Josua 8:9 - mzwDBL

⁹ Ate, Josua tɛ laa tena la ŋwɛnɛ ba kaa bela baa sɔah chɔ dɛɛ kpa ɡɛ waa ŋɔa la. Ai wee cholibɔr dɛɛ kaa Bɛtel baah taa ba ka sɔh. Josua ɡe ne laa tena baa kaa la kaa chɔ bela baa baŋre ba tɛnte deene la.

Josua 8:9 Iomraidhean Croise

Mumpar 12:8

Waa le bela la, o kpɔ sie chaɡɛ Bɛtel wee leebɔr. Bela ɛ deŋɡarere harɛ. O kwaa bobɛl dɛ baŋre o tɛnte dea Bɛtel ne Ai baah ta, asɛ Bɛtel do wee cholibɔr, Ai ɡe do wee leebɔr. Belaa o ɛ kon baa kpo kwaa dɛɛ ɛ saraha o ta tɛ Korowii.

Mumpar 32:21

Ba kpɔ koŋkɛɛla la tɔ sie dɛ kaa asɛ o te berɛ chɔ bela waa choɡa la.

Ɛsra 2:28

Baala baa le Bɛtel ne Ai lɔ lafraanɛ fifraanɛ dɛ batoro.

Nehemia 7:32

Baala baa le Bɛtel ne Ai lɔ lafa fifraanɛ dɛ batoro.

Josua 7:2

Josua tomɛ nɛra bane le bwɛjen Jeriko ŋɔ bá la bwɛjen Ai ta. O bɛne bwɛɛ Bɛt Avɛn, dɛ do Bɛtel wee leebɔr. O ŋɔ baala la be ŋɔ, “Hé la dɛ́ ka sɔh nyiŋi harɛ la.” Ate, ba la dɛ ka sɔh nyiŋi bela.

Josua 8:10

Tɔ aa pera chɔmbibi la, Josua yerɛ o laa tena la cheme, o ne Israel nomonome tɔ ba sie ba valɛ kaa bwɛjen Ai ta.

Josua 8:12

Dɛ Josua kpɔ laa tena la dɛ ɛ kaɡboŋa banue ka sɔh ba chɔ dɛɛ kpa Bɛtel ne bwɛjen Ai baah ta, o wee cholibɔr.

Josua 8:8

Hé baa lɛ bwɛjen la tonaa, hé kpaa nii do o ta. Hé no waa maa do heyaa a ta nɔ kɛrɛdɛ.”

1 Samoɛl 30:27

O kpɔ kwaa la ane ka tɛ banɔ la baa lɔ bwɛjena Bɛtel ne Ramɔt ne Jatir aa lɔ Juda weekaŋle harɛbɔr,