Josua 8:2 - mzwDBL

² Gɛ haa chɔɡ Jeriko ne o kooro la, he ka ɛ Ai ɡe ɡɛ. Kɛ laala ne kondɛɛra te, he bɛ an chɔɡ, hɛɛ won kpɔ a te. He ka sɔh bwɛjen la dahara dɛ́ chɔ kpaa ba.”

Josua 8:2 Iomraidhean Croise

2 Webena 13:13

Dɛ Kooro Jɛroboam ɡelɔ o laa tena la bane bar Juda laa tena la dɛ do habɔɔ, asɛ ba bini bane ɡe do ba sie.

2 Webena 20:22

Baa pa mun dɛɛ ɡo yela la, Korowii ɡelɔ Amɔn ne Moab, dɛ Edom laa tena baa dɛ ba ba lɔ tɔ Juda tena nɛɛ dɛ́ yoo ba la wili.

Yela 39:6

Nɛwɛnyini mkpa do kɛŋɔ lileo, ba wobɛlbwa ɛ wepuu. Wɛɛ nyin kondɔɔh cheɡ kohona, kɛ waa jemɛ naate aa ba ɛ o kwa.

Sɛɡla 13:22

Nɛra ba wa aa toɡra naanaree dɛɛ di ba kapɛrɛre, kɛ nɛnchɔɡa te kapɛrɛre dɛ kaa nɛra ba wa aa toɡra be.

Sɛɡla 28:20

Nɛn waa dɛ bol kasinteŋ la, o dɛ na som taeh, kɛ nɛn o siwi aa swɛɛra kɛ o dɔ kwaa warane la ne wahalaa.

Jeremia 17:11

Nɛn waa dɛ nyin suuɡa sibeɡra ne la, o do kɛŋɔ jal waa tee hala aa wola o kwaa ɛɛ. Naate soɡa bini tama la, wɛɛ paŋɛ o kondɔɔh laanee, ásɛ a habɔɔ ó na kɛ o ɛ ɡɛnewa.

Jeremia 51:12

Hé ir fraŋkaa ásɛ laa tena jemɛ dɛ́ ba kuuɡi Babelɔn danjwɛɛre. Hé le laa tena la bane ba ba ja dɛɛ daah bwɛɛ la dahare, bane ɡe chɔ baro.” Korowii dɔɔ kpɔ liire ŋɔ wɛɛ chɔɡ Babelɔn tenaa.

Mmarare 2:35

Kondɛɛra ne laala ne kwaa yaa dɔa bwɛɛre la ta te, ya kaa a ne a ɛ ya kwa.

Mmarare 20:14

Kɛ haahna ne bechale ne kondɛɛra ne komɛlbwa aa lɔ bwɛɛ la ta la, hé kpɔa kɛŋɔ laa ta kwa. Korowii haa dɛ tomɔ laanee laa lɛ he dɔma be tɛ heyaa la.

Mmarare 3:2

Asɛ Korowii ŋɔ n be ŋɔ, ‘Dɛɛ berɛ o ɔma, n kpɔ o ne o nɛra ne harɛ la bwa do he nɔn ta. Ɛo ɡɛ haa ɛ Amɔre Kooro Sihon o fa aa dɛ di kora Hɛsbɔn la.’

Josua 10:1

A kaa ba kɛ Kooro Adoni Sɛdɛk o fa aa di kora Jerusalam noɔ kɛŋɔ Josua ne o nɛra kaa yo bwɛjen Ai, dɛ chɔɡo kwaraa. Gɛ tenten Josua aa ɛ bwɛjen Jeriko tena ne o kooro la, ne ɡɛ Gebeɔn tena aa la Israel tena be ba ne ba ka fɔwɛ darame fɔo dɛ so bɛne ba la.

Josua 10:28

Awola tɔpere la, Makeda bwɛdaa do kɛŋɔ jahal ken Josua nɔn ta. O ne o laa tena kpoo bela kooro ne nɛra baa lɔ bwɛjen la ta bwa, o ta nɛn ɡelɛ. Gɛ waa ɛ bwɛjen Jeriko kooro laanee o ɛ Makeda kooro ɡe.

Josua 11:14

Israel tena la cheɡɛ kondɛɛɡa ne kondɛɛra aa lɔ ɡɛ bwɛjena la ta bwa kaa a ɛ ba kwa. Ba kpo nɛra baa lɔ bwɛjena la ta bwa, bɛlbwa ta kae.

Josua 6:21

Ba kpoo baala ne haahna, ne bechale ne nomonome, ne nae ne peera dɛ keeɡore aa lɔ bwɛɛ la ta, dɛ lea cheɡ tɛ Korowii.

Josua 8:12

Dɛ Josua kpɔ laa tena la dɛ ɛ kaɡboŋa banue ka sɔh ba chɔ dɛɛ kpa Bɛtel ne bwɛjen Ai baah ta, o wee cholibɔr.

Josua 8:14

Bwɛjen Ai kooro aa na Josua laa tena la, kooro ne o bwɛɛ tena la bwa kpɔ ba te dɛ le warane chɔmbibii la ne, dɛ le ka pu Israel tena la yo bobɛl waa lɔ Jɔɔdan Moo Fɛlembɔjen la nyundua. Dɛ o ta jemɛ kɛŋɔ Israel tena sɔɔh chɔ dɛɛ kpa o bwɛɛ la dahare.

Josua 8:19

Josua aa ɛ ɡɛ la, laa tena baa sɔah dɛɛ kpa la leɔ warane dɛ ka jo bwɛjen la ta dɛ lɛ o bwa dɔɔh, dɛ kpaa nii do o ta.

Josua 8:24

Israel tena aa ti bwɛjen Ai tena dɛ ka kpoo ba kooni ne pua hɛŋle ɡbo harɛ ta tonɛ la, ba berɔ la bwɛjen Ai ta ɡe dɛ ka kpoo nɛra baa ka o bini bwa.

Josua 8:3

Ate, Josua ne o nɛra kpɔ ba te dɛ kaa Ai dɛ ka yoo ba. Josua kpɔ nɛra kaɡboŋa fifraatoro baa jemɛ laa yoi le Israel tena la bini dɛ tom ba jwaana,

Josua 8:7

he banɔ la haa kaa sɔh chɔ dɛɛ kpa la ɛ warane, dɛ́ ka lɛ bwɛjen la dɔɔh. Korowii haa dɛ tomɔ la ɛɛ kpɔ bwɛjen laanee do he nɔn ta.

Josua 8:8

Hé baa lɛ bwɛjen la tonaa, hé kpaa nii do o ta. Hé no waa maa do heyaa a ta nɔ kɛrɛdɛ.”

Josua 8:9

Ate, Josua tɛ laa tena la ŋwɛnɛ ba kaa bela baa sɔah chɔ dɛɛ kpa ɡɛ waa ŋɔa la. Ai wee cholibɔr dɛɛ kaa Bɛtel baah taa ba ka sɔh. Josua ɡe ne laa tena baa kaa la kaa chɔ bela baa baŋre ba tɛnte deene la.

Josua 9:3

Gebeɔn tena aa no ɡɛ Josua ne Israel tena aa ɛ bwɛjena Jeriko ne Ai la,