Amanesoma Luk Aa Chwera Tɔn 13:12 - mzwDBL

¹² Yeesu aa nao la, o yerɔ dɛ ŋɔ o be ŋɔ, “Haah, le fini dɛɛ kaa, he weela kaalɔ, aa ba kpa.”

Amanesoma Luk Aa Chwera Tɔn 13:12 Iomraidhean Croise

Yela 107:20

O nyoa wobol chaah ba, dɛ lɛɛ ba le seo ta.

Aesaya 65:1

Korowii ŋɔ, “N kpɔ n te baɡle nɛra baa wola n waa bɔɔrɛ, kɛ nɛra baa wola n bɔr ɡaaɡɛ laanee na mɛ. N yerɛ harɛ o nɛra aa wola men tomɛ dɛ ŋɔ, ‘Menee nɔ. Menee nɔ.’

Joel 3:10

Hé kpɔ he para loɡɛ tokobie dɛ́ beɡre he ɡoori lampeare. Asɛ nɛra baa ɡwɛɡra ɡe ŋɔ, ‘Ya bwara kpeɡri!’

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Matiu 8:16

Bɔr aa joa la, ba kpɔ nɛra kwaa aa dɛ ir ba nɛɛ ba Yeesu be, o kpɔ o nyoa wobol doŋi kwaa la le ba nɛ, asɛ dɛ chah weela tena ɡe.

Amanesoma Luk Aa Chwera Tɔn 13:11

Dɛ haah bɛl kwa aa dɛ ir o nɛɛ dɛ kpɔ weela ta o nɛɛ bene fi dɛ anuatoro, dɛ ɡuro waa wola won pee o te kwaraa lɔ bela.

Amanesoma Luk Aa Chwera Tɔn 13:13

Yeesu kpɔ nɔɔra dawɛ haah la nɛ, asɛ buɡ la ta, o won pee o te, dɛ jam Korowii.

Amanesoma Luk Aa Chwera Tɔn 13:16

Haah nɔ, Abraham naa on. Bene fi dɛ anuatoroo la Bɔnsam aa soɡe o nɛɛ dɛ chɔɡo, aah aa were kɛ bá doŋi Bɔnsam la le o nɛɛ Ona Tɔpere dɛ́ lɛo ta aa?”