Amanesoma Luk Aa Chwera Tɔn 16:8 - mzwDBL

⁸ Anee bonɔɔ naŋɡarawa te nɔ dɔɔ la aa noa la, o kpɛɛro ŋɔ o ɛa wejema ta.” Yeesu aa sɛɡ ba tonɛ la, o ŋɔ, “Nɛra baa dɔ harɛ nɔ ta liire la, ba dɔ wejema ba ne ba bala kpoŋa dɛ ɡwaa nɛra ba sie aa chaah Korowii waa ta la.”

Amanesoma Luk Aa Chwera Tɔn 16:8 Iomraidhean Croise

Mumpar 3:1

Ola Korowii aa taa la bini la, dɛ harɛkon sie pilo ɡwaa a bwa. Harɛkon la baa pɛɛ haah la ŋɔ, “Kpelaa Korowii ŋɔ he bɛ daa nɔ bɛlbwa nɔn di naa?”

2 Samoɛl 13:3

Kɛ dɛ Amnɔn dɔ dam bɛl baa dɛ yerɔ Jonadab. O mɛɛ sɔne Simea, onee nomoa ka tɛ Kooro Devid lola bini. Dɛ Jonadab keo taeh.

2 Koranar 10:19

Hé yerɛ Baal voɡra ne o kerekpoŋra ne o keamere bwa ba. He bɛ ɡel bɛlbwa ka, n dɔ sarahajen dɛɛ ba ɛɛ tɛ Baal. Nomɛlbwa waa wola balɛ la aa o nyuu dɔ.” Kɛ dɛ neɡra ŋwɛnɛɛ Kooro Jehu ɛɛ kpɔ, dɛ́ kpoo nɛra baa dɛ tomɛ voɡ Baal bwa.

Yela 17:14

N Naa Korowii, che he kpeɡri ta, dɛ́ lɛɛ mɛ le nɛra baa dɔ harɛ nɔ ta liire, dɛɛ nyin ba soɡa bini kwaa la nɔn ta. Banɔ la haa dɛ nyin ba waa la dɔ kondikwaa kohona, ba bii dɔ ane di dɛ́ vaɡɛ, ásɛ ane ka ba naanar ɡe ba dɔ.

Kaala 1:10

Hé ɡel ya kpɔ liire ɡɛ yaa ɛ ásɛ ba bɛ won warɛ ya harɛ nɔ ta kohona kpa. Gɛ laa dɛ laa baa chole harɛ nɔ ta naa, baa ja ya dɔma nɛɛ dɛ́ yo yaa dɛ́ chwa le harɛ nɔ ta kaa.”

Sɛɡla 12:8

Wejeremee baa kpɛɛ, dɛɛ nyiŋi ɡɛna nyubaahna.

Matiu 12:32

Nomɛlbwa waa bol waa yaɡɛ Men Nɛn Bie la, wɛɛ wonoo kpɔ kɛo. Kɛ nomɛlbwa waa bol wobochɔɡa yaɡɛ Korowii Domadɛɛɡe la te, fini ne kere, Korowii aa kpɔ kɛo bwa.”

Matiu 17:26

Anee Pita ŋɔ, “Hɔɔhraa dɛɛ bɔ.” Asɛ Yeesu ŋɔ, “Gɛɛ te naa, amɔ te a ta chɛɛ kɛŋɔ bá lɛ koobii toɔ.

Amanesoma Luk Aa Chwera Tɔn 16:10

Naate waa wona dɔ kasinteŋ kontamaa ta la, wɛɛ wonoo dɔ kasinteŋ anjena ɡe ta. Naate waa wola wone dɔ kasinteŋ kontamaa ta la, waa won dɔ kasinteŋ anjena ɡe ta.

Amanesoma Luk Aa Chwera Tɔn 16:4

N jemɛ ɡɛ maa ɛ, ásɛ dɛ ba lee mɛ toma ta naa, ń dɔ daamanar baa nyiŋ mɛ.’

Amanesoma Luk Aa Chwera Tɔn 16:7

Asɛ o berɛ bɔɔ nɛɛte ɡe ŋɔ, ‘Kem aŋwɛnɛɛ he ɡe dio?’ Asɛ o ŋɔ, ‘N di kem mea baaɡere kaɡboŋ.’ Anee bonɔɔ la ŋɔ, ‘Lɛ tɔn dɛ́ so harɛ dɛ́ chwerɛ lafraanuatoro.’

Amanesoma Luk Aa Chwera Tɔn 18:6

Yeesu ŋɔ o habɔteŋra la be ŋɔ, “He no ɡɛ kɔɔto nomonchɔɡe la aa bola aa?

Amanesoma Luk Aa Chwera Tɔn 20:34

Anee Yeesu chaŋ ba ŋɔ, “Fini nɔɔ baala ne haahna ɛɛ mo dɔŋa nɔ,

Amanesoma Luk Aa Chwera Tɔn 20:35

kɛ nɛra baa dɛ ba seo ta ira dɛ won dɔ bɔr ja Korowii Kora la ta la te aa haahna moe ba, baa jaranar ɡe yala ba.

Amanesoma Jɔn Aa Chwera Tɔn 12:36

Bɔr taa dɛ chaah he nɛɛ nɔ, hé yarada bochaah la dɛ berɛ bochaah nɛra.” Yeesu aa bol ɡɛ waa nɔ tonɛ la, o le ba baah asɛ dɛ ka sɔh.

1 Kɔrent 3:18

He bɛ he te dɛɛ neɡre. Dɛ he bini bɛl lole dɛɛ lii kɛŋɔ o dɔ harɛ nɔ ta wejema aa, ó ɛ o te ɡɛne ásɛ dɛ dɔ Korowii wejema tenten.

Ɛfesos 5:8

He waa bwa fa ɛ biro bini wa, kɛ ya Dɔɔ Yeesu nomanta, he ɛ bochaah ta nɛra. Anomanta, hé ɡel he soɡa bini wobɛlbwa do kɛŋɔ bochaah ta nɛra.

Felepae 3:19

Ŋwɛnɛ ɡɛ nɛra nɔ aa kpɔ o ta la dɛ kaa ba ne seo ta. Ba kpɔ tea ne bwadabii waa ɡwaa Korowii. Waa aa ɛ sihihwaa la, a nee baa ta nyoa. Ba liire bwa lɔ harɛ nɔ ta kwaa ta.

1 Tesalonika 5:5

He bwa sekwara ɛ nɛra he sie aa chaah Korowii waa ta. Biro bini nɛra laa yan, bochaah ta nɛraa yan.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

1 Jɔn 3:10

Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.