Amanesoma Luk Aa Chwera Tɔn 11:10 - mzwDBL

¹⁰ Nomɛlbwa waa dɛ soŋo la dɛ dɔ, asɛ nomɛlbwa waa dɛ nyin o konnyina dɛɛ le o be la, o dɛ tɛo. Gɛɛ Korowii ɛɛ ba ɡbera yae dɛ́ tɛ nomɛlbwa waa dɛ lɔ la.

Amanesoma Luk Aa Chwera Tɔn 11:10 Iomraidhean Croise

Yela 31:22

N ɔmɔ dɛ lii kɛŋɔ, he doŋ mɛ le he sie. Kɛ maa wia noe ŋɔ he cha mɛ la, he sune n nɛ, dɛ cha mɛ.

Wiile 3:18

N hwɛɡa bwa tonɛ Korowii nɛ, n jemɔ kɛ aa biɡri n sewɛ.

Wiile 3:8

Hale n kpɔ takpeɡ yerɛ dɛ soŋe Korowii ŋɔ ó cha mɛ kwaraa naa, waa n be no.

Matiu 5:42

Dɛ nomɛl soŋe komɛl aa, kpɔ tɛo. Dɛ nomɛl ɡe ŋɔ o dɛ nyin komɛl dɛ kemaa, kpɔ kemɔ.

Matiu 7:8

Nomɛlbwa waa dɛ soŋo la dɛ dɔ, asɛ nomɛlbwa waa dɛ nyin o konnyina dɛɛ le o be la, o dɛ tɛo. Gɛɛ Korowii ɛɛ ba ɡbera yae dɛ́ tɛ nomɛlbwa waa dɛ lɔ la.

Amanesoma Luk Aa Chwera Tɔn 11:11

He bini umee o bie ɛɛ nyin pɛŋe, ó ka lawɛ harɛkon ba tɛo wɔ?

Amanesoma Luk Aa Chwera Tɔn 11:9

Anomanta, ɡɛɛ a do, hɛ́ɛ soŋe Korowii, wɛɛ tɛ heyaa. Hɛ́ɛ nyin he konnyina o be, hɛɛ dɔɔ. Hé swɛɛ siwi dɛɛ lɔ ɡbera, wɛɛ ya heyaa.

Amanesoma Luk Aa Chwera Tɔn 18:1

Yeesu kpɔ sɛɡla bol waa baɡle o habɔteŋra la, dɛ ŋɔ a chɛ kɛ baa soŋe Korowii saŋ bɛlbwa, dɛ bɛ bɔhwaah dɛɛ ɛ.

Jems 4:3

He dɛ soŋo, kɛ haa dɔ, dɛkalkɛŋɔ liire haa cheɡɛ a ta dɛɛ soŋo la aa were. He ɡboɡbo konnyina ne kwaa haa dɛ pɛlɛ a nɛɛ waa hɛɛ soŋo.

Jems 5:11

Ya dɛ yerɛ nɛra baa wona lawɛ bambile, dɛ che kiŋkiŋ la nɛra baa na som. He fa no Job wa, ɡɛ waa wona lawɛ bambile dɛ che kiŋkiŋ o wahala bini ka tonɛ, asɛ a habɔɔ Korowii chao. Nɛra waa dɛ domɛ Korowii tea wɛɛ sune ba nɛ.