Amanesoma Luk Aa Chwera Tɔn 4:6 - mzwDBL

⁶ dɛ ŋɔ o be ŋɔ, “Dɛ he kpɔ duure tɛ mɛ naa, mɛɛ kpɔ a kpeɡri ne a kondɔɔh bwaa tɛɛ, dɛkalkɛŋɔ a bwa sekwaraa lɔ n nɔn ta. Nɛn maa dɛ nyin laanee n kpɔ dɛɛ tɛ.

Amanesoma Luk Aa Chwera Tɔn 4:6 Iomraidhean Croise

Ɛsta 5:11

Ba bwa aa baa cheme la, o kpɔ o kondɔɔh aa kana ne o bibaala wara baa wara dɛ ta nyoa. Dɛ berɛ baɡle ŋwɛnɛ kooro aa cheɡɛ o ta dɛ tɛo jirima, ne nomonome waa tɛo o ɡwaa o dɔŋa nomonjena ne banɔ la baa dɛ ɛ toma koodem la bwa.

Aesaya 23:9

Koranar Bwa Kooroo ɡela a chiɡ. O ɛ ɡɛ ásɛ ba jirima baa dɔa dɛɛ ɡɔɔ ba te la tonɛ, dɛ́ ba banɔ la baa dɔ nyanyini harɛ nɔ ta la ne harɛ.

Aesaya 5:14

Lalabwɛɛ chɔɔ dɛɛ kpaa ba, o doonyoa pilo che. Jerusalam nomonjena ne dansaara ba sie aa lɛa baa do ɡbɔɡa la bwa ɛɛ jo belaa.

Amanesoma Luk Aa Chwera Tɔn 4:7

Dɛ he kpɔ duure tɛ mɛ naa, a bwa dɛ ba he kwaa ɛɛ, he di a kpeɡri.”

Amanesoma Jɔn Aa Chwera Tɔn 12:31

Tɔpere Korowii aa bol harɛ nɔ ta nɛra bwa waa dɛ́ pa bole la telo, asɛ name ɡee mɛɛ ba ń doŋi Bɔnsam waa ɛ harɛ nɔ ta kooro la ta.

Amanesoma Jɔn Aa Chwera Tɔn 14:30

N ne haa won bol waa kohona kpa, dɛkalkɛ harɛ nɔ ta kooro dɛ ba. O ta kpeɡri bɛlbwa dɔe n nɛ,

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

2 Kɔrent 11:14

A ta nyokpowaa ɛɛ, dɛkalkɛ Bɔnsam ɡbabir won o te beɡra dɛ do kɛ Korowii nyundua torome tenten ken.

Ɛfesos 2:2

He fa dɔ harɛ nɔ ta liire dɛɛ teŋɛ wechɔɡa ta, dɛɛ teŋɛ konchɔɡa bwa yaa wola an na la dɔɔ la nɛ. O tentenee dɛɛ ɛ toma deŋnekpeɡ tena bambili bini.

1 Pita 1:24

Korowii Tɔn bolɔ ŋɔ, “Nɛwɛnyini bwa do kɛ kpɔɡa fee, ba jirima ɡe do kɛ kpɔɡa fee. Kpɔɡa dɛ sewɛ, a fee ɡe ɛɛ lee.

1 Jɔn 5:19

Ya jemɔ kɛŋɔ ya bwa ɛ Korowii bii, asɛ nɛra baa dɔ harɛ nɔ ta ɡbo liire, ne kwaa aa lɔ harɛ nɔ ta bwa ɡe do Bɔnsam lɔɡa.

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 13:2

Olchɔɡe la maa nao la le noniete, o nakpale ɡe le sisire nakpale, asɛ o nyoa ɡe le nyujente nyoa. Asɛ kontuuɡi damanta la kpɔ o kpeɡri ne o kora ne o nomonome kohona waa dɔa la bwa tɛ olchɔɡe la.

Wepila 13:7

Korowii tɛo ŋwɛnɛ ó yo o nɛra ba wa aa toɡra dɛ́ pɔ ba nɛ, dɛ ɡel o dɔ kpeɡri wobol te bɛlbwa nɛra baa lɔ harɛ nɔ ta bobɛlbwa nɛ.