dɛ baala banaarɛ bane weechɔɡa aa lɔ ba nɛɛ soɡe bwɛjen Samaria doonyoa. Ba ŋɔ dɔŋa be ŋɔ, “Ásɛ ya so bonɔ dɛ́ serewe aa?

1 Webena 21:16

Kooro Devid ha sie nyiŋi dɛ na Korowii nyundua torome la kɛŋɔ waa cheɡɛ harɛ ne nyundua baah, dɛ pamɛ kere pa Jerusalam dɛɛ ba o chɔɡa. Dɛ Kooro Devid ne o nomonome tɔ lweyale, ba cholo dɛ kpɔ sie pi harɛ.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Kaala 4:6

O berɔ ŋɔ o be ŋɔ, “Kpɔ he nɔn do he batakaare bini,” asɛ o ɛ ɡɛ. Waa laa nɔn kpɔ la, dɛ o lɛɡrɔ kɛŋɔ bwadabii weechɔɡa yon lawɛ nɛn la ken.

Lewi Dea Tena 13:16

Kɛ dɛ ŋwɛr la sewɔ o buɡ la berɛ to aa, náate la berɛ kpɔ o te ka chaɡle sɔfo la

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Matiu 26:6

Dɛ Yeesu lɔ Bɛtani dɛ do Seemɔn weechɔɡa fa aa chɔɡ o bwadabii la dem.

Matiu 9:28

Yeesu aa kaa jo dem la, nyoŋa la joɔ puu, anee o pɛɛ ba ŋɔ, “He dɛ yarada mɛ kɛŋɔ mɛɛ wonoo chah heya aa?” Anee ba ŋɔ, “Ɔɔh, ya Dɔɔ.”

Amanesoma Mak Aa Chwera Tɔn 5:23

dɛ soŋo ŋɔ, “N poori, nomoa, n bihaah bwara dɛ weo wɛɛ ba sewa. Ba dɛ́ ba kpɔ he nɔɔra dawɛ o nɛɛ ásɛ o bwara do kpeɡri o ir.”

Amanesoma Luk Aa Chwera Tɔn 17:16

dɛ ba ɡuŋi Yeesu sie dɛ jaamo. Dɛ ɡɛ baa la ɛ Samaria te.

Amanesoma Luk Aa Chwera Tɔn 5:13

Anee Yeesu tɛr nɔn leɡo, dɛ ŋɔ, “N sɛoh. He bwara kwaarɔ.” Buɡ la ta, dɛ o weela la denɔ le o nɛ, o bwara kwaa.

Mmarare 24:8

Dɛ bwadabii weechɔɡa ane le he nɛ aa, do sie dɛ́ pɛɛ a waa Lewi dea sɔfore la be. N bol ba be, anomanta, ɡɛ baa ŋɔ he be la, hé nyiŋi kɛrɛdɛ dɛ́ teŋɛ a ta.

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

Josua 5:14

Asɛ baa la chaŋe ŋɔ, “N toole a bɛlbwa bini, Korowiirii lee mɛ ŋɔ ń ba tɔ o laa tena sie, asɛ n ba nɔ.” Ate, Josua ɡuŋu dɛ duuru ŋɔ, “N dɔɔ, bɔkwaa hɛɛ nyin kɛ he bonɔɔ ɛ tɛɛ nɔ?”