Biblia Todo Logo
Bìoball air-loidhne

- Sanasan -




Amanesoma Luk Aa Chwera Tɔn 16:2 - mzwDBL

2 Anee suuɡate la tomɛ nɛn o ka yerɛ o bonɔɔ la, asɛ o ŋɔ o be ŋɔ, ‘N dɛ no waane kɛ he dɛ di n suuɡa. Ka kpɔ he tɔn ba, dɛ́ ba baɡ mɛ suuɡa aa jo he nɔn ta, ne ɡɛ haa ɛ a ne, ásɛ dɛ kpɔ n kwaa do n nɔn ta, dɛkalkɛ maa ɡel he nyiŋi n kwaa ta kpa.’

Faic an caibideil Dèan lethbhreac




Amanesoma Luk Aa Chwera Tɔn 16:2
23 Iomraidhean Croise  

Wobɛlbwa yaa dɛ ɛ la, Korowii ɛɛ bol a waa, dɛ́ pa bole, andɛɛɡa ne anchɔɡa bwa, hale anɔ la aa sɔah bwa.


N dɛ ŋɔ he be ŋɔ, wesale bɛlbwa nomɛlbwa aa bola la, wɛɛ baɡle a munii awola Korowii aa ba dɛ́ ba bol nɛra bwa waa dɛ́ pa bole la.


Wee aa baa swɛɛ bɔr jo name la, o yerɛ naate waa dɛ nyiŋi o koo la ta la dɛ ŋɔ o be ŋɔ, ‘Yerɛ tom-ɛɛra la, dɛ́ bɔ ba kem. Kɛ tɔ sie le banɔ la baa ka mun ba la nɛ, dɛ́ bɔ ba kem.’


Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”


Asɛ Yeesu chaŋo ŋɔ, “Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.


Yeesu ŋɔ o habɔteŋra la be ŋɔ, “Baa bɛlee fa lole dɛ ɛ kondɔɔh, dɛ kpɔ o kwaa bwa do o bonɔɔ bɛl nɔn ta ŋɔ wɛ́ɛ nyiŋi a ta. Belaa nɛra ka ŋɔ suuɡate la be ŋɔ o bonɔɔ la dɛ di o suuɡa saɡasaɡa.


Asɛ bonɔɔ la kaa dɛ ka lii o nyu bini ŋɔ, ‘N dɔɔ dɛ ba men toma ta lee. Ɛrɛɛ mɛɛ ba ɛɛ yɔ? N ɡe aa kpeɡe dɛ parɛ di, asɛ n sie ɡe ɡarɔ ne kwaa soŋa.


Anomanta, ya bɛlbwa ɛɛ baɡle o toma waa ɛa Korowii siee.


Yabala, nɛra bane le Kloi dem dɛ ba ŋɔ n be ŋɔ, webeɡra chole he bini bane baah ta, a waa n bol a ɡɛ waa nɔ la.


Waa aa chɛ nɛn baa kpɔ waa do o nɔn ta laanee kɛŋɔ o ɡel o waa dɔ kasinteŋ.


Anomanta, he bɛ nomɛlbwa kpɛɛ kɛɛ dɛ chɔɡo ka tel kɛŋɔ Yeesu Kristo aa ba. Dɛ o balaa, wobɛlbwa aa sɔah la ɛɛ le bochaahnee, wedɛɛɡa oo, wechɔɡa oo, a bwa ɛɛ leo, ásɛ wobɛlbwa aa sɔah dɛ do nɛwɛnyini bambile bini la chɔ baŋ, ásɛ Korowii kpɛɛ nomɛlbwa ɡɛ aa chɛo.


dɛkalkɛŋɔ ya bwa ɛɛ ba che Yeesu Kristo sie o bol ya waa dɛ́ pa bole, ásɛ bɛlbwa dɔ waa o fa aa soɡe le dɛɛ ɛ la kembɔr. Dɛ bɛlbwa we-ɛɛla wer oo, aa were oo, wɛɛ dɔ a kembɔree.


Kpeɡri Korowii Domadɛɛɡe aa chae he dɔ dɛ le awola nomonome la aa kpɔ nɔɔra darawe he nɛɛ dɛ che Korowii Domadɛɛɡe kpeɡri ta dɛ bol a waa la, bɛ ɡel a ɛ pɛɛ.


Nɛra bane lole, ba te ne wechɔɡa ɛɛ dɛ nɛra bwa nao, a yon che a ta ba la ba ne kɔɔto ka pa ba bolchɔɡe. Kɛ nɛra bane ɡe ɛ wechɔɡa aa, waa la peu dɛ kaa kwaraa mɔɔ nɛra jemɛ.


Kpeɡri bɛlbwa nomɛlbwa aa dɔa la, Korowiirii kpɔa chao ŋɔ ó kpɔ dɛɛ ɛ o Korowii toma. Anomanta, bɛ́lbwa nyiŋi o toma ta kɛrɛdɛ, dɛ́ kpɔ dɛɛ cha o bala.


Anɔ bwa baa dɛ ɛ nɔ, baa ba tɔh ba nyoa Korowii siee. O kpɔ o te dɛɛ ba weera ne lala bwa waa bola dɛ́ pa bole.


Belaa n na nɛra baa serewa bwa, ba bini nomonjena ne bechale bwa, asɛ ba che kookara la sie. Ba pili tɔne ane, asɛ dɛ berɛ pili onɔ la waa ɛ Mkpa Tɔn la. Belaa Korowii che toma nɛra la aa ɛa mɔɔ dɛ serewe a do tɔne la bini la ta, dɛ bol ba waa dɛ pa bole.


Lean sinn:

Sanasan


Sanasan