Josua 7:6 - mzwDBL

⁶ Ate, Josua kɛɛ laala waa doa la, dɛ kpɔ sie pi harɛ Korowii Ne Nɛwɛnyina Fɔo Daka la sie, dɛ chɔ bela ka tel jɔmɔra. Israel nomonome la ɡe ɛ ɡɛ, ba ne Josua bwa ɛ teera do ba nyuune ta a baɡle kɛŋɔ ba loo kuu.

Josua 7:6 Iomraidhean Croise

Mumpar 37:29

Rubin aa bera la kɔlɔŋ la ta dɛ ka na kɛŋɔ o toole bela la, asɛ o laa o batakaare kɛɛ, a baɡle kɛŋɔ o loo kuu.

Mumpar 37:34

Belaa Jekɔb loo ku o laa o batakaare kɛɛ, dɛ kpɔ lweyal tɔ dɛ ɛ o bie la lwe dɛ la sie.

2 Samoɛl 1:11

Belaa Devid ne laa tena baa ja o nɛɛ bwa kɛɛ ba laala a baɡle kɛ ba loo kuu.

2 Samoɛl 1:12

Ba ɛ Kooro Sɔɔl ne Jonatan ne Israel tena baa ɛ Korowii nɛra la lwe dɛ wii ba, dɛ vɔwɛ nyoa ka tel jɔmɔra, dɛkalkɛ nɛra ɡalɡaa sewɛ laa la ta.

2 Samoɛl 1:2

Tɔpetooro wee ta la, baa bɛl le bela Kooro Sɔɔl aa baŋre o tɛnte deene dɛ so la ba. Dɛ o kɛɛ o laala bwa, dɛ ɛ teera su o nyu ta a baɡle kɛ o loo kuu. O la Devid be, dɛ ka ba harɛ dɛ kpɔ duure tɛo.

2 Samoɛl 12:16

Kooro Devid soŋe Korowii, kɛŋɔ ó ɡel bie la dɔ bokpeɡa. Dɛ o vɔwɛ nyoa, dɛ́ yon ka jo dea jwaana dɛ́ chɔ harɛ.

2 Samoɛl 13:19

Taama ɛ tɔɔ do o nyu ta dɛ kɛɛ o batakaarejaŋ ondɛɛɡe la. Dɛ kpɔ nɔɔra dawɛ nyu dɛ wi kohona dɛɛ kaa.

2 Samoɛl 13:31

Belaa kooro ir che dɛ kɛɛ o laala, dɛ chole harɛ, a baɡle kɛ o loo kuu. O bonɔɔna baa ja o nɛɛ bela la ɡe kɛɛ ba laala.

2 Koranar 22:11

Kooro la aa no Mmara Tɔn la bini waa la, o laa o laala waa doa la kɛɛ, a baɡle kɛ o loo kuu.

2 Webena 34:19

Kooro Josia aa no Mmara Tɔn la bini waa la, o laa o batakaare kɛɛ, a baɡle kɛ o dɛ di suna.

Ɛsra 10:1

Sɔfo Ɛsra taa ɡuŋa dɛɛ soŋe Korowii o Dea la sie, dɛ wi dɛɛ soŋe Israel tena wechɔɡa la, Israel tena baa wara, baala ne haahna, dɛ bechale baa baro cheme la ɡe wio kɛrɛdɛ.

Nehemia 9:1

Korobinuanɛ la tenten, tɔpera fifraanɛ dɛ anaarɛ ta, Israel tena chemo dɛ vɔwɛ nyoa, dɛ kpɔ lweyale tɔ, dɛ ɛ teera do ba nyuune ta, a baɡle kɛŋɔ ba tea bini chɔɡɔ ba wechɔɡa wa.

Ɛsta 4:1

Mɔdekae aa na waa baa ɛa la, o kɛɛ o laala dɛ kpɔ lweyal tɔ, dɛ ɛ tɔɔ do o nyu ta, a baɡle kɛŋɔ o tea bini chɔɡɔ. O valɛ bwɛjen Susa fɔɡbaahna dɛ dooɡe lɔŋɔre dɛɛ wi kohona.

Ɛsta 4:3

Harɛre la bɛlbwa ta kooro mmara la aa tela la, Juu tena baa lɔ bela la tea bini chɔɡɔ baa dooɡe lɔŋɔre dɛɛ wi kohona. Ba vɔwɛ nyoa dɛ kpɔ lweyale tɔ, dɛ ɛ tɔɔ merɛ harɛ dɛ chɔ a ta. A baɡle kɛ ba lɔ sibeɡra ta.

