Josua 9:9 - mzwDBL

⁹ Ba ŋɔ, “Bojaŋ harɛ bɛl taa he bonɔɔna le, noe ya no Korowii haa dɛ tomɔ la wa. Ya no wejena waa ɛa Ijipt harɛ ta,

Josua 9:9 Iomraidhean Croise

1 Koranar 8:41

Hɔɔhra baa wola Israel tena ɛɛ ɛɛ le bojaŋ harɛ bɛl taa dɛ́ ba tomɛ he Dea nɔ bini,

Nehemia 9:5

Ate, Jesua ne Kadmiel ne Bani, ne Hasabeneeya ne Sɛrebea ne Hodia, ne Sebania dɛ Pɛtahea ba ɡe aa ɛ Lewi dea tena la ŋɔ, “Hé ir che dɛ́ kpɛɛ Korowii haa dɛ tomɔ, onee lole saŋ bɛlbwa dɛɛ la. Bɛ́lbwa kpɛɛ o sɔn waa dɔ jirima la, o kan ɡwaa ɡɛ nɛwɛnyini aa kpɔ nyoa bol.

Yela 148:13

Hé bwa kpɛɛ Korowii, dɛkalkɛŋɔ o sɔn laanee kana ɡwaa sɔn bɛlbwa, o jirima ɡwaa nyundua ne harɛ.

Yela 72:19

Hé kpɛɛ o sɔn waa dɔ jirima saŋ bɛlbwa dɛɛ la. Hé ɡel o jirima su harɛ nɔ ta bwa. Aamen.

Yela 78:12

O ɛ nyokpowaa ba naawa siwi ta, Soan harɛ waa chɔa kaa dɛ do Ijipt harɛ ta.

Yela 83:18

Gel ba jemɛ kɛ he ɡbosoo Nemenɛ Korowii, he habɔɔ, kooro bɛlbwa toole harɛ nɔ ta.

Kaala 15:14

Harɛre ta nɛra ɛɛ no he waa ásɛ ɔmee laɡ ba, bambichɔɡ ɛɛ ɡeloo Filisti tena bwara yɔr kɛŋɔ loltea yon lɔ haah la.

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

Aesaya 55:5

Kpelaa, hɛɛ yerɛ harɛre nɛra baa wola hen jemɛɛ, bá ba he be, harɛre nɛra haa wola ban jemɛ ɡe ɛɛ chwao ba he be. Men Israel Nɛŋɡoroŋ haa dɛ tom mɛ nomanta, baa ba he bee, jirima maa ɡela he dɔ la wa.”

Aesaya 66:19

Mɛɛ ɛ waane ba binii, dɛ́ tomɛ banɔ la baa le a nyoa la, ásɛ ba la bojaŋa harɛre nɛra baa wola n waa noɛ dɛ na n jirima ne n kpeɡri la be. Harɛre nɛra kɛŋɔ, Taases ne Lebya dɛ Lidia tena. Lidia tena nɔ jemɛ to tae taeh, ne Tubal ne Grik tena harɛ. Gɛ harɛre nɔ nɛra bee baa ba laŋa dɛ́ ka bol n kpeɡri maa dɔa la waa baɡ ba.

Nɛra Kura 14:15

He pɛo kpoo ba bwa kera beŋkpoŋ aa, harɛre ta nɛra baa no la, baa dɛɛ boloo ŋɔ,

Nɛra Kura 20:14

Kades belaa Mosis tomɛ toroma Edom kooro be ŋɔ, “He lolanar Israel tenaa yaa, he jemɛ ya wenaale yaa lɔ a ta wubwa la.

We-ɛɛla 8:7

dɛkalkɛŋɔ o wono doŋi kwaa aa dɛ ir nɛra la kɛrɛdɛ nɛɛ ta. Aa dɛ le la, dɛ a dɛ dooɡe lɔŋɔre. Felep chah nɛra ba bobɛla aa serewa ne boobie ɡe ja,

Mmarare 20:11

Dɛ ba sɛoh dɛ ya ba bwɛɛ ɡbeni tɛ heyaa, ate dɛ ba berɛ he yoma dɛ́ ɛ toma dɛɛ tɛ heya.

Mmarare 20:15

Gɛɛ chɛ kɛŋɔ hé ɛ bwɛjena aa lɔ bojaŋ aa wola harɛ haa dɛ ba o ta soɡa bɛne la ta.

Josua 9:10

ne ɡɛ waa ɛ Amɔre tena koranar banɛ bane Jɔɔdan Moo la wee leebɔr. Kooro Sihon o fa aa soɡe bwɛjen Hɛsbɔn, ne Kooro Ɔɡ o ɡe fa aa ɛ kooro Basan harɛ ta, dɛ so bwɛjen Astarɔt ta.

Josua 9:16

Fɔo la tɔpetooro wee la, Israel tena la noɔ kɛŋɔ nɛra la ta bojaŋ bobɛlbwa leɛ, ba lɔ ba jwɛɛh tenten.

Josua 9:17

Belaa Israel tena la ir chiɡ ŋwɛnɛ ta dɛɛ kaa nɛra la be, tɔpera atoroo ba kpɔ jo ba bwɛjena la ta. Bwɛjena laanee Gebeɔn ne Kefira ne Beɛrɔt dɛ Kiriat Jearim.

Josua 9:24

Asɛ Gebeɔn tena la ŋɔ Josua be ŋɔ, “Nomoa, yan yaa ɛ he bonɔɔna, ya noɔ kɛŋɔ Korowii aa do o bonɔɔ Mosis ŋɔ ó kpɔ harɛ nɔ bwa tɛ he Israel tena, ásɛ dɛ kpoo nɛra baa soɡe o ta bwa le he sie nomanta, ɔmee lawɛ yaa ɡɛ yaa ɛ dɛ́ dɔ ya nyu, a waa ya ɛ ɡɛ la.