Amanesoma Luk Aa Chwera Tɔn 2:41 - mzwDBL

⁴¹ Bena nyoa bɛlbwaa Yeesu nya ne o mɛɛ la Jerusalam dɛ kaa di ba tɔpejen baa dɛ yerɔ Galekaa la.

Amanesoma Luk Aa Chwera Tɔn 2:41 Iomraidhean Croise

Kaala 12:11

Gɛ haa dia laanee nɔ. Hé bini bɛlbwa kpɔ o batakaarejaŋ dɛ́ kpɔ kiriso vɔwɛ o ta, dɛ́ do naŋɡawa ásɛ dɛ kpoŋe o daŋɡbala kɛŋɔ waa dɛ ba ŋwɛnɛ bɛl kaala. Warane ɡee chɛ kɛŋɔ hé dia. Anee ɛ Galekaa kondikwa haa dɛ ba dii n sɔn ta.

Kaala 12:14

Hé di a ɡɛ tɔpere nɔ saŋ bɛlbwa dɛɛ la, dɛ́ kpɔ lii men Korowii waa maa ɛa tɛ heya. Hé ɡel tɔpere nɔ chɔ le tɛ he ne he naanar baa ka ba saŋ bɛlbwa dɛɛ la.

Kaala 34:23

Kera atoroo chɛ kɛ baa bɛlbwa ba n sie benanyoa bɛlbwa men Nemenɛ Korowii Israel tena aa dɛ tom mɛ la sie.

Lewi Dea Tena 23:5

Korobiloɡle la tɔpera fi dɛ anaarɛ, wee aa dɛɛ le harɛ la, hé pa Galekaa Tɔpejen la dii mun n sɔn ta.

Nɛra Kura 28:16

Korobie waa tɔ sie tɔpera fi dɛ anaarɛ la ɛ Galekaa Tɔpejen dɛ tɛ Korowii, a chɛ kɛŋɔ hé diu.

Amanesoma Luk Aa Chwera Tɔn 2:42

Gɛ saŋ Yeesu aa di bene fi dɛ anɛ la, o ne o nya ne o mɛɛ la Jerusalam dɛ ka di a ɡɛ tɔpere la, ɡɛ ba yon dɛɛ ɛ wubwa la.

Amanesoma Jɔn Aa Chwera Tɔn 11:55

Juu tena Galekaa Tɔpejen la aa dɛ tel la, nɛra kɛrɛdɛ le ba bwɛɛre ta dɛ kaa Jerusalam dɛ kaa ɛ we-ɛɛla ane dɛ́ laa doŋa kpɔ ba nɛɛ dɛ́ won di tɔpere la.

Amanesoma Jɔn Aa Chwera Tɔn 13:1

Aa ka tama ba di Galekaa Tɔpejen la, dɛ Yeesu jemɔ kɛŋɔ tɔpere telo kɛ ó le harɛ nɔ ta dɛ́ berɛ kaa o Mɛɛ be. Dɛ o dɛ nyin o nɛra baa teŋɛ o nɛɛ harɛ nɔ ta la kɛrɛdɛ dɛ ka tonɛ.

Amanesoma Jɔn Aa Chwera Tɔn 2:13

Dɛ Juu tena tɔpejen baa dɛ yerɔ Galekaa la joɔ tonɛ, anomanta, Yeesu la Jerusalam.

Amanesoma Jɔn Aa Chwera Tɔn 6:4

Dɛ a ka tama Juu tena tɔpejen bɛl baa dɛ yerɔ Galekaa la tel.

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

Mmarare 12:18

He ne he bibaala ne bihaahna ne bonɔɔna ne toli, dɛ Lewi dea tena baa lɔ he bwɛɛre ta bwa chɛ kɛŋɔ hɛ́ɛ di a ɡɛ saraha kwaa nɔ Korowii haa dɛ tomɔ sie, bobeŋkpoŋ waa le tɛ heyaa la, dɛ́ ɡel he sie lɛ wobɛlbwa haa ɛa ta.

Mmarare 16:16

Benanyoa bɛlbwa, a chɛ kɛŋɔ baa bɛlbwa la bela Korowii aa lea tɛ heyaa ŋɔ hɛɛ tomɔ la, dɛ́ ka tomɔ kera atoro. Paanoo Iisi Aa Wola Toole a ta Tɔpejen la ne Koo Kondikwaa Koma Tɔpejen ne Kukure Tɔpejen la ta. Nomɛlbwa bɛ nɔŋɡbayeeɡa ne bela la,

1 Samoɛl 1:21

Bena bɛl telo ja kɛŋɔ Ɛlkana ne o haahna ne bii kaa bwɛjen Silo ka ɛ benanyoa saraha tɛ Korowii, ásɛ dɛ ka chuɡri o nyobaɡa la ɡe.

1 Samoɛl 1:3

Bena bɛlbwaa Ɛlkana yon le o bwɛɛ Rama kaa bwɛjen Silo, dɛ́ ka tomɛ Korowii Waa Ɛ Koranar Bwa Kooro dɛ kpoo kwaa ɛ saraha tɛo. Dɛ Eli ɛ sɔfo, dɛ dɔ bibaala banɛ bane ba ɡe aa ɛ sɔfore. Bɛl sɔne Hofni nɛɛte ɡe Fenehas.