Amanesoma Luk Aa Chwera Tɔn 20:1 - mzwDBL

¹ Awola bɛl, dɛ Yeesu lɔ Korowii Dea dɛɛ baɡle nɛra wa, dɛɛ bol Amanesoma la, asɛ Sɔfonomonome ne Tɔnjerema ne bela nomonome la ba o be,

Amanesoma Luk Aa Chwera Tɔn 20:1 Iomraidhean Croise

Matiu 26:55

Anee Yeesu pɛɛ nɛra la ŋɔ, “Ŋwɛɛree men he kpɔ keri ne ɡule dɛɛ ba dɛ́ ba laɡ mɛ naa? Tɔpere bɛlbwaa n ne heyaa yon so Korowii Dea bela, ásɛ mɛɛ baɡle nɛra wa, kɛ he ta men bela lawɛ.

Amanesoma Luk Aa Chwera Tɔn 20:2

dɛ ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”

Amanesoma Luk Aa Chwera Tɔn 8:1

Aa ɛ tama la, Yeesu jo bwɛjena ne bwɛjeɡre ta dɛɛ bol Amanesoma la kɛ Korowii Kora la dii telo. Dɛ o habɔteŋra fi dɛ banɛ la,

Amanesoma Jɔn Aa Chwera Tɔn 18:20

Anee o ŋɔ, “Tɔpere bɛlbwaa mɛɛ baɡla nɛra baah ta ba bwa ɛɛ no. Korowii Dea ne cheremi deene ya Juu tena bwa aa dɛ cheme a bini la, belaa mɛɛ baɡla. N ta sɔeh dɛ baɡle wobɛlbwa ɡe bwa.

We-ɛɛla 4:1

Pita ne Jɔn aa cheɡa dɛɛ bol waa nɛra la be la, sɔfore bane ne nɛra baa dɛ daah Korowii Dea la nomoa ne Saduki tena bane balɔ. Dɛ Saduki tena la aa yarada kɛŋɔ nɛra bwa ɛɛ ir seo taa tɔpebɛl.

We-ɛɛla 6:12

Kenii a ɡɛ nɛra nɔ ɛ dɛ won berɛ ba bwɛɛ tena ne Juu tena nomonome ne Tɔnjerema la bwa liire, dɛ ɡel ba baah di Steeven nɛ. Asɛ ba lawɔ la ba nomonome baa dɛ bol waa dɛɛ pa bole sie.