Josua 9:18 - mzwDBL

¹⁸ Israel tena la ta ban kpoorɛ, dɛkalkɛŋɔ dɛ ba nomonome ne ba fa tɔ sie fɔwɛ darame fɔo Israel tena Korowii baa dɛ tomɔ sɔn ta. Dɛ Israel tena la dɛ naɡre ba nomonome la waa kɛŋɔ baa ɛ ɡɛ la.

Josua 9:18 Iomraidhean Croise

2 Samoɛl 21:7

Kooro Devid ne Jonatan ŋwɛɛra baa ŋwɛra baɡle dɔŋa Korowii sie nomanta, kooro ta Jonatan bibaa Mɛfebɔsɛt leɛ.

Yela 15:4

nɛn waa hah wechɔɡ-ɛɛra, kɛ dɛɛ duu nɛra baa dɛ ɔmɛ Korowii, dɛ teŋɛ o nyobaɡa ta, hale dɛ a kpeɡri tɛo kwaaraa noo,

Wejereme 5:2

Dɛɛ lawɛ he nyoa, he dɔ waane dɛ́ bol aa, nyiŋi a bini kɛrɛdɛ dɛ bɛ too, dɛ́ bol baɡle Korowii. Korowii te, nyundua o do, asɛ he do harɛ, anomanta, bɛ ɡel he wobol do kan.

Wejereme 5:6

Bɛ ɡel he nyoa wobol kaa he ne wechɔɡa ta, ásɛ dɛ ŋɔ sɔfo be ŋɔ, sibeɡra ta laa he baɡɛ nyoa. Bɛ ɡel Korowii baah di he nɛ he nyoa wobol wa, dɛ́ chɔɡ kwaa haa koah dɛ dɔ.

Wejereme 9:2

Nyokala beŋkpoŋii chɔ le dɛ tɛ ba bwa, nɛra ba wa aa toɡra ne wechɔɡ-ɛɛra, nɛndɛɛɡa ne nɛnchɔɡa, banɔ la baa kah doŋa, ne banɔ la baa wola doŋa kaeh, dɛ banɔ la baa dɛ ɛ sarahare, dɛ banɔ la baa wola sarahare ɛ bwa. Waa aa chɔ le tɛ nɛndɛɛɡe la, ɡɛɛ a chɔ tɛ wechɔɡ-ɛɛ ɡe, ɡɛ aa doa dɛ tɛ nɛra baa dɛ ŋwɛɛ ntam la, ɡɛɛ a do tɛ banɔ la baa dɛ ɔmɛ ŋwɛɛra.

Nɛra Kura 30:3

Dɛ haah baɡɛ Korowii nyoa kɛɛ dɛ ŋwɛɛ ntam waane ta o toli saŋ waa lɔ o mɛɛ dem,

Mmarare 23:22

Dɛ he ta nyoa baɡaa, a ta wechɔɡa ɛɛ.

Mmarare 23:23

Anɔ la aa le he nyoa la, nyiŋi kɛrɛdɛ dɛ́ ɛa, dɛkalkɛŋɔ henee ta tea dɛ baɡɛ Korowii haa dɛ tomɔ nɔ nyoa.

Mmarare 23:24

Dɛ he jo he dɔŋ bɛl daa koo ta naa, di daa la nɔna bɛlbwa ɡɛ haa dɛ nyin, kɛ bɛ ane kpɔ do he pur bini.

Josua 9:17

Belaa Israel tena la ir chiɡ ŋwɛnɛ ta dɛɛ kaa nɛra la be, tɔpera atoroo ba kpɔ jo ba bwɛjena la ta. Bwɛjena laanee Gebeɔn ne Kefira ne Beɛrɔt dɛ Kiriat Jearim.

Josua 9:19

Anee nomonome la ŋɔ, “Ya ŋwɛɛ Korowii ya Israel tena aa dɛ tomɔ la ntam, anomanta, a ta chɛ kɛŋɔ yá kpɔ nɔn leɡ ba.