Amanesoma Luk Aa Chwera Tɔn 2:11 - mzwDBL

¹¹ Jwaana nɔ ne, ba lolɛ he Lɛɛ. He Dɔɔ Kristo Korowii aa baɡɛ nyoa ŋɔ wɛɛ tomɔɔ ó ba lɛ heyaa laanee ba lole Devid bwɛɛ la.

Amanesoma Luk Aa Chwera Tɔn 2:11 Iomraidhean Croise

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

Yela 2:2

Ba koranar kpɔ ba te, dɛ ir che dɛɛ vɔrɔwe Korowii ne o kooro waa leo la vɔrɔwa.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Matiu 1:16

Jekɔb ɡee lolɛ Josef. Gɛ Josef nɔɔ mo Mɛɛre waa lolɛ Yeesu baa dɛ yerɔ Kristo, Korowii aa ŋɔa ŋɔ wɛɛ tomɔɔ ó ba lɛ o nɛra la.

Matiu 1:21

Wɛɛ lolɛ bibaalee, ásɛ he pa o sɔn Yeesu, o munii kɛŋɔ Lɛɛ, dɛkalkɛŋɔ on dɛɛ ba bala dɛ́ ba lɛ o nɛra ba wechɔɡa ta.”

Matiu 16:16

Seemɔn Pita chaŋo ŋɔ, “Henee Kristo la, Korowii waa lole saŋ bɛlbwa la Bie la.”

Matiu 16:20

Anee Yeesu kah ba ŋɔ ba bɛ o waa bol baɡle nomɛlbwa kɛ onee Kristo la.

Amanesoma Luk Aa Chwera Tɔn 1:43

N ɡee umeo n Dɔɔ nya ɛɛ ba ba chɔɔ mɛ nɔɔ?

Amanesoma Luk Aa Chwera Tɔn 1:69

O tɛ yaa nɛnjen o le o bonɔɔ Devid dea, dɛ ŋɔ ó ba lɛ yaa.

Amanesoma Luk Aa Chwera Tɔn 2:26

dɛ ɡel o jemɛ kɛŋɔ o siwi ɛɛ na Kristo la Korowii aa baɡɛ nyoa ŋɔ wɛɛ tomɔɔ ó ba lɛ Israel tena la mɔɔ dɛ́ sewɛ.

Amanesoma Luk Aa Chwera Tɔn 2:4

Anee Josef le Nasarɛt waa lɔ Galilia harɛ ta la, dɛ chiɡ ŋwɛnɛ ta kaa Bɛtlɛham waa ɛ Devid bwɛɛ dɛ do Juda harɛ ta la, dɛ ka chwerɛ o sɔn, dɛkalkɛŋɔ belaa ɛ o naa Devid bwɛ.

Amanesoma Jɔn Aa Chwera Tɔn 1:41

Waa waa tɔ sie ɛ laanee kɛŋɔ o kaa nyin o dɔɔ Seemɔn bɔr, dɛ ŋɔ o be ŋɔ, “Ya na Mɛsaya la.” Mɛsaya munii Kristo.

Amanesoma Jɔn Aa Chwera Tɔn 1:45

Felep ɡe kaa na Nataaneɛl, dɛ ŋɔ o be ŋɔ, “Ya na naate Mosis aa chwerɛ o waa Korowii Tɔn bini la. O waa Korowii keamere la ɡe chwerɛ la. O sɔne Yeesu. Josef waa le Nasarɛt la biee.”

Amanesoma Jɔn Aa Chwera Tɔn 11:27

Anee o sɛh ŋɔ, “Ɔɔh, n Dɔɔ, n yaradao kɛŋɔ henee Korowii Bie Kristo baa bola ŋɔ wɛɛ ba harɛ nɔ taa la.”

Amanesoma Jɔn Aa Chwera Tɔn 20:31

Kɛ n chwerɛ anɔ ásɛ he che a ta dɛ́ yarada kɛŋɔ Yeesuu Kristo Korowii aa baɡɛ nyoa ŋɔ wɛɛ bao la, onee Korowii Bie la, ásɛ a che he yarada haa dɛ yaradao la ta he dɔ Korowii mkpa.

Amanesoma Jɔn Aa Chwera Tɔn 4:25

Anee haah la ŋɔ o be ŋɔ, “N jemɔ kɛŋɔ ya Lɛɛ la baa dɛ yerɔ Kristo la ɛɛ bao. O balaa, wɛɛ baɡle yaa wobɛlbwaa.”

