Amanesoma Luk Aa Chwera Tɔn 13:11 - mzwDBL

¹¹ Dɛ haah bɛl kwa aa dɛ ir o nɛɛ dɛ kpɔ weela ta o nɛɛ bene fi dɛ anuatoro, dɛ ɡuro waa wola won pee o te kwaraa lɔ bela.

Amanesoma Luk Aa Chwera Tɔn 13:11 Iomraidhean Croise

Job Tɔn 2:7

Anomanta, Bɔnsam le Korowii be bela dɛ ka kpɔ ŋwɛrchɔɡa ta Job nɛ, le o nyu ta ba ta o napaala ta.

Yela 145:14

He lawɛ nɛra baa chola dɛɛ ir, dɛɛ cha banɔ la wenaale aa lɔ ba nɛ.

Yela 146:8

dɛ ɡel nyoŋa berɛ dɛɛ na. O lawɛ nɛra baa chola dɛɛ ir, o dɛ nyin nɛra ba wa aa toɡra wa.

Yela 38:6

N weweele ɡwaa n nɛ, a ɡel maa won che, dɛɛ wi tɔpebir bwa kɛŋɔ, nɛn waa dɛ ɛ lwe ken.

Yela 42:5

Ɛrɛɛ n tea bini chɔɡ ken? Ɛrɛɛ n liire bwa chɔɡ ken nɔɔ? N kpɔ n hwɛɡa bwa do hen Korowii nɛ, dɛ berɛ kwaa dɛɛ kpɛɛre ja. Henee ɛ n Lɛɛ,

Yela 6:2

N Naa Korowii, n ɡwɛɡrɔ, n poori, na n sum. N hoɡa bini bwa dɛ wee mɛ, chaah mɛ.

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Amanesoma Mak Aa Chwera Tɔn 9:21

Asɛ Yeesu bɔɔ bie la mɛɛ ŋɔ, “Saŋ besoo weela nɔ lawɔ wɔ?” Asɛ o mɛɛ la ŋɔ, “O bechale saŋ bwaa a lawɔ.

Amanesoma Luk Aa Chwera Tɔn 13:12

Yeesu aa nao la, o yerɔ dɛ ŋɔ o be ŋɔ, “Haah, le fini dɛɛ kaa, he weela kaalɔ, aa ba kpa.”

Amanesoma Luk Aa Chwera Tɔn 13:16

Haah nɔ, Abraham naa on. Bene fi dɛ anuatoroo la Bɔnsam aa soɡe o nɛɛ dɛ chɔɡo, aah aa were kɛ bá doŋi Bɔnsam la le o nɛɛ Ona Tɔpere dɛ́ lɛo ta aa?”

Amanesoma Luk Aa Chwera Tɔn 21:28

Dɛ ɡɛ waa nɔ baa pa mun dɛɛ ɛ aa, hé kpɔ he te dɛɛ kpa, dɛkalkɛ he Lɛɛ tɔpere la telo.”

Amanesoma Luk Aa Chwera Tɔn 8:2

ne haahna bane waa doŋi kwaa ba nɛɛ dɛ chaah ba weela la ja o nɛ. Gɛ haahna nɔ bɛlee Mɛɛre waa le Maɡdala Yeesu fa aa doŋi kwaa bele anuanɛ le o nɛɛ la.

Amanesoma Luk Aa Chwera Tɔn 8:27

Yeesu aa le ɡbera la bini la, baa bɛl waa ɛ bwɛɛ la te kwa aa dɛ ir o nɛɛ baa chemo. Dɛ kwaa la aa lɔ o nɛɛ biɡro, asɛ o foo o laala ta, dɛ chwa le dem dɛ ka so lala huɡribɔr.

Amanesoma Luk Aa Chwera Tɔn 8:43

Dɛ haah bɛl ɡe lole chal ɛɛ fuɡo bene fi dɛ anɛ, o chah, o komɛlbwa tonɛ tɛɛɡa tena be. Kɛ nomɛlbwa ta wone chaoh.

We-ɛɛla 3:2

Baa kaa tel dea la doonyoa la baa dɛ yerɔ Doonyodɛɛɡe la ta la, dɛ baa bɛl soɡe bela. Dɛ a ɡɛ baa la soɡe boobi o bechale saŋ bwa. Asɛ tɔpere bwa ba yon cheo ka so a ɡɛ doonyoa bela o kaa soŋe suuɡa nɛra baa dɛ jo Korowii Dea bela la be.

We-ɛɛla 4:22

dɛkalkɛŋɔ baa la baa chaoh la ɡwaa bene fifraanaarɛ o weela la ta, asɛ nɛra la bwa na ɡɛ baa chaoh la dɛɛ kooɡa dɛɛ jam Korowii.