Josua 8:31 - mzwDBL

³¹ ɡɛ Korowii bonɔɔ Mosis aa do Israel tena la. Josua ɡelɔ ba ɛ kon baa dɛ ɛ saraha o ta ɡɛ tenten baa chwera do Mosis Mmara Tɔn la bini. Ba ta buni kon kpɔe sɛh bwea la bɛlbwa. Ba ɛ saraha baa dɛ fuah dɛ kpoo kwaa ɛ deŋnesɔɔhna saraha o ta tɛ Korowii.

Josua 8:31 Iomraidhean Croise

2 Koranar 14:6

Kɛ o ta ɡɛ nomonome la bii kpoorɛ ɡɛ Korowii aa chwera Mosis Mmara la ta kɛŋɔ, “Mɛɛ kɛɛ nya ɛ wechɔɡa aa, haa won kpɔ kpo o bie, bii ɡe ɛ wechɔɡa aa, haa won kpɔ kpo mɛɛ kɛɛ nya. Nɛn o ɡbabir aa ɛ wechɔɡa laanee chɛ kɛ ó sewɛ o wechɔɡa wa.”

2 Koranar 22:8

Sɔfo nomoa Hilkia ŋɔ koodem karake Safan waa chwerɛ waa dɛɛ bil la be ŋɔ, “N na Korowii Mmara Tɔn waa nyoɡra la Korowii Dea.” Asɛ dɛ kpɔ tɛ Safan o kure.

2 Webena 25:4

Kɛ o ta ɡɛ nomonome la bii kpoorɛ ɡɛ Korowii aa chwera Mosis Mmara la ta kɛŋɔ, “Mɛɛ kɛɛ nya ɛ wechɔɡa aa, haa won kpɔ kpo o bie, bii ɡe ɛ wechɔɡa aa, haa won kpɔ kpo mɛɛ kɛɛ nya. Nɛn o ɡbaɡba aa ɛ wechɔɡa laanee chɛ kɛ ó sewɛ o wechɔɡa wa.”

2 Webena 35:12

Ba laa anɔ la baa fuah ɛ sarahare la kpɔ, dɛ bɔna denaa ta tɛ nɛra la, asɛ ba kpɔ ɛ saraha tɛ Korowii ɡɛ aa lɔ Mosis Tɔn bini la. Gɛ tentenee ba ɛ nabali la ɡe.

Ɛsra 6:18

Ba bɔne sɔfore ne Lewi dea tena la bini ɡɛ bɛlbwa toma aa doa Korowii Dea waa lɔ Jerusalam la bini, ɡɛ baa chwera do Mosis Tɔn bini la.

Nehemia 13:1

Awola tɔpere la, ba kure Mosis Mmara Tɔn la a le baŋ nomɛlbwa no. Ba kure o bobɛl waa dɛ baɡle kɛŋɔ, Amɔn te kɛɛ Moab te bɛ nɛra baa dɛ tomɛ Korowii nɛɛ ja,

Kaala 18:12

Ate, Jetro kpɔ kon waa fuh ɛ saraha ne saraha kwaa ane ɡe ba tɛ Korowii. Asɛ Arɔn ne Israel nomonome bwa le ba, asɛ ba ne o di kwa Korowii sie.

Kaala 24:5

Asɛ o tomɛ Israel bonɔɔna ba ka fuh kwaa ɛ saraha, dɛ kpoo nabali ɛ deŋnesɔɔhna saraha tɛo.

Matiu 12:26

Anomanta, dɛ Bɔnsam kora bini peɡro baa yo aa, amɔ te kora la aa won ɛ kora.

Mmarare 27:2

Dɛ he le Jɔɔdan Moo la baŋ harɛ Korowii aa kpɔa dɛɛ ba heya tɛɛ la ta naa, hé paaɡe bwea dɛ maala,

Mmarare 27:8

Hé chwerɛ Mmara la bini waa bwa dawɛ bwea la haa kpɔ paaɡe la ta á chɔ kɛrɛdɛ.”

Josua 1:8

Nyiŋi kɛrɛdɛ dɛ bɛ ɡel waa aa lɔ mmarare tɔn la bini paŋɛ saŋ te bɛlbwa. Dɛɛ kuro chɔɔ ne jwaana dɛ́ nyiŋi kɛŋɔ hɛɛ dɛɛ teŋɛ wobɛlbwa aa lɔ o bini taa. Anee dɛ́ ɡel wobɛlbwa do wer tɛ heya, he won ka so harɛ la ta.