Josua 8:33 - mzwDBL

³³ Dɛ Israel tena bwa, hɔɔhra ne deela, koranar ne nomonome, dɛ ba bini nɛra baa bol waa dɛɛ pa bole bwa kaa che Korowii Ne Nɛwɛnyina Fɔo Daka la baŋne anɛ ta, ba sie chaɡɛ Lewi dea sɔfore baa cheɡɛ daka la. Nɛra la bini bane cheɡɔ ba habɔɔ chaɡɛ Geresim Bwejen la, asɛ ba pera ɡe che ba habɔɔ chaɡɛ Ebal Bwejen la. Ba cheɡɔ ɡɛ Korowii bonɔɔ Mosis aa do ba la, asɛ Korowii ɡel sɔfore la swee andɛɛɡa tɛɛ ba.

Josua 8:33 Iomraidhean Croise

Kaala 12:49

Gɛ mmara nɔ chɔɔ tɛ harɛ nɔ ta bie ne nɛŋhɔɔhra baa soɡe o ta bwa.”

Lewi Dea Tena 24:22

Mmara beŋkpoŋii chɛ kɛ ó chɔ le tɛ deela ne hɔɔhra bwa. Menee Korowii haa dɛ tom mɛ la.’ ”

Nɛra Kura 15:15

Wesiwi beŋkpoŋii chɛ kɛ á chɔ le tɛ Israel tena ne hɔɔhra bwa. Gɛ waa nɔ chɔ le saŋ te bɛlbwa, dɛ tɛ he naanar baa ka ba bwa. He ne hɔɔhra la bwa ɛ nɛmbeŋkpoŋ men Korowii sie.

Nɛra Kura 15:16

A ɡɛ Mmara nɔ chɔ le tɛ he ne hɔɔhra baa soɡe he bini la bwa.”

Nɛra Kura 15:29

A ɡɛ Mmara nɔ chɔɔ tɛ nomɛlbwa waa wola saahnɛ ɛ wechɔɡa, hale Israel te kɛɛ hɔɔh bɛlbwa waa soɡe he bini.

Amanesoma Jɔn Aa Chwera Tɔn 4:20

Bwe nɔ taa ya Samaria tena naawa faa tomɛ Korowii saŋ la. Aah ɛrɛ waa he Juu tena ŋɔ Jerusalamee chɛ Korowii toma nɔɔ?”

Mmarare 11:29

Dɛ Korowii baa tel he ne harɛ haa dɛ́ la ka kpɔ so la ta naa, hé bol wedɛɛɡa waa Geresim Bwejen ta, dɛ́ berɛ bol nyotaahna waa Ebal Bwejen la ɡe ta.

Mmarare 31:12

Gel harɛ la ta baala, ne haahna, ne bechale dɛ hɔɔhra baa lɔ he bwɛɛre la ta bwa cheme dɛ́ no, dɛ́ hweli Korowii duura, dɛɛ teŋɛ o webaɡla ta kɛrɛdɛ.

Mmarare 31:25

Waa tona la, o ŋɔ Lewi dea tena baa ɛ sɔfore dɛɛ nyiŋi Korowii Ne Nɛwɛnyina Fɔo Daka la ta be ŋɔ,

Mmarare 31:9

Ate, Mosis chwerɛ Korowii Mmara la dɛ kpɔ do Lewi dea tena baa ɛ sɔfore la ne Israel nomonome la nɔn ta. Sɔfore laanee dɛɛ nyiŋi Korowii Ne Nɛwɛnyina Fɔo Daka o ne Israel tena fɔo baa fɔwa ba chwerɛ dɛ kpɔ do o bini la ta.

Josua 23:2

anomanta, Josua yerɛ Israel tena, ne nomonome bwa dɛ nɛra baa bol waa dɛɛ pa bole cheme dɛ ŋɔ, “Taraken, n hwɛɛhrɔ kɛrɛdɛ.

Josua 24:1

Josua berɔ yerɛ Israel deene la bwa, ba nomonome la ne nɛra baa bol waa dɛɛ pa bole bwa cheme bwɛjen Sɛkem. Baa tel bela la, o yerɛ ba bwa ka che Korowii sie.

Josua 3:14

Belaa a ba kɛ Israel tena la chuɡro le ba sobɔr bela dɛ ɡale Jɔɔdan Moo la, asɛ sɔfore la kpɔ Korowii Ne Nɛwɛnyina Fɔo Daka la che dɛ tɔ ba sie.

Josua 3:3

dɛ ŋɔ, “He baa na kɛŋɔ Lewi dea tena baa ɛ sɔfore la cheɡɛ Korowii Ne Nɛwɛnyina Fɔo Daka dɛɛ kaa laa, bɛlbwa ir dɛ́ teŋɛ ba nɛ.

Josua 3:6

Tɔ aa pera chɔɔ la, Josua ŋɔ sɔfore la be ŋɔ, “Hé kpɔ Korowii Ne Nɛwɛnyina Fɔo Daka la che, dɛ́ tɔ sie nɛra la teŋɛ.” Asɛ ba kpɔ che dɛ tɔ ba sie.

Josua 4:10

Sɔfore baa cheɡɛ Korowii Ne Nɛwɛnyina Fɔo Daka la cheɡɛ Jɔɔdan Moo nenabɔɔ la baah ta ka tel kɛŋɔ, waa Korowii aa do Josua ŋɔ ó ŋɔ Israel tena la be ŋɔ ba ɛ la aa tona, ɡɛ tenten Mosis aa bol Josua be la. Dɛ nɛra la ɛɡɛ Jɔɔdan Moo la le kaa warane.

Josua 4:18

Ate, sɔfore baa cheɡɛ Korowii Ne Nɛwɛnyina Fɔo Daka la le ba che baŋ. Baa lea ba che moo la nyoa la, buɡ la ta, dɛ nee o fa aa teŋa la berɔ su dɛɛ palɛ kɛ wubwa la.

Josua 6:6

Asɛ Nun bibaa Josua yerɛ sɔfore la dɛ ŋɔ ba be ŋɔ, “Hé kpɔ Korowii Ne Nɛwɛnyina Fɔo Daka la che, ásɛ he bini banuanɛ ɡe kpɔ bɛle tɔ o sie.”