Kaala 26:3 - mzwDBL

³ Nyarɛ a bini anue pɛ dɔŋa, ásɛ dɛ ɛ anue la ɡɛ tenten.

Kaala 26:3 Iomraidhean Croise

Kaala 26:2

Pateesanre la bwa chɛ kɛŋɔ á ɛ kɛrɛdɛ. A jaŋne ɛ naɡale fifraanaarɛ dɛ anɛ, ásɛ a paɡri ɡe ɛ naɡale anumɛl.

Kaala 26:4

Kpɔ yakwara waa ɛ burum, dɛ́ ɛ tora do pateesanre anue baa nyara pɛ la bɛl nyoa, ásɛ dɛ ɛ ane do onɔ la ɡe nyoa ta.

Kaala 26:9

Kpɔ pateesanre la anue pɛ dɔŋa á ɛ beŋkpoŋ, ásɛ dɛ pɛ anumɛl la kar la ɡe á ɛ beŋkpoŋ. Kpɛwɛ pateesan numɛlte la ó do Tɛnte Dea la doonyoa bela.

Kaala 36:10

Ba kpɔ pateesanre anue pɛ, dɛ lɔ anue la ɡe pɛ ɡɛ tenten.

Amanesoma Jɔn Aa Chwera Tɔn 17:21

N dɛ soŋe kɛ hé ɛ ba bwa beŋkpoŋ. N Mɛɛ, ɡɛ n ne haa ɛ beŋkpoŋ bɛl aa wola won daɡre o te o dɔŋ nɛɛ la, ɡɛɛ mɛɛ soŋe kɛ ya ne ba won ɛ beŋkpoŋ, ásɛ nɛra baa dɔ harɛ nɔ ta ɡbo liire bwa won yarada kɛŋɔ henee tom mɛ.

1 Kɔrent 12:4

Kpeɡri Korowii Domadɛɛɡe la aa cha nɛra ba dɔ la koɡrɔ, kɛ Doma beŋkpoŋ laanee tɛ a bwa.

Ɛfesos 4:16

Yan ɡee o bwadabi. Onee choŋri bwadabii la bwa, aa lawɛ dɔŋa kɛrɛdɛ dɛ bwa ɛ beŋkpoŋ dɛɛ cha dɔŋa, ásɛ dɛ won kpeɡ tel ɡɛ o mar aa doa. Dɔŋa nyinaa ɡela Yeesu Kristo bwadabii won kpeɡ ɡɛ dɛ do kpeɡri la.

Kolosi 2:19

dɛ vɛh o te kpɔe dɛ́ do Yeesu Kristo lɔɡa. Onee ya nyu, asɛ ya ɛ o bwadabii dɛɛ dɔ bokpeɡa o be, bɛlbwa lawɛ o dɔŋ kpoŋe kɛrɛdɛ ya ne o ɛ beŋkpoŋ, dɛ́ che pɛɛ yaa pɛa la ta dɛ ɡel yaa kpeɡ ɡɛ Korowii aa dɛ nyin.

Kolosi 2:2

dɛ́ do he bwa ɡbemba he won nyin dɔŋa dɛ́ ɛ beŋkpoŋ, dɛ́ won jemɛ Korowii wesɔɔhla waa pili a bini tɛ heyaa la kɛrɛdɛ, he bɛ aahna-aahna tamaa bɛlbwa ɛ, dɛ́ dɔ tɔnɔ le o waa la bini kɛrɛdɛ. O waa laanee Yeesu Kristo.