Josua 7:24 - mzwDBL

²⁴ Ate, Josua ne Israel tena la lawɛ Akan, dɛ kpɔ suuɡapoŋa la ne batakaare la ne suuɡaswɛm bwe, ne o bii bwa ne o nae ne keeɡore ne peera, dɛ o tɛnte Dea ne komɛlbwa waa dɔa bwa, dɛ kpɔ ba ne a bwa kaa Akɔ Fɛlembɔjen bini.

Josua 7:24 Iomraidhean Croise

Mumpar 18:25

N jemɔ kɛŋɔ haa pɛ kpo nɛnchɔɡa ne nɛndɛɛɡa. Akai, haa ɡɛɛ ɛ. He ɛ ɡɛ naa, nɛndɛɛɡa ne nɛnchɔɡa bwaa hɛɛ ba pɛɛ tɛr ba deŋne la. A ne he sɔn ta maɡrɛ kwaraa! He nɛn haa ba bol harɛ nɔ ta nɛra bwa waa dɛ́ pa bole la ta chɛɛ kɛ he ɛ anɔ la aa maɡraa?”

Job Tɔn 20:15

Nɛra kondɔɔh nyubinikpeɡ tena aa lɛa la, Korowii ɛɛ ɡeloo ba uɡe a bwa.

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

Sɛɡla 15:27

Nɛn waa dɛ nyin kafo la kpɔ waa dɛɛ ba o ne dem tena nɛ, kɛ nɛn waa kia kɛ ba yawɔ sen la ɛɛ so lee.

Wejereme 5:13

N na wedoŋa ane ɡe harɛ nɔ ta, nɛra yon pa ba kondɔɔh sɔh kɛ aa ban cha,

Aesaya 65:10

Sarɔn ɛɛ ɛ peera dibɔree, ásɛ Akɔ Fɛlembɔjen ɛ bela nae aa dɛ onɛ, dɛ́ tɛ n nɛra baa dɛ nyin mɛ bambile bwa ne.

Hosia 2:15

Mɛɛ berɛ o daa kooni laanee tɛo, ásɛ dɛ berɛ Akɔ Fɛlembɔjen la bela hwɛɡa aa lole. Belaa wɛɛ ba yela ɡoe silɛɛ ne kɛŋɔ o toli saŋ, ne ɡɛ awola tɔpere waa le Ijipt harɛ ta la ken.

Josua 15:7

Harɛ la jwɛh le bela kaa Akɔ Fɛlembɔjen ta, dɛ kpoŋe kaa bwɛjen Debir, dɛ berɛ ɡole kpɔ weekaŋle nyundua dɛ kaa Gelɡal, o sie aa chaɡɛ bobɛl ŋwɛnɛ aa chɔa dɛ kaa Adumim Bwejen weekaŋle harɛbɔr fɛlembɔjen la baŋ. Dɛ kpoŋe le Ɛn Sɛmɛs nee nyoa dɛ ka tel Ɛn Roɡel nyoa.

Josua 22:20

Hé lii ɡɛ saŋ Sɛra bibaa Akan aa ɛ deŋnekpeɡ kwaa baa lea cheɡ tɛ Korowii la wa. Korowii baah ta Israel tena bwa nɛɛ dii o tɛr ba deŋne aa? Akan ɡbo laa sewa o wechɔɡa wa.”

Josua 6:18

Hé laa nɔn kpɔ kwaa haa lea cheɡ tɛ Korowii la ta, ásɛ a bɛ heyaa bichɔɡe ba lolɛ. Dɛ ɡɛ laa aa, chɔɡa tentenee he nyin baa dawɛ he Israel tena nɛɛ bela haa baŋre he tɛnte deene la.

Josua 6:21

Ba kpoo baala ne haahna, ne bechale ne nomonome, ne nae ne peera dɛ keeɡore aa lɔ bwɛɛ la ta, dɛ lea cheɡ tɛ Korowii.

Josua 7:1

Israel tena la ɛ deŋnekpeɡ, dɛ kpɔ kwaa baa lea cheɡ tɛ Korowii waa ŋɔa ba bɛ kpɔ la ta. Baa bɛl baa dɛ yerɔ Akan, o mɛɛ sɔne Kaami. Kaami ɡe mɛɛ sɔne Simri, asɛ o nabaa sɔne Sɛra, o le Juda dea. A ɡɛ Akan nɔɔ kpɔ kwaa baa lea cheɡ tɛ Korowii waa ŋɔa ba bɛ kpɔ la, asɛ a che a ta Korowii baah di ba nɛɛ kohona la.

Josua 7:23

Ba kpɔ kwaa la le tɛnte dea la bini, dɛ kpɔ ba tɛ Josua ne Israel tena la bwa, dɛ kpɔa bil Korowii sie.

Josua 7:26

Ba pa bwea dawɛ Akan nɛɛ a daŋɛ kohona, a ta chɔ le ba le fini. Asɛ Korowii baah waa dia kohona la sɔɔh. A waa baa yerɛ bela Akɔ Fɛlembɔjen saŋ la bwa ba le fini la.