Josua 9:14 - mzwDBL

¹⁴ Josua ne Israel tena ta Korowii bɔɔrɛ no kɛŋɔ ba sɛh ba ne ba fɔwɛ ba fɔo la.

Josua 9:14 Iomraidhean Croise

2 Samoɛl 2:1

A habɔɔ la, Devid bɔɔ Korowii ŋɔ, “N Naa Korowii, mɛɛ won la ka so Juda bwɛɛre nɔ bɛl ta naa?” Anee Korowii chaŋo ŋɔ “Ɔɔh.” Asɛ Devid berɛ bɔɔ ŋɔ, “Bwɛ besoo ta nɔ?” Anee Korowii ŋɔ, “Ka so Hɛbrɔn.”

2 Samoɛl 5:19

Belaa Kooro Devid ka bɔɔ le Korowii be ŋɔ, “N Naa Korowii, ń la ka yo Filisti tena nɔ naa? Hɛɛ kpɔ baa do n nɔn taa kɛɛ?” Asɛ Korowii chaŋo ŋɔ, “Ir kaa, mɛɛ kpɔ baa do he nɔn taa, ásɛ he pɔ ba nɛ.”

Ɛsra 8:21

Ahava bela baa kwi bɔɔ nee ɛɛ palɛ o bini belaa n do ba ŋɔ ya vɔwɛ nyoa, ɡɛ aa ɛ yá won pwɛr ya te do Korowii yaa dɛ tomɔ lɔɡa. Ya soŋo o ja ya nɛɛ ya kpɔ ya bii dɛ kwaa yaa dɔa bwa kaa Jerusalam sɔnɔnɔɔ.

Kaala 28:30

Berɛ kpɔ Urim ne Tumim la do kon waa dawɛ Arɔn bambile ta la bini saŋ bɛlbwa waa dɛɛ ba men Korowii sie. Gɛɛ Arɔn ɛɛ ba ɛɛ saŋ bɛlbwa waa dɛɛ ba men Korowii sie.

Nɛra Kura 27:21

Josua chɛ kɛŋɔ ó kpɔ o te dawɛ sɔfo Eliasa nɛ, dɛ́ che kwaa baa dɛ yera Urim ne Tumim ta, dɛ́ jemɛ waa men Korowii aa dɛ nyin kɛ wɛɛ ɛ. A ɡɛ taa sɔfo Eliasa ne Israel tena nɔ ɛɛ ba cheɡa, dɛ́ na ɡɛ baa dɛɛ ɛ.”

Jems 1:5

Dɛ wobɛlbwa pu heyaa hɛɛ nyin a wejema aa, hé soŋe Korowii ásɛ o tɛ heya. O tea chɔ pɛɛ, waa nɛn kon tɛ o waa berɛ dɛɛ we o nɛ. Wɛɛ tɛ heyaa.

Josua 9:13

Ola tɔne yaa do sen a bini nɔ, dɛ anfalaa, kɛ hé nyiŋi na ɡɛ aa doa taraken, a bwa kɛɛrɔ. Ya laala ne naŋɡaware yaa doa bwa kɛɛrɔ, jaŋne ŋwɛnɛ la aa doa nomanta.”

Sitɔɔla 1:1

Josua seo habɔɔ la, Israel tena soŋe Korowii ŋɔ, “Ya deene nɔ, bamewaa dɛ́ tɔ ya sie yá ka yo Keenan tena ba harɛ ta nɔ?”

Sitɔɔla 20:18

Israel tena la Bɛtel dɛ ka bɔɔ le Korowii be ŋɔ, “Ya bini bamewaa dɛɛ ba sie tɔe ka yo Bɛnjamen dea tena nɔɔ?” Belaa Korowii chaŋ ba ŋɔ, “Juda dea tenaa dɛ́ tɔ sie ka yo.”

Sitɔɔla 20:28

Dɛ Eliasa bibaa Fenehas lɔ bela dɛɛ ɛ Korowii toma, o nabaalee Arɔn. Israel tena la bɔɔ Korowii ŋɔ, “Yá ka yo ya bala Bɛnjamen dea tena nɔ kɛɛ yá ɡelɔ?” Anee Korowii sɛh ŋɔ, “Hé kaa! Kere te mɛɛ kpɔ baa do he nɔn ta, ásɛ he pɔ ba nɛ.”

1 Samoɛl 22:10

Ahemɛlɛk kaa bɔɔ le Korowii be tɛo, dɛ berɛ kpɔ kondikwaa ne Goliat waa ɛ Filisti te kere tɛo.”