Josua 7:18 - mzwDBL

¹⁸ Asɛ Josua ɡel Simri ne o lolanar le ba che beŋkpoŋa, asɛ Korowii lawɛ Akan, o mɛɛ sɔne Kaami. Kaami mɛɛ sɔne Simri, Simri ɡe mɛɛ sɔne Sɛra, dɛ le Juda dea.

Josua 7:18 Iomraidhean Croise

Sɛɡla 13:21

Wechɔɡ-ɛɛra ne waa bobɛlbwa, kɛ nɛra ba wa aa toɡra te, wedɛɛɡaa ɛ ba kembɔr.

Jeremia 2:26

Gɛ ba lawɛ ŋwɛɛ sihiih yon kpoo la, ɡɛɛ sihiih kpo he Israel tena bwa, he ne he koranar, ne he nomonome ne sɔfore, dɛ n keamere bwa.

Nɛra Kura 32:23

Dɛ he vɛoh he ta ɡɛ ɛɛ yaa, dɛ he ɛ wechɔɡa dɛ jo Korowii nɛ, aa ɡure he nyu taa.

Josua 7:17

Ate, Juda dea tena le dɛ ba che sie, asɛ Korowii lawɛ Sɛra tena. Asɛ o ɡel Sɛra tena ba o sie lolanar ta, asɛ o lawɛ Simri dem tena.

1 Samoɛl 14:42

Anee Kooro Sɔɔl ŋɔ sɔfo Ahija be ŋɔ, “Berɛ bil daa n ne n bibaa Jonatan nyu ta ja, dɛ́ na naate waa ɛ wechɔɡa la.” Asɛ a lawɛ Jonatan.