Job Tɔn 1:20

Job aa no ɡɛ la, o ir che dɛ laa o batakaare kɛɛ, a baɡle kɛ o loo kuu, dɛ fonɛ o nyu. Ate, dɛ chɔ kpɔ sie pi harɛ, dɛ jam Korowii,

Job Tɔn 2:12

O daamanar la aa dɛ ba, dɛ che bojaŋ nao la, ba ta on jemɛ. Ba wio kohona, dɛ laa ba laala kɛɛ, dɛ ɛ tɔɔ do ba nyuune ta, a baɡle kɛ ba loo kuu.

Job Tɔn 42:6

Anomanta, sihiih kpo mɛ n charɛ n liire dɛ so bomboɡ ne tɔɔ ta, á baɡle kɛŋɔ n bambile chɔɡɔ.”

Wiile 2:10

Jerusalam banjeni helɔ dɛ so harɛ jeiih ken, ba ɛ teera do ba nyuune ta dɛ kpɔ lweyale tɔ, a baɡle kɛ ba dɛ di suna. Bitoli ɡe ɡure nyuune su harɛ.

Nɛra Kura 14:6

Anee Nun bibaa Josua ne Jefune bibaa Kaleb ba fa aa ja nɛra la nɛɛ dɛ ka sɔh nyiŋi harɛ la laa ba laala baa doa la peeɡe, a baɡle kɛŋɔ ba dɛ di suna,

Nɛra Kura 16:22

Ate, Mosis ne Arɔn kpɔ ba sie pi harɛ dɛ do lɔŋɔre ŋɔ, “N Naa Korowii, nɛwɛnyina bwa mkpa lɔ he be, dɛ nɛmbeŋkpoŋ ɛ wechɔɡa aa, hɛɛ koh a waa he baah di ɡɛ nɛra nɔ bwa nɛ aa?”

Nɛra Kura 16:45

“Hé laa he te kpɔ ɡɛ nɛra nɔ bini, ásɛ n won kpoo ba buɡ nɔ ta ba waa tonɛ.” Asɛ Mosis ne Arɔn kpɔ ba sie pi harɛ dɛ soŋe Korowii.

We-ɛɛla 14:14

Banabas ne Pɔɔl aa no ɡɛ waa nɔ la, a ɛɛ ba anebɛlbwa, asɛ ba kpɔ tebinichɔɡ kɛɛ ba ɡbaɡba batakaani, ɡɛ ba bwɛɛ tena yon dɛɛ ɛ la, dɛ lɔ jo nɛra la bini sibeɡra ne, dɛɛ bol waa takpeɡ ne dɛɛ ŋɔ,

Josua 7:7

Asɛ Josua ŋɔ, “Nemenɛ Korowii, ɛrɛɛ he le ya ne Jɔɔdan Moo nɔ baŋ bonɔ dɛ ba do Amɔre tena nɔn ta bá kpoo yaa nɔɔ? Ya fe ta soɡe Jɔɔdan Moo la baŋ le fe bɔ.

Wepila 18:19

Ba loo ɛɛ kuu, bá ɛ teera ta ba nyuune ta, dɛ́ɛ wiu dɛ́ɛ dooɡe lɔŋɔre, dɛ́ ŋɔ, “Akwe! Akwe! Waa pu bwɛjen kondɔɔh aa su o bwa, dɛ ɡel nɛra baa dɔ stiimaere do mpo ta berɛ dɔɔhna la. O paŋɛ komɛlbwa dɔŋhwere beŋkpoŋ.

Sitɔɔla 11:35

Waa na o bihaah la, o tea bini chɔɡɔ, o laa laala waa doa la kɛɛ dɛ do lɔŋɔ ŋɔ, “Aa, n bie! He ɡelɔ n loo ku! N baɡɛ Korowii nyoa maa wola won berɛ nyoa kpa.”

Sitɔɔla 20:23

Israel tena la kaa wi no Korowii ka tel jɔmɔra, dɛ berɛ soŋo ŋɔ, “Yá ka pu ya bala Bɛnjamen dea tena la yo ja aa?” Anee Korowii chaŋe ŋɔ, “Hé kaa ka yoo ba.”

Sitɔɔla 20:26

Asɛ Israel tena la bwa la Bɛtel dɛ ka so Korowii sie dɛ wi noo ja. Ba vɔwɛ nyoa awola tɔpere le chɔɔ ka tel jɔmɔra. Ba fuh kwaa ɛ saraha ne deŋnesɔɔhna saraha tɛ Korowii.

Sitɔɔla 21:2

Israel tena la Bɛtel dɛ ka so Korowii sie dɛ kpɔ takpeɡ wi noo kohona ka tel jɔmɔra.

1 Samoɛl 4:12

Awola tenten, baa bɛl waa le Bɛnjamen dea chwao le laa la ta dɛ ba Silo, dɛ o laala kɛɛrɔ asɛ teera do o nyu ta a baɡle kɛ o bambile chɔɡɔ.