Josua 7:26 - mzwDBL

²⁶ Ba pa bwea dawɛ Akan nɛɛ a daŋɛ kohona, a ta chɔ le ba le fini. Asɛ Korowii baah waa dia kohona la sɔɔh. A waa baa yerɛ bela Akɔ Fɛlembɔjen saŋ la bwa ba le fini la.

Josua 7:26 Iomraidhean Croise

2 Samoɛl 18:17

Ba kpɔ Absalɔm chɔɔ la ta bɔluŋ bɛl bini kɔr la bini, dɛ pa bwea dawɛ o nɛ a daŋɛ kohona. Asɛ Israel tena la bwa chwa kaa ba deremi.

2 Samoɛl 21:14

Ba huɡe Kooro Sɔɔl ne o bibaa Jonatan hoɡa la bwebɔɔ baa huɡe Kooro Sɔɔl mɛɛ Kes bini Sela, Bɛnjamen dea harɛ ta. Gɛ Kooro Devid aa do ba laanee ba ɛ. A habɔɔ, Korowii no harɛ la tena wesoŋa.

2 Webena 29:10

Anomanta, men Kooro Hɛsɛkea kpɔ liire kɛŋɔ n ne Korowii Israel tena aa dɛ tomɔ la fɔwɛ fɔo, ásɛ o baah bɛ ya nɛɛ di kohona.

Ɛsra 10:14

Hé ɡel ya nomonome so dɛ́ nyiŋi a ta tɛ ya bwɛɛla bwa, ásɛ nomɛlbwa waa mo a ɡɛ haahna nɔ bɛl la, bá yerɔ ó ba tɔpere baa doo ta, dɛ́ kpɔ nomonome ne nɛra baa bol waa dɛɛ pa bole harɛ waa soɡe o ta ja ba. Kenii dɛ́ ɡel waa nɔ Korowii baah aa di ya nɛɛ a waa nɔ le ya nɛ.”

Yela 85:4

Ya naa Korowii haa ɛ ya Lɛɛ, berɛ ɡel ya wobɛlbwa do wer tɛ yaa, bɛ ɡel he baah di ya nɛɛ kpa.

Kaala 32:12

Ijipt tena ɛɛ boloo ŋɔ liichɔɡaa he kpɔ tɔ he nɛra sie, dɛ laɡ ba le Ijipt harɛ ta, dɛ kpoo ba bwejena bɔr ba bwa tonɛ harɛ nɔ ta. Amɔ dɛ ɡɛ wer aa? Gel he baah sɔɔh dɛ́ le he bandia kohona la ta. Charɛ he liire dɛ́ ɡel he nɛra chɔɡa.

Aesaya 40:2

Hé bol bansɔɔh waa baɡle Jerusalam tena dɛ́ ŋɔ, ba weweele baa naa kohona teŋo, ba bɔ ba wechɔɡa kem tonɛ. Ba dɔ ba wechɔɡa bwa deŋnetɛra kohona, dɛ le men Korowii be.”

Aesaya 65:10

Sarɔn ɛɛ ɛ peera dibɔree, ásɛ Akɔ Fɛlembɔjen ɛ bela nae aa dɛ onɛ, dɛ́ tɛ n nɛra baa dɛ nyin mɛ bambile bwa ne.

Wiile 3:53

Ba lawɛ n ne n siwi ta kɔlɔŋ bini, dɛ foɡ mɛ bwea, dɛ́ fee kpo mɛ.

Hosia 2:15

Mɛɛ berɛ o daa kooni laanee tɛo, ásɛ dɛ berɛ Akɔ Fɛlembɔjen la bela hwɛɡa aa lole. Belaa wɛɛ ba yela ɡoe silɛɛ ne kɛŋɔ o toli saŋ, ne ɡɛ awola tɔpere waa le Ijipt harɛ ta la ken.

Hosia 2:17

Maa ɡel ó yerɛ voɡa Baalre sɔna, waa a waa bol kpa.

Joel 2:13

He bɛ he laala kɛɛ á baɡle he suna dii, hé ɡel he suna dii baɡle kɛ he bambile chɔɡɔ.” Hé charɛ he liire dɛ́ berɛ ba Korowii haa dɛ tomɔ be, o bambile too dɛ dɔ tedoma tɛ nɛn. O baah aa di warawara, o nyina ta jaɡa dɔe. O kpɔ nɛra wechɔɡa dɛɛ kɛ ba saŋ bɛlbwa, waa wola ba deŋne tɛr.

Joel 2:18

Anee ɡela Korowii sie ba o nɛra nɛ, dɛ sune ba nɛ harɛ la ta.

Jona 1:15

Ate, ba ɡɔɔ Jona viɡri nee ta ken tuuu. Buɡ la ta, mpo la hel kerker ken.

Sekaria 6:8

Ate, Korowii nyundua torome la yer mɛ dɛ ŋɔ, “Jaɡre aa kpɔ sie chaɡɛ weekaŋle nyunduabɔr Babelɔn harɛ dɛ kaa la, kaa sɔɔh Korowii bandia nyoa.”

Nɛra Kura 25:8

dɛ ka pu baa la tɛnte dea la bini dɛ yaɡɔ vah ka yaɡɛ haah la, ate weechɔɡa aa lɔ Israel tena la nyoa sɔɔh.

Mmarare 13:17

He bɛ ɡɛ kwaa la bɛlbwa ba kpɔ, ásɛ a ba ɛ musu tɛ heya, ásɛ Korowii baah bɛ hé nɛɛ ba di. Ó na he sum, dɛ́ dɔ tedoma tɛ heya, dɛ́ ɡel he ya kohona ɡɛ waa baɡɛ he naawa nyoa la,

Mmarare 13:18

dɛkalkɛŋɔ he dɛ no Korowii haa dɛ tomɔ nɔ deŋna waa, dɛɛ teŋɛ o waa bwa maa kpɔa dɛɛ tɛ heyaa fini nɔ ta, dɛɛ ɛ anɔ la aa toɡra o be.”

Josua 10:27

Wee aa dɛ ba joe la, o ɡelɔ ba ka laa ba kpɔ le daa baa saɡre a ta la ta, dɛ paa ba ka ta bwebɔɔ ba fa aa chwaa ka sɔh o bini la bini. Bwea baa ɡbila tɔ bwebɔɔ la nyoa kan kɛrɛdɛ dɛ ta tɔ o nyoa ba le fini.

Josua 7:24

Ate, Josua ne Israel tena la lawɛ Akan, dɛ kpɔ suuɡapoŋa la ne batakaare la ne suuɡaswɛm bwe, ne o bii bwa ne o nae ne keeɡore ne peera, dɛ o tɛnte Dea ne komɛlbwa waa dɔa bwa, dɛ kpɔ ba ne a bwa kaa Akɔ Fɛlembɔjen bini.

Josua 8:29

O ɡelɔ ba saɡɛ bwɛjen Ai kooro daa ta, ka tel jɔmɔra. Wee aa baa jo la, o ɡelɔ ba fooru dɛ kpɔɔ ka ta Ai doonyojen baa cheɡɛ o ta dɛɛ jo bwɛɛ la ta la. Ba pa bwea dawɛ o nɛɛ a daŋɛ, dɛ ta chɔ bela ba le fini.