Amanesoma Luk Aa Chwera Tɔn 1:8 - mzwDBL

⁸ Awola bɛl, Abia be pera sɔfore toma telo, asɛ Sekaria do Korowii Dea dɛɛ ɛ o Sɔfo toma.

Amanesoma Luk Aa Chwera Tɔn 1:8 Iomraidhean Croise

1 Webena 24:19

Gɛɛ ba lee ba dɛ kpɔ do ba nɔn ta, ba teŋɛ kaa jo Korowii Dea bela kaa ɛ toma, ɡɛ Korowii Israel tena aa dɛ tomɔ aa cheɡɛ ba nabaa Arɔn nɛɛ do ba la.

1 Webena 24:2

Kɛ Nadab ne Abihu te sewɔ mɔɔ ba mɛɛ sewɛ, ba ta bibaala lolɛ anomanta, Eliasa ne Itama ɛ sɔfore toma.

2 Webena 11:14

Lewi dea tena la ɡel harɛre aa ɛ ba kondɛɛra dibɔra dɛ ir ka so Juda ne Jerusalam, dɛkalkɛŋɔ Kooro Jɛroboam ne o bibaala ta sɛɛh kɛŋɔ bá ɛ Korowii sɔfore.

2 Webena 31:19

Kɛ sɔfore baa ɛ Arɔn naanar dɛ so harɛre baa dɛ parɛ a ta, dɛ so ba bwɛɛre ta kɛɛ bobɛlbwa la te, ba le baala ba bɔne kondikwaa dɛɛ tɛ baala baa le sɔfore dea, ne nomɛlbwa baa chwerɛ o sɔn o le Lewi dea la bwa.

2 Webena 31:2

Kooro Hɛsɛkea bɔne sɔfore ne Lewi dea tena la bini, ɡɛ aa chɛ kɛŋɔ bɛlbwa ɛɛ ɛ o toma. Asɛ ba fuh kwaa dɛɛ ɛ sarahare ne deŋnesɔɔhna sarahare, dɛɛ tomɛ Korowii dɛ ɡo yela dɛɛ kpɛɛro o Dea doonyoo la ta.

2 Webena 8:14

O teŋɛ waa o mɛɛ Kooro Devid aa ɛa la ta. O bɔne toma aa lɔ Korowii Dea bela tɛ sɔfore la ne Lewi dea tena la, asɛ Lewi dea tena la ɛɛ cha sɔfore la baa ɡo yela, dɛɛ ɛ ba toma ɡe. O le nɛra baa dɛ daah doonyoo la, dɛ bɔne ba bini baa nyiŋi doonyoo la ta, dɛkalkɛ dɛ ɡɛɛ Korowii nɛn Kooro Devid do ba.

Ɛsra 6:18

Ba bɔne sɔfore ne Lewi dea tena la bini ɡɛ bɛlbwa toma aa doa Korowii Dea waa lɔ Jerusalam la bini, ɡɛ baa chwera do Mosis Tɔn bini la.

Kaala 28:1

Korowii berɔ ŋɔ Mosis be ŋɔ, “Gel bá kpɔ he dɔɔ Arɔn ne o bibaala Nadab ne Abihu ne Eliasa dɛ Itama le Israel tena bini, ásɛ ba ɛ sɔfore dɛɛ tom mɛ.

Kaala 28:41

Haa kpɔ laala nɔ do he dɔɔ Arɔn ne o bibaala tonɛ la, hé fuɡe noo do ba nyuune ta dɛ́ kpɔ ba sɔfo toma do ba nɔn ta. Ɛɛ ba bá do ɡoroŋ dɛ́ won dɛɛ ɛ n toma kɛŋɔ sɔfore.

Kaala 29:1

Korowii berɔ ŋɔ Mosis be ŋɔ, “Kenii hɛɛ ba ɛɛ dɛ́ le Arɔn ne o bibaala cheɡ bá do ɡoroŋ, ásɛ dɛɛ ɛ n toma kɛŋɔ sɔfore. Lawɛ nabale ne pebala anɛ aa wola kirihiah bɛlbwa dii,

Kaala 29:44

Gɛɛ mɛɛ ba ɛɛ n Dea Cheremibɔr la ne saraha kon la do ɡoroŋ, dɛ́ ɛ Arɔn ne o bibaala ɡe ba do ɡoroŋ dɛ́ ɛ sɔfore dɛ́ɛ tom mɛ.

Kaala 29:9

dɛ́ pi ba ɡbɛrɛre. Ásɛ dɛ kpɔ kirisore vɔwɛ Arɔn ne o bibaala la. Ba ne ba naanar ɛɛ ɛ sɔfore, dɛɛ tom mɛ saŋ bɛlbwa dɛɛ la. Gɛɛ hɛɛ ba ɛɛ dɛ́ le Arɔn ne o bibaala dɛ́ kpɔ ba toma do ba nɔn ta.

Kaala 30:30

Fuɡe noo la ane do Arɔn ne o bibaala nyuune ta, ásɛ ba do ɡoroŋ dɛ́ won ɛ sɔfore dɛɛ tom mɛ.

Nɛra Kura 18:7

He ne he bibaala la ɡboo chɛ kɛ hé ɛ sɔfore toma kon baa dɛ ɛ saraha o ta ne pateesan la bini toma. N kpɔ sɔfore toma la dɛɛ kɛ heya. Nɛmpɛɛ bɛlbwa waa ba Boɡoroŋ la jwɛɛh la chɛ kɛ bá kpoo.”

Amanesoma Luk Aa Chwera Tɔn 1:5

Gɛ saŋ Hɛrɔd aa ɛ kooro Juda harɛ la, dɛ Sɔfo bɛl lole baa yerɔ Sekaria, asɛ o ɛ Abija be pera sɔfore la bɛl. Dɛ o haah sɔne Ɛlesabɛt. Dɛ sɔfore deene la bɛl biee o ɡe.

Amanesoma Luk Aa Chwera Tɔn 1:7

Sekaria moo, ba bwa ba hwɛɛh, kɛ dɛ ba ta bie dɔe, dɛkalkɛŋɔ dɛ Ɛlesabɛt ɛ hambara.