Amanesoma Luk Aa Chwera Tɔn 3:3 - mzwDBL

³ asɛ o ir dɛ bol Korowii Waa la bwɛɛre aa bar Jɔɔdan Moo la bwa ta, dɛɛ ŋɔ nómɛlbwa charɛ o liire dɛ́ le o wechɔɡa ta, ásɛ ba sɔɔ Korowii nee ásɛ Korowii kpɔ o wechɔɡa kɛo.

Amanesoma Luk Aa Chwera Tɔn 3:3 Iomraidhean Croise

Matiu 3:11

N te, nee n kpɔ dɛɛ sɔ heyaa Korowii nee dɛ chaɡle kɛ he charɛ he liire le wechɔɡa ta. Kɛ naate waa ba n habɔɔ la te, wɛɛ kpɔ Korowii Domadɛɛɡe ne niinii sɔ heya. O ɡwaa mɛ. Maa o napaa tee kwaraa dɔ.

Amanesoma Luk Aa Chwera Tɔn 1:16

Wɛɛ ɡeloo Israel tena charɛ ba liire, dɛ́ ba N Naa Korowii be.

Amanesoma Luk Aa Chwera Tɔn 1:77

ásɛ dɛ ŋɔ o nɛra be ŋɔ, dɛ ba charɛ ba liire dɛ le ba wechɔɡa ta naa, wɛɛ kpɔɔ kɛ ba dɛ́ lɛɛ ba.

Amanesoma Luk Aa Chwera Tɔn 4:1

Yeesu aa le o Korowii nee sɔe la bɔr Jɔɔdan Moo ta dɛɛ kaa dem la, Korowii Domadɛɛɡe la ir o nɛ, dɛ kpɔɔ kaa pua hɛŋle ɡbo harɛ ta, asɛ o ka do bela tɔpera fifraanaarɛ.

Amanesoma Jɔn Aa Chwera Tɔn 1:28

Bwɛɛ baa dɛ yerɔ Bɛtani o do Jɔɔdan Moo la wee leebɔr pera la, belaa a ɡɛ waa nɔ chiɡ. Dɛ belaa Jɔn ɛɛ sɔ nɛra Korowii ne.

Amanesoma Jɔn Aa Chwera Tɔn 3:26

Ba la Jɔn be dɛ ka pɛɛro ŋɔ, “Nomoa, he dɛ lii kɛ he ne baa bɛl fa aa cheɡɛ Jɔɔdan Moo la wee leebɔr pera la aa? O waa he faa bol la. O dɛ sɔ nɛra Korowii ne, asɛ nɛra bwa chwa dɛɛ kaa o be.”

We-ɛɛla 13:24

Yeesu aa wola balɛ mɔɔ la, dɛ Jɔn dɛ baɡle Israel tena bwa ŋɔ bá charɛ ba liire dɛ́ le ba wechɔɡa ta, ásɛ o sɔ ba Korowii ne.

We-ɛɛla 19:4

Belaa o ŋɔ ba be ŋɔ, “Nɛra baa charɛ ba liire dɛ le ba wechɔɡa ta laanee Jɔn sɔ Korowii ne. Jɔn fa aa dɛ baɡle nɛra waa la, o ŋɔ ba be ŋɔ naate o taa lɔ sie dɛɛ ba bala la baa ba naa, bá yaradao dɛ́ kpɔ ba te tɛo. A ɡɛ saŋ la, Yeesu waa wɛɛ bol la.”

We-ɛɛla 22:16

Anomanta, bɛ berɛ so kpa. Gel ba sɔe Korowii ne, ásɛ he yerɛ Yeesu sɔn dɛ́ soŋo ó kpɔ he wechɔɡa kɛɛ.’