Josua 7:7 - mzwDBL

⁷ Asɛ Josua ŋɔ, “Nemenɛ Korowii, ɛrɛɛ he le ya ne Jɔɔdan Moo nɔ baŋ bonɔ dɛ ba do Amɔre tena nɔn ta bá kpoo yaa nɔɔ? Ya fe ta soɡe Jɔɔdan Moo la baŋ le fe bɔ.

Josua 7:7 Iomraidhean Croise

2 Koranar 3:10

Anee Kooro Joram ŋɔ, “Akwe! Ya na wa. Korowii kpɔ ya koranar batoro nɔ do Moab kooro ne o laa tena nɔn ta!”

Yela 116:11

N liire aa chɔɡa la, n ŋɔ, “Nomɛlbwa waa ta kasinteŋ dɔe!”

Kaala 16:3

dɛ ŋɔ, “Korowii fe den kpoo yaa Ijipt harɛ ta kwaraa naa, a fe bɔ. Yaa lɔ bela dɛ ola su viine, yaa di kondikwa ɡɛ yaa dɛ nyin. Dɛ a bɛlbwa ta yaa nyae, asɛ he kpɔ yaa ba ta pua hɛŋle ɡbo harɛ ta bonɔ lɔr kpo yaa ya bwa ɛɛ ba serewa nɔ.”

Kaala 17:3

Nyɔɡre kohona nomanta, ba teŋɔ naɡre Mosis waa bela. Ba ŋɔ, “Ɛrɛɛ he lawɛ yaa le Ijipt harɛ ta, dɛ ɡel nyɔɡre baa kpo ya ne ya bii ne kondɛɛra ya bwa serewe nɔɔ?”

Nɛra Kura 14:16

‘Ntam Korowii aa ŋwɛɛra dɛ baɡɛ nyoa ŋɔ wɛɛ la Israel tena ne Keenan harɛ taa la, o horɔ, anomanta, o kpoo ba ta pua hɛŋle ɡbo harɛ ta.’

Nɛra Kura 14:3

Ɛrɛ waa Korowii kpɔ yaa dɛɛ ba harɛ nɔ ta ásɛ ba ba kpoo yaa nɔɔ? Baa lawɛ ya haahna ne biirii kaa. Ya berɔ kaa Ijipt harɛ ta fe ta bɔ naa?”

Matiu 17:17

Asɛ Yeesu chaŋe ŋɔ, “Oo! Fini nɔ nɛra wechɔɡa aa lɔ he nɛɛ nɔ, he ta yarada dɔe! Tɔpera aŋwɛnɛɛ hɛɛ nyin kɛ ń lawɛ bambile, dɛ́ so he be mɔɔ he yarada Korowii ɔ? Maa tɔpere bɛl dii ba he be kpa oo! Hé kpɔ bie la ba tɛ mɛ!”

Matiu 17:20

Anee Yeesu ŋɔ, “He yarada aa wola kanɛ waa. Kasinteŋ, dɛ he yarada fe kan kɛŋɔ sipon ɡba aa, hé fe ɛɛ wonoo ŋɔ bwejen nɔ be ŋɔ ó huɡri kaa bela haa dɛ nyin, ásɛ o kaa. Hé fe ɛɛ wonoo ɛ komɛlbwa.

Hibru 12:5

He soh ɡɛ Korowii aa kpɔ heyaa ɛ o bii dɛ ja heyaa la aa? Ba chwerɔ ŋɔ, “N bie, dɛ Korowii dɛ tɛr he deŋne aa, bɛ an wesale lii. Dɛ o dɛ toɡre naa, bɛ ɡel a hwah he bwara,

Josua 7:6

Ate, Josua kɛɛ laala waa doa la, dɛ kpɔ sie pi harɛ Korowii Ne Nɛwɛnyina Fɔo Daka la sie, dɛ chɔ bela ka tel jɔmɔra. Israel nomonome la ɡe ɛ ɡɛ, ba ne Josua bwa ɛ teera do ba nyuune ta a baɡle kɛŋɔ ba loo kuu.

Josua 7:8

Korowii, n ta ɡɛ bwa maa bol nae kpa. Israel tena dɔma teŋɛ ba nɛ ba laa berɛ.

Sitɔɔla 20:23

Israel tena la kaa wi no Korowii ka tel jɔmɔra, dɛ berɛ soŋo ŋɔ, “Yá ka pu ya bala Bɛnjamen dea tena la yo ja aa?” Anee Korowii chaŋe ŋɔ, “Hé kaa ka yoo ba.”

1 Samoɛl 4:3

Israel laa tena baa kaa la aa bera ba bela baa baŋre ba tɛnte deene la, ba nomonome la bɔɔ ba ŋɔ, “Ɛrɛɛ Korowii ɡel Filisti tena pɔ ya nɛɛ fini ken? Hé ɡel yá ka kpɔ Korowii Ne Nɛwɛnyina Fɔo Daka la le Silo ba, ásɛ ya ne wɛɛ valɛ ó lɛ yaa dɛɛ le ya dɔma nɔn ta.”