Amanesoma Luk Aa Chwera Tɔn 17:3 - mzwDBL

³ Anomanta, hé nyiŋi he te kɛrɛdɛ! Dɛ he dɔŋ ɛɛ wechɔɡa aa, ŋɔ o be. Dɛ o no a mun dɛ charɛ o liire aa, kpɔ o wechɔɡa kɛo.

Amanesoma Luk Aa Chwera Tɔn 17:3 Iomraidhean Croise

Yela 141:5

Gel nɛn o wa aa toɡra kah mɛ dɛ́ toɡ mɛ, nyina waa dɛ nyin mɛ wa. Maa duure bɛlbwa nyin wechɔɡ-ɛɛra be, dɛkalkɛ saŋ bɛlbwaa mɛɛ soŋe Korowii ŋɔ ó chɔɡ ba wobɛlbwa.

Kaala 34:12

Hé nyiŋi kɛrɛdɛ ásɛ he ne nɛra haa dɛ la ka so ba harɛ ta nɔ bɛ fɔo bɛlbwa fɔwɛ, ásɛ a ba ɛ kɛŋɔ bel bɛl, dɛ́ chɔ tɛ heya.

Sɛɡla 17:10

Nɛn waa jemɛ wa dɛ́ hweli waa dɛɛ le webeŋkpoŋ haa bol baɡlo ta la, ɡwaa ɡɛne baa chao chweema kera lafa.

Sɛɡla 27:5

A wer kɛŋɔ he di nɛn kasinteŋ nɛra baah. A bɔ kɛŋɔ haa dɛ nyin o wa, he ta ɡelɛ o jemɛ.

Sɛɡla 9:8

Bɛ nɛn waa dɛ ɛ nɛra sisawaa kasinteŋ di o ba haeh, di wejereme kasinteŋ, ásɛ o nyini.

Lewi Dea Tena 19:17

Dɛ́ɛ berɛ he dɔŋ haeh. La o be ka diu kasinteŋ, ásɛ o wechɔɡa bɛ he nɛɛ dawɛ.

Matiu 18:21

Anee Pita ba bɔɔ Yeesu ŋɔ, “N Dɔɔ, kera aŋwɛnɛɛ chɛ kɛŋɔ dɛ n dɔŋ ɛɛ mɛ wechɔɡa aa, ń kpɔ kɛo wɔ? Kera anuanɛ kɛɛ?”

Amanesoma Luk Aa Chwera Tɔn 21:34

Hé nyiŋi he te kɛrɛdɛ! He bɛ ɡel bodia kondikwaa dii ne sen nyɔe ne he weliira ɡwaa he nɛ, ásɛ tɔpere la bɛ heyaa ba piɡri kɛŋɔ nɛn yon ɡbarɛ bel la,

Ɛfesos 5:15

Anomanta, hɛ́ɛ nyiŋi he soɡa bini kɛrɛdɛ dɛ́ ɛ wejerema dɛ bɛ ɡɛn.

Mmarare 4:15

Anee Mosis berɛ ŋɔ, “A ɡɛ saŋ haa no Korowii taa nii la ta Sinai Bwejen ta la, he ta komɛlbwa nae, anomanta, he nyiŋi kɛrɛdɛ,

Mmarare 4:23

Hé nyiŋi kɛrɛdɛ dɛ bɛ fɔo he ne Korowii aa fɔwa la waa soh. He bɛ komɛlbwa kwaa dɛ tomɔ ɡɛ Korowii aa do heyaa la.

Mmarare 4:9

A bwaa kɛŋɔ hé nyiŋi kɛrɛdɛ dɛ́ ɡel he sie chɔ harɛ, hɛɛ berɛ waa haa naa la soeh. Hé bola baɡle he bii ne he naanar.

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Jems 5:19

Yabala, dɛ he bini bɛl nyoɡrɔ le kasinteŋ ŋwɛnɛ la ta, asɛ he bini bɛl ɡe won berɛ chao dɛ baɡlo, asɛ o berɛ ba teŋɛ kasinteŋ ŋwɛnɛ la ta ja aa, dɛ naate waa chao la ɛ waa taeh.

2 Jɔn 1:8

Hɛ́ɛ nyiŋi he te kɛrɛdɛ, dɛ́ bɛ ɡel he toma ɛ pɛɛ, ásɛ he won dɔ he tɔnɔ bwa dɛ́ le a ta.