Amanesoma Luk Aa Chwera Tɔn 24:5 - mzwDBL

⁵ Ɔmee laɡ ba taeh, asɛ ba ɡure nyuune suuɡi harɛ. Anee baala la ŋɔ ba be ŋɔ, “Ɛrɛɛ he baa nyin nɛnwee lala bɔr ɔ?

Amanesoma Luk Aa Chwera Tɔn 24:5 Iomraidhean Croise

Daneɛl 10:16

Asɛ nyundua torome waa do kɛŋɔ nɛn kpɔ nɔn ba leɡe n nyoa, mɔɔ n pa mun pili nyoa dɛ bol wa. N ŋɔ o be ŋɔ, “Nomoa, n na weweele taeh wepila nɔ ta, asɛ a ɡel n bwara yɔr.

Daneɛl 10:19

O ŋɔ n be ŋɔ, “Korowii dɛ nyini, anomanta, dɛɛ berɛ ɔma, bɛ ɡel wobɛlbwa hae ɡe.” Waa bol waa nɔ n be la, n berɔ dɔ bokpeɡa, asɛ n ŋɔ o be ŋɔ, “Nomoa, bol waa bwa haa dɛ nyin kɛ he bol, taraken te he ɡelɔ n dɔ bokpeɡa.”

Amanesoma Luk Aa Chwera Tɔn 1:29

Waa nyundua torome la aa baa bol Mɛɛre be la ɛo anebɛlbwa, asɛ o lii o nyu bini ŋɔ, “Bɔkwa waa nɔɔ?”

Amanesoma Luk Aa Chwera Tɔn 24:4

Ba nyoa aa kpoa ba che bela la, dɛ baala banɛ bane baa do laalapoŋa aa nyɛɡle al-al ken denɔ ba che ba jwɛh.

Amanesoma Luk Aa Chwera Tɔn 24:6

Waa o fa aa bol he be Galilia harɛ la, he soɔh kɛɛ? O toole bonɔ, o iro.

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.

Hibru 7:8

Lewi luɡe ta sɔfore baa dɛ lɛ kwaa fi bɛlbwa bɔrbeŋkpoŋa la, ba dɛ sewɛ. Mɛlkesɛdɛk te aa lɛa la, Korowii Tɔn baɡlɔ kɛŋɔ o lole saŋ bɛlbwa.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

Wepila 2:8

Tɔn nɔ dɛ kaa nyundua torome waa cheɡa tɛ asɔre tena baa lɔ Smɛɛna la be. “Kenii men maa ɛ komɛlbwa Sitɔɔ ne a Muŋkaa, dɛ sewɛ, dɛ ir la ŋɔ,