Amanesoma Luk Aa Chwera Tɔn 10:2 - mzwDBL

² O kpɔ nɛwɛnyini maɡɛ konduula, dɛ ŋɔ ba be ŋɔ, “Koo kondikwaa la kan, kɛ tom-ɛɛra la lɔ tamaa ken dɛɛ ba a koma. Anomanta, hé soŋe Koo Te la ásɛ o kpɔ tom-ɛɛra la bane ba ja bá ka ɛ a toma.

Amanesoma Luk Aa Chwera Tɔn 10:2 Iomraidhean Croise

1 Koranar 18:22

Elaeja ŋɔ, “N ɡboo Korowii keame waa kaa, kɛ voɡ Baal te dɔ voɡ tena lafraanaarɛ fifraanue.

Yela 68:11

Korowii bol wa, ásɛ haahna warɛ kohona dɛ́ kaa bola ŋɔ,

Jeremia 3:15

Mɛɛ kpɔ heyaa do sitɔɔla baa dɛɛ nyiŋi he nɛɛ nɔn taa, ásɛ ba kpɔ wejema ne waa mun noe nyiŋi he nɛ.

Sekaria 11:17

Peteɡre ɡɛne waa chwa ɡel peera la, ó bwɛɛlɛ! Baa kpɔ keree ŋwɛnɛ o nɔn ne o diɡ siwi. O nɔn ɡe sewɛ, o diɡ siwi ɡe tɔ kwaraa.”

Sekaria 11:5

Nɛra baa dɛ yawa dɛɛ kpoora la aa deŋnetɛraa dɔ. Nɛra baa dɛ yoɡa dɛ bol ŋɔ, ‘Ya dɔ suuɡa, Kórowii jam!’ Hale nɛra baa dɛ teɡa la aa a nɛɛ sune.”

Nɛra Kura 11:17

Mɛɛ tuu ba, n ne he ba bol waa bela. Mɛɛ ɡeloo n Doma waa lɔ he Mosis nɛɛ dɛɛ tɛɛ kpeɡri la ba so ba nɛ, ásɛ ba ɡe lɛɛ waa aa ɡwaa he nɛɛ la ane, ásɛ a bɛ he ɡbo nɛɛ dawɛ.

Nɛra Kura 11:29

Anee Mosis ŋɔ, “He meerɔ dɛɛ tɛ mɛ kɛɛ? N te fe dɛ nyin kɛŋɔ Korowii ɡel o Doma ba so o nɛra bwa nɛ, ásɛ ba won dɛɛ bol o waa o kpeɡri ne.”

Matiu 20:1

Yeesu berɔ ŋɔ, “Korowii Kora la do kɛŋɔ paa bɛl ne o tom-ɛɛra bane wa. Paa la iro chɔmbibi dɛɛ nyin tom-ɛɛra bá ka ɛ toma o koo ta dɛ́ lɛ suuɡa.

Amanesoma Mak Aa Chwera Tɔn 13:34

Aa ɛo kɛŋɔ nomoa bɛl aa dɛ ba bobɛl kaala dɛ baɡle o bonɔɔna tomare, dɛ ŋɔ baa waa dɛ nyiŋi o dem ta la be ŋɔ wɛ́ɛ nyiŋi o ta kɛrɛdɛ la.

Amanesoma Mak Aa Chwera Tɔn 16:15

Yeesu ŋɔ ba be ŋɔ, “Hé kaa harɛ ta bobɛlbwa dɛ́ ka bol Amanesoma la baɡle nɛwɛnyina bwa.

Amanesoma Mak Aa Chwera Tɔn 16:20

Asɛ o habɔteŋra la kaa bobɛlbwa dɛ kaa bol Korowii Waa la. Dɛ Korowii teŋɛ ba nɛɛ asɛ ba we-ɛɛla baa dɛ ɛ la ɡel nɛra jemɛ kɛŋɔ ba waa baa bola dɛɛ ɡaaɡe la ɛ kpela.

Amanesoma Luk Aa Chwera Tɔn 9:1

Yeesu yerɛ o habɔteŋra fi dɛ banɛ la ba cheme o sie, dɛ tɛɛ ba kpeɡri ne ŋwɛnɛ ŋɔ bá doŋi kwaa nɛra nɛ, dɛ́ chah weela ɡe,

We-ɛɛla 11:19

Steeven seo la habɔɔ fiiɡa baa fiiɡi asɔre tena asɛ ba peɡre la ɡelɔ bane kaa bojaŋa tenten. Hale bane la Finiisia ne Saepros dɛ Anteɔkwa bwa. Baa dɛ valɛ a ɡɛ harɛre nɔ ta la, ba ta Yeesu waa la bolɛ nomɛlbwa be ka ja Juu tena nɛ.

We-ɛɛla 13:2

Awola bɛl, a ɡɛ nɛra nɔ aa vɔwɛ nyoa dɛɛ tomɛ Korowii la, Korowii Domadɛɛɡe baa ŋɔ ba be ŋɔ, “Hé le Banabas ne Sɔɔl tɛ mɛ, ásɛ ba ɛ toma maa lee ba ŋɔ bá ba ɛ la.”

