Amanesoma Luk Aa Chwera Tɔn 1:7 - mzwDBL

⁷ Sekaria moo, ba bwa ba hwɛɛh, kɛ dɛ ba ta bie dɔe, dɛkalkɛŋɔ dɛ Ɛlesabɛt ɛ hambara.

Amanesoma Luk Aa Chwera Tɔn 1:7 Iomraidhean Croise

Mumpar 17:17

Anee Abraham kpɔ sie pi harɛ, asɛ dɛ mamɛ o nyu bini ŋɔ, “Amɔ baa lɛɛ won di bene lafa dɛ lolaa? Saara aa di bene fifraanuanaarɛ nɔ, amɔ o ɡe ɛɛ won lolɛ kenɛ?”

Mumpar 18:11

A ɡɛ saŋ dɛ Abraham ne o haah Saara bwa hwɛɛhrɔ, asɛ Saara ɡarɛ dahara lee.

Mumpar 25:21

Dɛ hambaraa. Asɛ Aesek soŋe Korowii o haah Rebɛka kpoŋe tea.

Mumpar 30:1

Rakɛl aa naa kɛŋɔ o ta bie lolɛ tɛ Jekɔb la, o mee Lea dɛ ŋɔ Jekɔb be ŋɔ, “Gel n lolɛ bii, dɛ ɡɛ laa aa, amɔ te mɛɛ sewɔɔ.”

1 Koranar 1:1

A balɔ kɛŋɔ Kooro Devid baa hwɛɛh, dɛ o biɡro ɡe kɛrɛdɛ, dɛ ka kalaŋ ta. Ba kpɔ yale tɔɔ ɡɛ bɛlbwa kwaraa naa, dɛ waa ta dɛ kpoo.

2 Koranar 4:14

Anee Elaesa bɔɔ Gehasi ŋɔ, “Bɔkwaa yaa ba wona ɛ tɛo wɔ?” Gehasi ŋɔ, “Kpelaa, o ta bie dɔe, asɛ o jaa ɡe hwɛɛhrɔ.”

Amanesoma Luk Aa Chwera Tɔn 1:5

Gɛ saŋ Hɛrɔd aa ɛ kooro Juda harɛ la, dɛ Sɔfo bɛl lole baa yerɔ Sekaria, asɛ o ɛ Abija be pera sɔfore la bɛl. Dɛ o haah sɔne Ɛlesabɛt. Dɛ sɔfore deene la bɛl biee o ɡe.

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Amanesoma Luk Aa Chwera Tɔn 1:8

Awola bɛl, Abia be pera sɔfore toma telo, asɛ Sekaria do Korowii Dea dɛɛ ɛ o Sɔfo toma.

Tɔn Pɔɔl Aa Chwerɛ Rom Tena 4:19

Dɛ Abraham di bene lafa tonɛ, dɛ waa kpeɡe kpa. Kɛ Korowii aa ŋɔa o naanar ɛɛ warɔɔ la, o ne o hwɛɛhra bwa, ne o haah Saara hambara ɛɛ bwa, o ta tɔŋlɛ.

Hibru 11:11

Abraham yaradae waa dɛ yarada Korowii la taa a che o won lolɛ dɛ o hwɛɛhrɔ, asɛ o haah Saara ɡe ɛ hambara. Dɛ o jemɔ kɛŋɔ nyoa Korowii aa baɡɔ la, wɛɛ ɛo.

1 Samoɛl 1:2

Dɛ Ɛlkana mo haahna banɛ. Bɛl sɔne Hana, asɛ nɛɛte ɡe Pɛnena. Pɛnena dɔ bii, asɛ Hana te ta bie dɔe.