Amanesoma Jɔn Aa Chwera Tɔn 4:42

dɛ ŋɔ haah la be ŋɔ, “A ta ɛɛ kɛŋɔ he waa haa bola la ɡboo ɡela ya yaradao. Ya ɡbaɡba ɡe aa kpɔ deŋne no o waa la name la, anee ɡela ya yarada dɛ jemɛ kɛŋɔ nɛra bwa Lɛɛree nɔ kpela.”

Amanesoma Jɔn Aa Chwera Tɔn 6:69

Ya dɛ yaradae, dɛ jemɛ kɛŋɔ henee Korowii Biɡoroŋ la.”

Amanesoma Jɔn Aa Chwera Tɔn 7:41

Bane ŋɔ, “Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa laanee.” Asɛ bane ɡe tɔŋle ŋɔ, “Galilia harɛ taa Kristo la ɛɛ ba lee ba naa?

We-ɛɛla 10:36

He jemɛ waa waa ŋɔa bá ka bol Israel tena be dɛ baɡle Yeesu Amanesoma aa dɛ tɛ bosɔɔhna la. Yeesuu komɛlbwa Dɔɔ.

We-ɛɛla 13:23

Gɛ Devid nɔ dea taa Korowii le Yeesu waa baɡɛ Israel tena nyoa ŋɔ wɛɛ ɡeloo ó ba lɛɛ ba la.

We-ɛɛla 17:3

Dɛ o dɛ baɡ ba Kristo la Korowii aa baɡɛ nyoa ŋɔ wɛɛ tomɔɔ ó ba lɛ nɛwɛnyina la waa Korowii Tɔn bini, ásɛ ba jemɛ kɛ Korowii keamere fa baɡlɔ kɛŋɔ Kristo la ɛɛ na wahalaa dɛ́ sewɛ, dɛ́ ir seo ta. Gɛ baa chwera la chɛ kɛ a ɛ. Waa bol ɡɛ tonɛ la, o ŋɔ ba be ŋɔ, “Yeesu nɔ n yon dɛɛ bol o waa nɔ, onee Kristo la.”

We-ɛɛla 2:36

Anomanta, a chɛ kɛŋɔ Israel tena bwa jemɛ kɛŋɔ Yeesu laanee Korowii ɛ nɛwɛnyini bwa dɔɔ la. Onee Kristo la. Kɛ o laa he kpaa pɛl daɡaɡre ta dɛ kpoo la aa?”

We-ɛɛla 5:31

Korowii iru seo ta dɛ kpɔɔ ka so nomombɔr o diɡ ta, dɛ ɛo nɛra bwa Sitɔɔ ne ba Lɛɛ, asɛ dɛ koh o waa dɛ kpɔ Israel tena baa charɛ ba liire le ba wechɔɡa ta la wechɔɡa kɛ ba.

1 Kɔrent 15:47

Nɛnloɡle la, ba mao tee ne o ɛ harɛ nɛn. Asɛ nɛɛte la ɡe le nyundua.

Felepae 2:11

ásɛ nomɛlbwa sɛh kɛŋɔ Yeesu Kristoo nɛra bwa Dɔɔ, ásɛ o Mɛɛ Korowii dɔ jirima.

Felepae 3:8

Kasinteŋ, komɛlbwa ne wobɛlbwaa n vɛh dɛɛ yera wepuu dɛ́ won jemɛ n Dɔɔ Yeesu Kristo. O jemaa hiaah ɡwaa komɛlbwa. N koh o waa dɛ ɡel wobɛlbwa ta, dɛɛ liira puldoa haahra, dɛɛ nyin ń won dɔ Yeesu Kristo kɛrɛdɛ,

Kolosi 2:6

Haa dɔa kpɔ he te tɛ Yeesu Kristo kɛ he Dɔɔ nɔ, hé ne o pɛ wobɛlbwa ta.

1 Jɔn 4:14

Ya na o Bie la dɛ di danseɛ kɛŋɔ Korowiirii ɡela o ba harɛ nɔ ta dɛ ba ɛ nɛwɛnyini Lɛɛ.

1 Jɔn 5:1

Nomɛlbwa waa yaradaa kɛŋɔ Yeesu ɛ Kristo la Korowii aa baɡɛ nyoa ŋɔ wɛɛ tomɔɔ la, naate ɛ Korowii bie, dɛkalkɛ dɛ he dɛ nyin nomɛl waa aa, dɛ he dɛ nyin o bie ɡe wa.