Amanesoma Luk Aa Chwera Tɔn 2:7 - mzwDBL

⁷ asɛ o lolɛ o binyoa, o ɛ bibaa. O kpɔ yal fɔrɔwo dɛ kpɔɔ bil kon jaɡre aa dɛ di kwaa o bini la bini, dɛkalkɛŋɔ dɛ bɔr toole bela hɔɔhra aa dɛ chɔ bwɛɛ la ta la kwara bá chɔ.

Amanesoma Luk Aa Chwera Tɔn 2:7 Iomraidhean Croise

Mumpar 42:27

Baa dɛ kaa la, bɔr kaa joo ba ŋwɛnɛ ta asɛ ba chɔ bela, asɛ ba bini bɛl ŋɔ ó pur o bɔɡtɔ dɛ́ tɛ o keeɡo kondikwa, asɛ dɛ na kɛŋɔ baa vɔwɛ suuɡa o pur la nyoa.

Mumpar 43:21

yaa chiɡ ŋwɛnɛ ta bɔr jo ya ka chɔ bobɛl la, ya pur ya bɔɡtɔre nyoo, dɛ na kɛŋɔ ya suuɡare yaa kpɔa ba yawɛ kondikwaa la lɔ a bini. Anomanta, ya berɔ ba a ne, anee la.

Yela 22:6

N ta nɛn ɛɛ kpa, n do kɛ sɔɡlɔ, nɛra baa hah mɛ, dɛɛ nyiŋi n nyubaah.

Kaala 4:24

Baa dɛ kaa la, Korowii baa cheme Mosis Ijipt ŋwɛnɛ ta, bobɛl hɔɔhra tel bela ba yon chɔ la, dɛ fe ɛɛ nyin o kpoe.

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Matiu 1:25

Kɛ o ne o ta chɔe bwa dɛ ka tel kɛŋɔ waa lolɛ o bibaa la. Waa lolɔ la, Josef pa o sɔn Yeesu.

Matiu 13:55

Kapenta te la bie la laa kɛɛ? O nya laa Mɛɛre aa? O nimanar laa Jems ne Josef ne Seemɔn dɛ Judas kɛɛ?

Matiu 8:20

Anee Yeesu ŋɔ o be ŋɔ, “Manyajeɡre kwaraa dɔ bɔɔne dɛɛ chɔ a bini, asɛ jumbii aa dɛ ɡah nyundua ɡe dɔ a kɔne. Kɛ Men Nɛn Bie te ta bobɛlbwa dɔe ń chɔ dɛ́ onɛ.”

Amanesoma Luk Aa Chwera Tɔn 10:34

O choɡ o bone cheɡ, dɛ nyiŋi a bini, dɛ laa noo ne sen ane soo kpɔ dɛ suuh tel o be, dɛ kpɔ noo la ne sen la do o ŋwɛra la ta. O vɔrɔwa, dɛ ɡɔɔro so o konteehne waa soɡe o ta la ta, dɛ kpɔɔ kaa bela dem bɛl hɔɔhra yon dɛɛ choɡ o ta la ta, dɛ ka nyiŋu.

Amanesoma Luk Aa Chwera Tɔn 2:6

Baa lɔ bela la, lol lɔɔ,

Amanesoma Luk Aa Chwera Tɔn 2:8

A ɡɛ saŋ la, dɛ peteɡra bane teɡɛ ba peera kaa dibɔr, asɛ bɔr jo, asɛ ba chɔ bela dɛɛ daah ba peera la.

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

2 Kɔrent 8:9

Kɛ he na ɡɛ ya Dɔɔ Yeesu Kristo aa sune ya nɛɛ dɛ cha yaa kenɛ? He nao kɛŋɔ o fa dɔ kwaa nɔ bwa, dɛ koh he waa dɛ berɛ nya, ásɛ a che o nyae ta he berɛ dɔɔhna.

Galaasia 4:4

Korowii Tɔpere La aa tela la, o tomɛ o ɡbaɡba Bie, asɛ nɛŋhaah lolɔ harɛ nɔ ta, asɛ o ɛ nɛra baa dɛ teŋɛ Mosis Mmara ta la bɛl.