Josua 8:29 - mzwDBL

²⁹ O ɡelɔ ba saɡɛ bwɛjen Ai kooro daa ta, ka tel jɔmɔra. Wee aa baa jo la, o ɡelɔ ba fooru dɛ kpɔɔ ka ta Ai doonyojen baa cheɡɛ o ta dɛɛ jo bwɛɛ la ta la. Ba pa bwea dawɛ o nɛɛ a daŋɛ, dɛ ta chɔ bela ba le fini.

Josua 8:29 Iomraidhean Croise

2 Samoɛl 18:17

Ba kpɔ Absalɔm chɔɔ la ta bɔluŋ bɛl bini kɔr la bini, dɛ pa bwea dawɛ o nɛ a daŋɛ kohona. Asɛ Israel tena la bwa chwa kaa ba deremi.

Ɛsta 7:10

Gɛɛ a do ba saɡɛ Heeman daa waa paa dɛɛ ba Mɔdekae o ta saɡa la, asɛ kooro baah sɔɔh tama.

Yela 107:40

Korowii siwi ta ba nɛra baa dɛ fiɡ ba la sui, a ɡel ba do pua hɛŋle ɡbo harɛ ta, bela ŋwɛnɛre aa wola toole dɛɛ ɡaaɡe.

Yela 110:5

Korowii ɛɛ che he mun taa, o baah diu waa, wɛɛ yo koranaree dɛ́ pɔ ba nɛ.

Amanesoma Jɔn Aa Chwera Tɔn 19:31

Dɛ awola tɔpere la ɛ tɔpere Juu tena aa dɛ kpɔ ba te, dɛkalkɛ tɔɔ peraa dɛ ba jo Ona Tɔpere waa ɛ ba tɔpejen tenten la ta. Dɛ baa nyin kɛŋɔ Yeesu ne nɛra la saɡɛ ka tel tɔpejen la ta. Anomanta, ba kaa soŋe Paelet ŋɔ ó ɡel soojare kuuɡi ba nakpale bá sewɛ warane, ásɛ ba dɔ bɔr laa ba kpɔ daɡaɡre la ta.

We-ɛɛla 12:23

Kooro Hɛrɔd aa wola ɡelɛ ba kpɛɛ Korowii, dɛ lɛ kpɛɛra la tɛ o te la, kerabeŋkpoŋ dɛ Korowii nyundua torome baa lɔɔ bil, asɛ kpaloɡlare diu o sewɛ.

Josua 10:30

Korowii cheɡɛ Josua ne o laa tena mun ta, dɛ kpɔ bwɛjen la ne o kooro do ba nɔn ta. Ba kpoo nɛra baa lɔ o ta bwa, nomɛlbwa ta kae. Gɛ baa ɛ bwɛjen Jeriko kooro laanee ba ɛ kooro la ɡe.

Josua 10:33

Ba yoi la ta la, Horam waa ɛ bwɛjen Gɛsa kooro kpɔ o laa tena dɛ ba cha Lakes tena, kɛ ane a bwa, Josua ne o laa tena wono pɔ o ne o laa tena nɛ dɛ kpoo ba bwa, nomɛlbwa ta kae.

Josua 12:9

Koranar Israel tena aa yoo ba dɛ pɔ ba nɛɛ laanee koranar baa le Bwɛjena Jeriko ne Ai, aa bɛne Bɛtel.

Josua 7:26

Ba pa bwea dawɛ Akan nɛɛ a daŋɛ kohona, a ta chɔ le ba le fini. Asɛ Korowii baah waa dia kohona la sɔɔh. A waa baa yerɛ bela Akɔ Fɛlembɔjen saŋ la bwa ba le fini la.

Josua 8:23

nemenɛ ba kooro ɡbo. O te ba lawɔ ka tɛ Josua.