Josua 8:4 - mzwDBL

⁴ dɛ ŋɔ ba be ŋɔ, “Hɛ́ɛ no kɛrɛdɛ, hé ka sɔh chɔ bwɛjen la dahare dɛɛ kpa. He bɛ ɡel he ne o baah do jaŋne kohona. Bɛlbwa ɡel o sie chɔ harɛ kɛrɛdɛ.

Josua 8:4 Iomraidhean Croise

2 Koranar 7:12

Anee kooro la ir jwaana la ne dɛ ŋɔ o nomonome be ŋɔ, “Mɛɛ ɡeloo he jemɛ waa Siiria tena aa ɛ yaa. Ba nao kɛŋɔ lɔr chole ya nɛ, anomanta, ba le bela baa soɡa la dɛ ka sɔh kpɔɡ bini, dɛɛ lii kɛŋɔ yaa leo dɛ baa nyin kondikwa, ásɛ ba lawɛ yaa dɛ́ ba jo bwɛjen nɔ ta dɛ́ lɛ dɔɔh.”

2 Webena 13:13

Dɛ Kooro Jɛroboam ɡelɔ o laa tena la bane bar Juda laa tena la dɛ do habɔɔ, asɛ ba bini bane ɡe do ba sie.

Wejereme 7:19

Wejema ɛɛ won ɡel nɛmbeŋkpoŋ di kpeɡri, dɛ́ ɡwaa koranar fi baa lɔ bwɛjen ta.

Wejereme 9:16

Anomanta, n ŋɔ, “Wejema ɡwaa kpeɡri.” Kɛ baa la waa nyaa dɛ dɔ wejema la, nɛra ta on bui, nomɛlbwa ta o waa kwaraa liire kpa.

We-ɛɛla 23:21

Kɛ bɛ Pɔɔl kpɔ tɛɛ ba, dɛkalkɛ ba nɛra dɛ ɡwaa fifraanaarɛ sɔh ŋwɛnɛ ta dɛ́ kpoo. Gɛ nɛra la ŋwɛɛ ntam ŋɔ ba ta Pɔɔl kpoe yaa, baa kwaa di, baa nee ɡee nyɔ. Ba ɛ wobɛlbwa tonɛ. He siwi taa baa nyiŋi.”

Josua 8:16

Dɛ bwɛjen Ai nomonome yerɛ baala bwa baa lɔ bwɛɛ la ta ŋɔ bá ba, dɛ́ ba ti Josua ne o nɛra, asɛ ba chwa ti ba. Ba le bwɛɛ la ta kwaraa.

Josua 8:3

Ate, Josua ne o nɛra kpɔ ba te dɛ kaa Ai dɛ ka yoo ba. Josua kpɔ nɛra kaɡboŋa fifraatoro baa jemɛ laa yoi le Israel tena la bini dɛ tom ba jwaana,

Sitɔɔla 20:29

Baa lea kaa la, ba kaa chɔ bar Gebea.

Sitɔɔla 20:33

Israel tena la bwa le ba chebɔra dɛ berɛ ka che Baal Taama, asɛ banɔ la baa chɔa bar la ɡe den ɛɡɛ le ba sɔɔhbɔra Gebea wee cholibɔr wɔrɔbe nɛ.

Sitɔɔla 20:36

Ate, Bɛnjamen tena na kɛŋɔ Israel tena pɔ ba nɛ. A ɡɛ waa Israel tena chwa le Bɛnjamen dea tena nɛ, dɛ ba dɛ hwɛɡɛ ba bala baa chɔ kpɔɡ bini Gebea dahare la nɛ.

Sitɔɔla 9:25

Sɛkem tena le Abemɛlɛk habɔɔ dɛ ɡel nɛra ka sɔh deŋɡarere dor, dɛ che bela ɛɡre nɛra baa dɛ kpɔ bela dɛɛ lɛ ba kwa, asɛ nomɛl ka taa Abemɛlɛk be.

Sitɔɔla 9:32

Jwaana he ne he laa tena le ba sɔh kpɔɡ bini dɛ́ɛ kpaa ba.

1 Samoɛl 15:2

Nemenɛ Korowii ŋɔ, ‘Mɛɛ tɛr Amalɛk tena deŋnee, dɛkalkɛŋɔ ba naawa teŋe Israel tena ŋwɛnɛ, ɡɛ saŋ baa le Ijipt dɛɛ ba la.

1 Samoɛl 15:5

Kooro Sɔɔl ne o laa tena la Amalɛk tena bwɛjen bɛl ta, dɛ ka sɔh chɔ fɛlembɔjen bɛl bini bar bwɛɛ la.