Josua 8:20 - mzwDBL

²⁰ Bwɛjen Ai tena la kaa ke nyiŋi dɛ na kɛŋɔ chuu tɛrɔ le ba bwɛjen la ta dɛɛ kaa nyundua, dɛ lee ta kpaɔ. Ba ta bɔr dɔe ba chwa kpɔ. Dɛ Israel tena baa chwaa kaa pua hɛŋle ɡbo harɛ ta la kaa laa berɛ, dɛ kpɔ sie pa Ai tena baa dɛ ti ba la nɛ.

Josua 8:20 Iomraidhean Croise

Mumpar 19:28

O ta sie nyiŋi Sodom ne Gomoora pera, ne deŋɡarere dor harɛ waa chɔa kaa la bwa dɛ na chuu aa tɔ bela bwa kɛŋɔ kpɔɡjen bɛl aa dɛ fuh ken.

Job Tɔn 11:20

Kɛ wechɔɡ-ɛɛra ɛɛ nao baa a munii no, baa bɔree dɔ dɛ́ chwa kaa. Ba hwɛɡa bwaa kɛŋɔ ba fee sewɛ.”

Yela 76:5

Ba lɛ dɔmkwaa bwa aa lɔ ba banyoola be, asɛ ba serewe chɔ. Ba kpeɡri ne ba wejema bwa ɛ wepuu.

Aesaya 34:10

Wɛɛ dɛɛ fuuh webaŋa ne jwaana waa wola dime bwa, ásɛ o ninchuu ɡe teŋɛ tɛr dɛɛ kaa nyundua saŋ bɛlbwa. Harɛ la ɛɛ chɔ pɛɛpɛɛ saŋ bɛlbwa dɛɛ la, nomɛlbwa aa wola belaa kpɔ kpa bwa.

Josua 8:19

Josua aa ɛ ɡɛ la, laa tena baa sɔah dɛɛ kpa la leɔ warane dɛ ka jo bwɛjen la ta dɛ lɛ o bwa dɔɔh, dɛ kpaa nii do o ta.

Josua 8:21

Josua ne Israel tena la bwaa naa kɛŋɔ laa tena baa kaa sɔh chɔ dɛɛ kpa la kaa lɛ bwɛjen la dɔɔh asɛ chuu tɛr dɛɛ le o ta la, ba laa berɛ dɛɛ kpoo ba.

Wepila 18:9

Harɛ nɔ ta koranar ba ne waa dɛ bɔ jwamane dɛɛ di ba bwara la, baa ba na o chuu kɛ o dɛ fuh la, baa wiu dɛ́ɛ dooɡe lɔŋɔre.

Wepila 19:3

Ba berɔ si ja, “Hé kpɛɛ N Naa Korowii! Babelɔn chuu ɛɛ dɛɛ kaa nyundua saŋ bɛlbwaa.”

Sitɔɔla 20:38

Dɛ Israel tena la vɔrɔwɔ kɛŋɔ banɔ la baa chɔ kpɔɡ bini la ɡel chuu vɔwɛ bwɛɛ la ta bwa,

Sitɔɔla 20:40

Kɛ chuu aa dɛ le bwɛɛ la ta dɛ tɛr dɛɛ kaa nyundua la, Bɛnjamen dea tena la keo nyiŋi dɛ na kɛ ba bwɛɛ la bwa vɔwɛ chuu.

Sitɔɔla 20:41

Israel tena aa laa berɛ dɛ ba yo baa la, ɔmee lawɛ Bɛnjamen dea tena la kohona, ba ɡbabir jemɛ kɛŋɔ ba serewɔ tonɛ.