Amanesoma Luk Aa Chwera Tɔn 15:4 - mzwDBL

⁴ “He bini umee dɛ dɔ peera lafa, ásɛ beŋkpoŋ nyoɡraa, waa wola o bɔree ɡaaɡe ɔ? Wɛɛ ɡel fifraanuanaarɛ dɛ anuanaarɛ laanee a dibɔr tama, dɛ́ ka ɡaaɡe beŋkpoŋ waa nyoɡra la bɔr ka tel kɛŋɔ waa nao.

Amanesoma Luk Aa Chwera Tɔn 15:4 Iomraidhean Croise

Yela 119:176

Men maa ɛ he bonɔɔ do kɛŋɔ pee waa nyoɡra ken. Ba ɡaaɡe n bɔr, dɛkalkɛŋɔ n ta he Mmarare la vɛɛh.

Aesaya 53:6

Ya bwa do kɛ peera aa kpaŋa ken, bɛlbwa ɛɛ kaa bela waa dɛ nyin, asɛ Korowii ɡel deŋnetɛra a fe aa chɛ yaa la bwa ba o nɛ.

Jeremia 33:13

Deŋɡarere bwɛɛre ne bwejena lɔɡre bwɛɛre, ne Nɛɡɛv bwɛɛre aa lɔ Bɛnjamen dea harɛ ta, ne bwɛɛre aa bar Jerusalam, dɛ Juda harɛ bwɛɛre bwa ta la, peteɡra ɛɛ won dɔ bɔr dɛɛ kure ba peera. Men Korowiirii bola.

Jeremia 50:6

N nɛra do kɛŋɔ peera a teɡra aa ɡela a nyoɡre ken, dɛ ɡel a do bwejena dor dɛɛ ɡaaɡe. A lɔ bwejena ne deŋɡarere ta dɛɛ ɡaaɡe, dɛ soh bela aa dɛ chɔ wa.

Ɛsekeɛl 34:16

Mɛɛ ɡaaɡo nyin anɔ la aa nyoɡra bɔr, dɛ́ berɛ ba anɔ la aa yeŋa la ɡe ne. Mɛɛ vɔrɔwe anɔ la a bobɛla aa kuuɡaa, dɛ́ chah anɔ la a bwara aa dɛ wea, ásɛ a dɔ bokpeɡa. Kɛ anɔ la aa dɔ bokpeɡa a bwara do wer la te, mɛɛ kpooraa, dɛkalkɛ n ɛ peteɡre n wa aa toɡra.’ ”

Ɛsekeɛl 34:31

Hé ɛ n peera, mɛɛ dɛɛ heya. Hé ɛ n nɛra, n ɛ Korowii haa dɛ tom mɛ. Men Nemenɛ Korowiirii bola.”

Ɛsekeɛl 34:4

He ta anɔ la aa ɡwɛɡra nɛɛ nyiŋe, he ta a weela tena chaeh, kɛɛ dɛ jaɡre anɔ la baa doa bola ŋwɛra. He ta anɔ la aa yeŋa ne anɔ la aa nyoɡra ɡe bɔr nyine, dɛ ba a ne. Nyubinikpeɡ nee he nyiŋa.

Ɛsekeɛl 34:8

Men Nemenɛ Korowii taa lole nɔ, n ŋwɛɛrɔ kɛŋɔ, n peera nya teɡre, a che a ta kpɔɡ bini olchɔɡa lawa dɛɛ di. N peteɡra la ta a bɔr ɡaaɡɛ, ba ɡbaɡba waa hiah ba.

Matiu 12:11

Anee Yeesu chaŋe ŋɔ, “Amɔ dɛ he bini bɛl pee le bɔluŋ bɛl bini Ona Tɔpere aa, ɛrɛɛ wɛɛ ba ɛɛ yɔ? Waa pee laanee ka lawɛ le bɔɔ la bini naa?

Amanesoma Luk Aa Chwera Tɔn 13:15

Anee Yeesu ŋɔ, “Nɛra haa dɛ nyiŋi nɛn siebɔr mɔɔ dɛɛ ɛ wa! Haa he nae ne keeɡore yae dɛɛ ta Ona Tɔpere dɛ teɡa la nee ta a kaa nyɔ ne aa?

Amanesoma Luk Aa Chwera Tɔn 15:3

Belaa Yeesu sɛɡ ba ŋɔ,

Amanesoma Luk Aa Chwera Tɔn 19:10

Nɛra baa nyoɡra waa Men Nɛn Bie ba dɛ́ ba nyin ba bɔr dɛ́ lɛɛ ba.”

Tɔn Pɔɔl Aa Chwerɛ Rom Tena 2:1

He naate haa dɛ pwah he dɔŋ la, he ta wobɛlbwa dɔe dɛ́ bol dɛ́ lɛ he te kpa. Henee ume noo, haa dɛ pwah he dɔŋ dɛ berɛ dɛɛ ɛ o wechɔɡa waa dɛ ɛ la dɔŋa la, dɛ he ɡbaɡbaa hɛɛ pa bolchɔɡe la.

1 Pita 2:25

He fa do kɛ peera aa kpaŋa, kɛ taraken te, he ba he Dɔɔ waa dɛ nyin he nyu la be.