Amanesoma Luk Aa Chwera Tɔn 3:5 - mzwDBL

⁵ Fɛlembɔɔ te bɛlbwa chɛ kɛŋɔ hé tɔɔ, dɛ́ bur deŋɡare ne bwe te bɛlbwa. Ŋwɛnɛ bɛlbwa waa ɡola la chɛ kɛŋɔ hé toɡro, dɛ́ kwaa ŋwɛnɛ bɛlbwa bɔɔne bɔɔnere aa lɔ o ta ó chɔ kpalantaŋ.

Amanesoma Luk Aa Chwera Tɔn 3:5 Iomraidhean Croise

Aesaya 40:4

Fɛlembɔɔ te bɛlbwa chɛ kɛŋɔ hé tɔɔ, dɛ́ bur deŋɡare ne bwe te bɛlbwa. Bobɛlbwa waa wola were la chɛ kɛ hé ɡel ó chɔ harɛ, dɛ́ kwaa ŋwɛnɛ deŋɡarere dor harɛ waa chɔa kaa ta ó chɔ kpalantaŋ.

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Aesaya 45:2

“Mɛɛ tɔ he siee, dɛ́ bur bwejena ne deŋɡarere. Mɛɛ paɡre ayaawa ɡberjenaa, dɛ́ kuuɡi bune baa kpɔa kaɡra la ɡe.

Aesaya 49:11

Mɛ́ɛ kpɔ ŋwɛnɛɛ bil bwejena dor, dɛ́ kwaa ŋwɛnɛ tɛ n nɛra bá kpɔ o ta.

Ɛsekeɛl 17:24

Daa aa lɔ harɛ la ta bwa ɛɛ jemɔɔ kɛŋɔ men Korowii, n ɡelɔ daa waa do jaŋne mule, dɛ ɡel daa waa mula do jaŋne. N ɡelɔ da-lwɛɛ hol, asɛ daa waa hola moɡɛ papooni dɛ do wer. Men Korowiirii bola, mɛɛ ɛo.”

Jems 1:9

Dɛ he nyao dɛ ɛ Yeesu habɔteŋre aa, ɡel he sie lɛ, dɛkalkɛŋɔ he ɛ nɛnjen Korowii be.