Amanesoma Luk Aa Chwera Tɔn 2:4 - mzwDBL

⁴ Anee Josef le Nasarɛt waa lɔ Galilia harɛ ta la, dɛ chiɡ ŋwɛnɛ ta kaa Bɛtlɛham waa ɛ Devid bwɛɛ dɛ do Juda harɛ ta la, dɛ ka chwerɛ o sɔn, dɛkalkɛŋɔ belaa ɛ o naa Devid bwɛ.

Amanesoma Luk Aa Chwera Tɔn 2:4 Iomraidhean Croise

Mumpar 35:19

Rakɛl aa sewa la, ba huɡo bwɛɛ Efrat la ŋwɛnɛ nyoa. Ba berɔ dɛɛ yerɔ Bɛtlɛham.

Mumpar 48:7

He nya Rakɛl waa mɛɛ ɛ ɡɛ la. Maa le Mɛsopoteemea harɛ ta dɛɛ ba la, o baa sewɛ Keenan harɛ ta. Bela lɔ Efrat ŋwɛnɛ nyoa asɛ n huɡo bela.” Ba berɔ dɛɛ yerɛ Efrat la, Bɛtlɛham fini.

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Matiu 1:20

Gɛ waa nɔ aa lɔ Josef liire bini la, belaa Korowii nyundua torome bɛl ba o be deera ta dɛ ba ŋɔ, “Devid naa Josef, dɛɛ berɛ ɔma kɛŋɔ hɛɛ mo Mɛɛree. Korowii Domadɛɛɡee ɡela o kpoŋe tea la.

Matiu 2:23

asɛ o kaa Galilia harɛ ta dɛ ka so bwɛɛ bɛl baa dɛ yerɔ Nasarɛt la ta. Anee ɡela waa Korowii keame la fa aa bola ŋɔ, “Baa yerɔ Nasarɛt tee” la ɛ kasinteŋ.

Amanesoma Luk Aa Chwera Tɔn 2:3

Anomanta, dɛ nomɛlbwa dɛ kaa o bwɛɛ dɛ́ ka chwerɛ o sɔn.

Amanesoma Luk Aa Chwera Tɔn 2:5

Josef ne Mɛɛre ba bwa nɛra aa sɛah ŋɔ bá so la bwaa la Bɛtlɛham sɔna chwera la ta. Dɛ Mɛɛre kpoŋe tea ɡɛ saŋ.

Amanesoma Luk Aa Chwera Tɔn 4:16

O ba Nasarɛt bela baa dɛɛro la, asɛ ɡɛ o yon dɛɛ ɛ Ona Tɔpere bɛlbwa la, o la cheremi dea, dɛ ir che ŋɔ ó kure Korowii Tɔn la.

Amanesoma Jɔn Aa Chwera Tɔn 1:46

Belaa Nataaneɛl ŋɔ, “Nasarɛt ɡe, kondɛɛɡe besoo dɛ́ won le bela ɔ?” Anee Felep ŋɔ, “Ba ba na nɔ!”

Amanesoma Jɔn Aa Chwera Tɔn 7:42

Korowii Tɔn ta baɡlɛ kɛŋɔ Kristo la ɛɛ ɛ Devid naanar la bɛlee dɛ le o bwɛɛ Bɛtlɛham aa?”

Rut Tɔn 1:19

Anomanta, haahna banɛ nɔ valɔ dɛ ba tel Bɛtlɛham, asɛ bwɛɛ la tena bwa lɔ kpu dɛɛ pɛɛ ŋɔ, “Naomii nɔ tenaa?”

Rut Tɔn 2:4

Baa lɔ bela la, Boas le dem ba, dɛ ba jam tom-ɛɛra la, dɛ ŋɔ, “Hé jam ne ɛɛ. Korowii dɛ kwaa he kwa.” Asɛ ba ɡe sɛh ŋɔ, “Korowii tɛɛ hɛɛra.”

Rut Tɔn 4:11

Belaa nomonome la ne nɛra baa lɔ doonyoa bela la sɛh ŋɔ, “Ɔɔh, ya bwa ɛ danseɛ tena. Korowiirii dɛ́ ɡel he haah nɔ waa dɛ ba he be bala nɔ do kɛŋɔ Rakɛl ne Lea baa lolɛ bii kohona, dɛ vɔrɔwe Israel la. Korowii ɡel he dɔ chebɔr Efrat baa bera dɛɛ yerɔ Bɛtlɛham la,

Rut Tɔn 4:17

Haahna baa lɔ bela la ŋɔ, “Naomi dɔ naa,” dɛ pa o sɔn Ɔbɛd. On lolɛ Jese, asɛ Jese nɔ lolɛ Kooro Devid.

1 Samoɛl 16:1

Awola bɛl, Korowii ŋɔ Samoɛl be ŋɔ, “Saŋ besoo hɛɛ nyin he wi Sɔɔl ka tel, dɛ́ le vɛɛh maa vɛoh kɛ Israel kooro nɔɔ? Do noo pebal nyeɡle ta, ásɛ dɛ chiɡ ŋwɛnɛ ta ń tomɛ Jese be Bɛtlɛham. N le o bibaala la bini bɛl dɛ cheɡo kooro tɛ Israel tena.”

1 Samoɛl 16:4

Samoɛl ɛ ɡɛ Korowii aa baɡlo la bwa. Waa tel bwɛjen Bɛtlɛham la, bwɛɛ la nomonome ɔmɔ, dɛ kpɔ bochechela ka chemo dɛɛ bɔɔro ŋɔ, “Deŋnesɔɔhna nee he ba tenaa?”

1 Samoɛl 17:12

Devid mɛɛ sɔne Jese. O le Efrat waa lɔ Bɛtlɛham, Juda harɛ ta. Jese bibaala lɔ banuatoro. Gɛ saŋ Kooro Sɔɔl aa di kora Israel la, dɛ o hwɛɛhrɔ kɛrɛdɛ.

1 Samoɛl 17:58

Kooro Sɔɔl bɔɔro ŋɔ, “Bonɔɔ, ume bie hen nɔ?” Anee Devid chaŋe ŋɔ, “N dɔɔ, he bonɔɔ Jese waa le Bɛtlɛham la biee men.”

1 Samoɛl 20:6

Dɛ he mɛɛ ta men ba nae yaa, he ŋɔ, ‘Devid soŋ mɛ, n tɛo ŋwɛnɛ o ɛ warane kaa o bwɛɛ Bɛtlɛham, dɛkalkɛ o lolanar bwa dɛ ba kwaa kpoora ɛ benanyoa saraha.’