Josua 7:3 - mzwDBL

³ Baa bera ba la, ba ŋɔ Josua be ŋɔ, “Ya bwa laa chɛ kɛŋɔ yá ka pu Ai tena yo, baa kanɛ. Gel nɛra kaɡboŋa banɛ kɛɛ batoro ka yoo ba, ya bwa bɛ koh ta pɛɛ.”

Josua 7:3 Iomraidhean Croise

Sɛɡla 13:4

Bɔhwaah bɛlbwa aa o konnyini dɔ, kɛ nɛn waa dɛ nyin toma te, o dɛ dɔ kon waa dɛ nyin.

Sɛɡla 21:25

Bɔhwaah pɛla konee dɛɛ kpoo, dɛkalkɛ waa toma ɛɛ nyin.

Amanesoma Luk Aa Chwera Tɔn 13:24

“Hé takapɔ dɛ́ kpɔ doonyoa waa do feelɔɔ o ta joe do kpeɡri la ta, dɛ́ jo ka ja Korowii Kora la ta, dɛkalkɛŋɔ nɛra ɛɛ warɔɔ dɛ́ɛ nyin dɛ́ jo bela, kɛ baa won dɔ bɔr jo.

Hibru 4:11

Anomanta, hé ɡel ya swɛɛ siwi dɛ́ dɔ ɡɛ ona la. A ta chɛ kɛ bɛlbwa ɛ a saŋ la tena deŋnekpeɡ la dɔŋ dɛ́ ba paŋɛ ɡɛ ona nɔ.

Josua 7:2

Josua tomɛ nɛra bane le bwɛjen Jeriko ŋɔ bá la bwɛjen Ai ta. O bɛne bwɛɛ Bɛt Avɛn, dɛ do Bɛtel wee leebɔr. O ŋɔ baala la be ŋɔ, “Hé la dɛ́ ka sɔh nyiŋi harɛ la.” Ate, ba la dɛ ka sɔh nyiŋi bela.

Josua 7:4

Ate, baala dɛ ɛ kaɡboŋa batoro la bela, kɛ Ai tena kpeɡri ɡwaa banɛ, asɛ ba laa berɛ.

2 Pita 1:10

Anomanta, yabala, Korowii aa le heyaa tɛ o te nɔ, hé takapɔ kɛŋɔ hɛɛ ɡeloo he we-ɛɛla baɡle kɛŋɔ Korowii nɛra waa lee ba la banee heya. He dɛ ɛ ɡɛ naa, haa naa lɔ Yeesu Kristo waa nɔ yaradae ta bwa.

2 Pita 1:5

A ɡɛ waa nɔ wesoo nomanta la, hé takapɔ dɛɛ ɛ wedɛɛɡa dɛɛ ja he Yeesu waa yaradae ta, dɛ́ kpɔ wejema dɛ́ ja he wedɛɛɡa ɛɛ ta,