We-ɛɛla 13:4

Korowii Domadɛɛɡe la aa tom ba la, ba la Sɛluusia, dɛ ka che bela kpɔ ɡbera kaa Saepros harɛ ta. Dɛ ekwii a ɡɛ harɛ nɔ.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

We-ɛɛla 22:21

Anee o ŋɔ n be ŋɔ, ‘Kaa! Mɛɛ ɡeloo he kaa bojaŋ, dɛ́ la nɛra baa wola Juu tena ɛɛ be.’ ”

We-ɛɛla 8:4

Bobɛlbwa asɔre tena la aa peɡra dɛ kaa la, ba bol Amanesoma la dɛɛ ɡaaɡe.

1 Kɔrent 12:28

Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

Felepae 2:21

Dɛ o laa aa, bɛlbwa sese dɛ dawɛ o ɡbaɡba wa, waa Yeesu Kristo waa dawɛ.

Felepae 2:25

N liiro kɛŋɔ a hiaoh kɛ ń tomɛ ya dɔŋ Epafrodaetɔs he be. N ne onee dɛɛ ɛ toma nɔ, dɛ yo dɛɛ tɛ Korowii. Onee he faa tomɛ n be o ba cha mɛ la. N ɡee berɔɔ tomɔ he be,

Felepae 2:30

Yeesu Kristo toma waa o koh dɛ kpɔ o nyu charɛ seo. A ka jɛɛ ken o fee sewɛ. Waa haa wola won cha mɛ a ta, dɛ koh a waa tomɔ n be la taa o fe ɛɛ ba sewa.

Kolosi 1:29

A waa ɡela n swɛɛ siwi dɛ takapɔ dɛɛ ɛ toma la. Yeesu Kristoo tɛ mɛ kpeɡri ɡa n won dɛɛ ɛ ɡɛ toma la.

Kolosi 4:12

Epafras waa ɛ he bwɛɛ te la dɛ na heya. O dɛ ɛ Yeesu Kristo toma, dɛ soŋe Korowii kɛrɛdɛ ɡa dɛɛ tɛ heyaa saŋ bɛlbwa, ásɛ o ɡel he won che kiŋkiŋ dɛ́ jemɛ o waa kɛrɛdɛ ka tonɛ, ásɛ Yeesu Kristo waa bɛ heyaa aahna-aahna ɛ, he won ɛ Korowii tetoowaa bwa.

1 Tesalonika 2:9

Yabala, haa ya toma ne ya koeh la waa lii kɛɛ? Ya ɛ toma chɔɔ ne jwaana bwa, ásɛ ya bɛ he bɛlbwa koeh do ɡɛ saŋ yaa lɔ he be dɛ bol Korowii Amanesoma la dɛɛ baɡle heyaa la.

1 Tesalonika 5:12

Yabala, ya dɛ soŋe heyaa kɛŋɔ hɛ́ɛ duu nɛra baa ɛ he nomonome dɛɛ ɛ Korowii toma nɔ dɛɛ ja heyaa la.

2 Tesalonika 3:1

Anɔ la aa kaa la, yabala, hé soŋe Korowii dɛɛ tɛ ya ɡba, ásɛ ya Dɔɔ waa la won perɛ kɛrɛdɛ dɛ́ won dɔ jirima, ásɛ nɛra no kɛŋɔ ɡɛ he ɡe fa aa noa la.

1 Timoti 4:10

Koeh yaa dɛ swɛɛ siwi dɛɛ ɛ o toma nɔ bwa, Korowii waa lole saŋ bɛlbwa la nɛɛ ya sie dawɛ. Onee dɛɛ lɛ nɛn te bɛlbwa. Nomɛlbwa waa yaradao dɛ kpɔ o te tɛo la, o dɛ lɛo.

2 Timoti 4:5

Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.

Faelemɔn 1:1

Men Pɔɔl baa koh Yeesu Kristo waa dɛ do mɛ dea la, ne ya dɔŋ Timotii chwerɛ tɔn nɔ dɛɛ tɛ ya dandɛɛɡe Faelemɔn waa bera ɛ ya dɔŋ tom-ɛɛ ɡe la,

Hibru 3:6

Kɛ Yeesu Kristo te kasinteŋ waa dɔa la, Korowii Bie on, asɛ o ɛ Korowii nɛra bwa nomoa. Ya yarada yaa dɔa Yeesu Kristo nɛɛ, ne hwɛɡa yaa dɔa ya sie lɛ a ta la, ya lawɛ a bini kpoŋe kiŋkiŋ naa, Yeesu Kristo nɛraa yan.

Wepila 2:1

“Tɔn nɔ dɛ kaa nyundua torome waa cheɡa tɛ asɔre tena baa lɔ Ɛfesos la be. Kenii men maa kpoŋe weweela anuanɛ n nɔndiɡ ta, dɛɛ valɛ suuɡaswɛm kandea daa anuanɛ baah la ŋɔ,