Amanesoma Luk Aa Chwera Tɔn 10:16 - mzwDBL

¹⁶ Yeesu ŋɔ ba be ŋɔ, “Nomɛlbwa waa ka no he be la, n bee o no, asɛ nomɛlbwa waa ka vɛh he waa la, n waa o vɛh. Nomɛlbwa waa vɛh n waa la, naate waa tom mɛ la waa o vɛh.”

Amanesoma Luk Aa Chwera Tɔn 10:16 Iomraidhean Croise

Kaala 16:7

ásɛ tɔɔ perɔ chɔɔ ɡe aa, he na Korowii jirima chaahna, dɛkalkɛ o noɔ kɛŋɔ haa dɛ naɡre o wa. Ya ɡee bamewa hɛɛ naɡre ya waɔ?”

Kaala 16:8

Anee Mosis berɛ ŋɔ, “Hɛ́ɛ jemɔɔ kɛŋɔ Korowiirii dɛ́ tɛ heya ola he chwe jɔmɔra, ne kondikwa bɛlbwa haa dɛ nyin dɛ́ di chɔɔ, dɛkalkɛ o na ɡɛ haa dɛ naɡre o wa kohona. Ya ɡee bamewa hɛɛ naɡre ya waɔ? Ya waa laa hɛɛ naɡre la, Korowii waa hɛɛ naɡre.”

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Nɛra Kura 14:11

Anee Korowii ŋɔ Mosis be ŋɔ, “Saŋ besoo nɛra nɔ ɛɛ ba n nyubaah nyiŋa ɡela ɔ? Ba teŋɔ dɛɛ vɛɛh mɛ ŋɔ baa men yarada, hale n nyokpowe-ɛɛla maa ɛa ba bini la bwa habɔɔ.

Nɛra Kura 14:2

Ba naɡre Mosis ne Arɔn wa dɛ ŋɔ, “Ya soɡe Ijipt harɛ dɛ fee serewe, kɛɛ dɛ serewe pua hɛŋle ɡbo harɛ ta bonɔ kwaraa naa, ya fe dɛ nyin!

Nɛra Kura 16:11

Korowiirii he ne he bala baa teŋɛ he nɛɛ pɛ nyoa dɛɛ ɛo dɔm la. Arɔn te laa, asɛ hɛɛ naɡre o wa.”

Matiu 10:40

Nomɛlbwa waa nyiŋi he nɛɛ la, menee o nyiŋi la. Asɛ nomɛlbwa waa nyiŋi n nɛɛ la, naate waa tom mɛ laanee o nyiŋi la.

Matiu 18:5

Nomɛlbwa waa koh n waa dɛ́ nyiŋi bie nɔ dɔŋ nɛɛ la, menee o nyiŋi la.

Amanesoma Mak Aa Chwera Tɔn 9:37

“Nomɛlbwa waa koh n waa dɛ nyiŋi bie nɔ dɔŋ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ n ɡbo laa o nyiŋi. Dɛ naate waa tom mɛ la nɛɛ o nyiŋi la.”

Amanesoma Luk Aa Chwera Tɔn 9:48

dɛ ŋɔ ba be ŋɔ, “Nomɛlbwa waa koh n waa dɛ nyiŋi bie nɔ nɛɛ la, dɛ menee o nyiŋi la. Nomɛlbwa ɡe waa nyiŋi n nɛɛ la, dɛ naate waa tom mɛ laanee o nyiŋi la. Naate waa ɛ o te bechala he bini la, onee nomoa.”

Amanesoma Jɔn Aa Chwera Tɔn 12:44

Belaa Yeesu kpɔ takpeɡ dɛ ŋɔ, “Nomɛlbwa waa yarada mɛ la, n laa wɛɛ yarada. Naate waa tom mɛ laanee wɛɛ yarada la.

Amanesoma Jɔn Aa Chwera Tɔn 12:48

Kɛ nɛn waa vɛh n ne n waa maa dɛ bol la ɛɛ di bolchɔɡee. N waa maa dɛ bol nɔɔ dɛ́ pao bolchɔɡe tɔpere bwa jaɡa wee.

Amanesoma Jɔn Aa Chwera Tɔn 13:20

Kasinteŋ, n dɛ ŋɔ he be, nomɛlbwa maa tomɔ ásɛ he lɛo la, dɛ menee he lɛ. Gɛɛ nomɛlbwa waa lɛɛ mɛ la ɡe, dɛ naate waa tom mɛ laanee o lɛ.”

We-ɛɛla 5:4

Haa wola harɛ la yoɡe mɔɔ la, dɛ hen dɔ he kon. Haa yoɡu tonɛ la ɡe la, dɛ suuɡa la ɡe ɛ he kwa. Aah dɛ bɔkwaa ɡela he ɛ ɡɛ nɔɔ? Nɛwɛnyini laa he neɡre nɔ. Korowiirii he neɡre la!”

Galaasia 4:14

Dɛ n weela la ɡelɔ n kpoŋa do kpeɡri, kɛ he ta men haih-haih ɛɛ dɛ vɛɛh mɛ. Gɛ he fe aa lɛ nyundua torome Korowii aa tomɔ la, ɡɛɛ he lɛɛ mɛ. Gɛ he fe aa lɛ Yeesu Kristo ɡbaɡba la, ɡɛɛ he lɛɛ mɛ.

1 Tesalonika 4:8

Nomɛlbwa waa wola a ɡɛ waa nɔ ta teŋɛ la, dɛ nɛwɛnyini waa laa o vɛh, dɛ Korowii waa tɛ heyaa o Domadɛɛɡe la waa o vɛh.