Amanesoma Luk Aa Chwera Tɔn 1:22 - mzwDBL

²² Waa le Korowii Dea bela dɛ ba buse la, o ta wone bol waa nɛra la be. Anomanta, ba nao kɛŋɔ o na komɛl deera ta bela. Anee ɡela waa wola won waa bol dɛ kpɔ nɔɔra ne nyu dɛɛ baɡle waa la.

Amanesoma Luk Aa Chwera Tɔn 1:22 Iomraidhean Croise

Ɛsekeɛl 3:26

Mɛɛ berɛ he nyondoŋee he bol waa kahonɛ, haa won bol waa dɛ́ kah deŋnekpeɡ tena nɔ kpa.

Amanesoma Luk Aa Chwera Tɔn 1:21

Gɛ saŋ Sekaria aa lɔ Korowii Dea bela la, dɛ nɛra cheɡɛ buse dɛɛ kpao. A ɛɛ ba nyokpoa kɛ waa biɡri bela la.

Amanesoma Luk Aa Chwera Tɔn 1:23

Sekaria toma aa tonɛ Korowii Dea bela ɡɛ saŋ la, o kaa o bwɛ.

Amanesoma Luk Aa Chwera Tɔn 1:62

Asɛ ba kpɔ nɔɔra dɛ baɡle waa Sekaria be, dɛ bɔɔro sɔn waa dɛ nyin kɛŋɔ ba kpɔ pa o bie la.

Amanesoma Jɔn Aa Chwera Tɔn 13:24

Belaa Seemɔn Pita lɔ sie o be ŋɔ ó bɔɔro ó baɡle ba bini bɛl la waa ŋɔa.

We-ɛɛla 12:17

Anee Pita kpɔ nɔn ɛɡ ba ŋɔ bá bwa tɔ nyoa, asɛ dɛ baɡle ɡɛ Korowii aa leo o dea doe la ta bwa. O ŋɔ ba be ŋɔ bá ŋɔ Jems ne ba bala la kar la be, dɛ le kaa bobɛl.

We-ɛɛla 19:33

Bela Juu tena fe ɡelɔ ba bini bɛl baa dɛ yerɔ Alɛksanda la ir che, dɛ fe tɔh ba nyoa ŋɔ ba laa ba waa la ne. Anee o kpɔ nɔn ɛɡ ba ŋɔ bá tɔ nyoa, ásɛ o fe tɔh o bwɛɛ tena nyoa.

We-ɛɛla 21:40

Waa ŋɔ ɡɛ la, nomoa la tɛo ŋwɛnɛ, asɛ o che dea la sanjol ta dɛ kpɔ nɔn ɛɡɛ nɛra la ŋɔ bá tɔ nyoa. Ba tɔ nyoa surumm ken, asɛ Pɔɔl kpɔ Aram tena wobol dɛɛ bol waa ba be, dɛ ŋɔ.