Josua 8:14 - mzwDBL

¹⁴ Bwɛjen Ai kooro aa na Josua laa tena la, kooro ne o bwɛɛ tena la bwa kpɔ ba te dɛ le warane chɔmbibii la ne, dɛ le ka pu Israel tena la yo bobɛl waa lɔ Jɔɔdan Moo Fɛlembɔjen la nyundua. Dɛ o ta jemɛ kɛŋɔ Israel tena sɔɔh chɔ dɛɛ kpa o bwɛɛ la dahare.

Josua 8:14 Iomraidhean Croise

Wejereme 9:12

Ane a bwa, nomɛlbwa aa o tɔpere jemɛ, ɡɛ ba yon kpɔ asau lawɛ pɛŋe, kɛɛ dɛ́ kpɔ bel lawɛ jumbie la, ɡɛɛ ba yon harɛ nɛra bela dɛ́ piɡri laɡ ba tɔpechɔɡe wee.

Aesaya 19:11

Nomonome baa chɔ Ijipt bwɛjen Soan nyoa la ɛ ɡɛna, nomonome baa jemɛ waa dɛɛ ja Ijipt kooro la aa on liidɛɛɡa tɛ. Aah, hɛɛ won ŋɔ Ijipt kooro be ŋɔ, “N ɛ wejereme kɛŋɔ saŋ la tena wejerema ne koranar la bini bɛl aa?”

Aesaya 19:13

Nomonome baa chɔ Soan nyoa berɛ ɡɛna, Mɛmfes nomonome ɡe wili. Banee fe chɛ kɛŋɔ ba tɔ Ijipt tena sie, dɛ berɛ ɡel ba nyoɡre.

Daneɛl 4:31

O nyoa ta lee, dɛ taa bɛl le nyundua dɛ ŋɔ, “Kooro Nebukadnesa, dɛɛ no, kpeɡri haa dɔa he kora ta la le he nɔn ta.

Matiu 24:39

Kɛ ba ta wone jemɛ waa aa dɛ ba bala ka tel ɡɛ saŋ nee la aa sua dɛ ba kpɔ ba bwa kaa. Gɛɛ Men Nɛn Bie la bala la ɛɛ ba nɛra piɡra.

Matiu 24:50

Tɔpebeŋkpoŋii o dɔɔ la ɛɛ ba bala ba piɡru,

Mmarare 1:1

Kenii Mosis bol Israel tena be ɡɛ saŋ baa lɔ pua hɛŋle ɡbo harɛ ta, Jɔɔdan Moo wee leebɔr. Bela lɔ Jɔɔdan Fɛlembɔjen ta, dɛ bɛne bwɛɛ Suf, o do Paran ne Tofɛl ne Laban, ne Haserɔt dɛ Disahab baah ta.

Josua 8:13

Josua kpɔ laa tena la, bɛlbwa ka che o chebɔr, banɔ la baa wara la lɔ bwɛjen la weekaŋle nyunduabɔr, ba bini tama la ɡe sɔh dɛ chɔ bwɛjen la wee cholibɔr. Josua kaa chɔ fɛlembɔjen la bini awola jwaana la ne.

Josua 8:15

Josua ne o nɛra saahnɔ berɛ habɔɔ dɛɛ chwa dɛ ɡel Ai tena ɛɛ doŋ ba, ba chwao dɛ kpɔ sie chaɡɛ pua hɛŋle ɡbo harɛ la ta.

Josua 8:16

Dɛ bwɛjen Ai nomonome yerɛ baala bwa baa lɔ bwɛɛ la ta ŋɔ bá ba, dɛ́ ba ti Josua ne o nɛra, asɛ ba chwa ti ba. Ba le bwɛɛ la ta kwaraa.

Josua 8:5

N ne banɔ la baa ja n nɛɛ la bwa ɛɛ kpɔ sie pa bwɛjen la taa dɛɛ kaa ba be. Bwɛɛ la baala leɔ dɛɛ ba dɛ ba pu yaa yo, ɡɛ ba fa aa ɛa la aa, yaa berɔɔ dɛɛ chwa.

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

Sitɔɔla 20:37

Israel tena baa chɔa bar Gebea la lɔɔ jo bwɛɛ la bini bwa wɔrɔbe nɛ, dɛ kpoo bwɛɛ la tena bwa tokobie ne.