Amanesoma Luk Aa Chwera Tɔn 3:9 - mzwDBL

⁹ He do kɛŋɔ daa. Daa bɛlbwa waa wola nɔndɛɛɡa nɔnɛ la, baa teŋoo ta dɛ́ fuuh. Gɛɛ Korowii ɡe ɡɔɔ o kpanfɛ nɛra baa wola ba liire charɛ la nɛɛ dɛɛ ba ba teŋna ta, dɛ́ kpɔ ba do nii ta bá fuh.”

Amanesoma Luk Aa Chwera Tɔn 3:9 Iomraidhean Croise

Ɛsekeɛl 31:18

A ɡɛ daa laanee Ijipt kooro ne o nɛndamanta la. Daa aa lɔ Eden bodɛɛɡe la bini ume kan ne o wer ne onee ɛ kɛrɛdɛ ɔ? Baa teŋe o ne Eden daa la bwaa ta, o kaa harɛ bini. Taraken, wɛɛ ka ja nɛra baa wola men tomɛ ne banɔ la baa kpoo ba laa ta la nɛɛ. Men Nemenɛ Korowiirii bola.”

Daneɛl 4:14

O kpɔ takpeɡ ŋɔ, “Hé teŋe daa la ta dɛ́ choo o kpala, dɛ́ nɛɛ o papooni le o kpala la ta, dɛ́ nɔr o nɔna la merɛ. Hé doŋi kpɔɡ bini ola la le o chunchule ta, ásɛ dɛ doŋi jumbii la ɡe le o kpala ta.

Daneɛl 4:23

N naa kooro, he na nyundua torome waa do ɡoroŋ o le nyundua dɛɛ tu, dɛɛ ŋɔ, ‘Hé teŋe daa la ta, dɛ́ chɔɡo, hé ɡel o muŋkpul la che, dɛ́ kpɔ buni jɔɡrɔre ne ayaawa vɔwɔ, o ne o lune che kpɔɡ bini. Hé ɡel mɛn le nyundua lee o muŋkpul nɔ nɛ, ásɛ o ne kpɔɡ bini ola so kpɔɡ bini bene anuanɛ.’

Matiu 3:10

He do kɛŋɔ daa. Daa bɛlbwa waa wola nɔndɛɛɡa nɔnɛ la, baa teŋoo ta dɛ́ fuuh. Gɛɛ Korowii ɡe ɡɔɔ o kpanfɛ nɛra baa wola ba liire charɛ la nɛɛ dɛɛ ba ba teŋna ta, dɛ́ kpɔ ba do nii ta bá fuh.

Matiu 7:19

Daa bɛlbwa waa wola nɔndɛɛɡa nɔnɛ la, baa teŋo ta dɛ́ fuuh.

Amanesoma Luk Aa Chwera Tɔn 13:6

Yeesu sɛɡ ba ŋɔ, “Baa bɛlee fa lole dɛ ɛ bodɛɛɡe dɛ du daa bɛl o ta. O laŋɔ ŋɔ ó ka nyin o nɔna toɡri, o ta nɔn beŋkpoŋ kwaraa dɔe o ta.

Amanesoma Luk Aa Chwera Tɔn 13:7

Anee o ŋɔ nɛn waa kpɔɔ wɛɛ nyiŋi bodɛɛɡe waa du daa la ta la be ŋɔ, ‘Na, bene atoroo nɔ maa dɛ ba bonɔ dɛ baa nyin daa nɔ nɔna, kɛ maa ane dɔ. Anomanta, teŋo ta! Ɛrɛɛ o che bonɔ dɛ lɛ bɔr dɛɛ ɛɔ?’

Amanesoma Luk Aa Chwera Tɔn 13:9

Dɛ benanyoa chemo o nɔnaa, amɔ te dɛ anee. O ta wone nɔnɛ ɡe aa, ásɛ he teŋo ta.’ ”

Amanesoma Jɔn Aa Chwera Tɔn 15:6

Dɛ he bɛlbwa ta o te kpɔe pɛl mɛ naa, wɛɛ ɛo kɛŋɔ daa kpale baa teŋo ta asɛ o hol la. Kpala aa do ken la, pae ba paa dɛɛ do nii ta, aa fuh.

Hibru 10:28

Nɛn koni Mosis Mmara, asɛ nɛra banɛ ne batoro di danseɛ tiao o waa waa ɛa la ta naa, baa o nɛɛ sune, kpoe baa kpoo.

Hibru 12:29

dɛkalkɛŋɔ ya Korowii nɔ do kɛ nii aa wona dɛɛ chɔɡ kwaa kohona.