Josua 7:15 - mzwDBL

¹⁵ Naate maa lawɔ ŋɔ kwaa maa ŋɔa ba le cheɡ mɛ la lɔ o be la chɛ kɛŋɔ, bá fuh o ne komɛlbwa waa dɔa. O chɔɡ n fɔo n ne baa fɔwa la, dɛ ɛ sihihwa Israel harɛ ta.”

Josua 7:15 Iomraidhean Croise

Mumpar 34:7

dɛ Jekɔb bii la ɡe denɔ le kpɔɡ bini ba. Baa baa no waa la la, a we ba nɛ, asɛ ba baah di kohona kɛŋɔ Sɛkem aa ɛ wedoŋa dɛ nyiŋi Israel tena nyubaah kɛŋɔ waa ɡuɡri ba nimambie o ne o chɔ la.

2 Samoɛl 13:13

Dɛ a ba ɡɛ naa, ɛrɛɛ mɛɛ ba wona ɡɔɔ nyu nɛra bini nɔ? He ɡe kwaraa la, sihiih ɛɛ kpoe Israel harɛ nɔ ta bwa. N poori, ka bol kooro be mɔɔ, waa sɛh ŋɔ n bɛ hen yalɛ.”

Josua 7:11

Israel tena ɛ wechɔɡa, ba chɔɡ n ne ba fɔo yaa fɔwa n do ba ŋɔ baa teŋɛ a ta la ta. Ba kpɔ kwaa maa ŋɔa ba le cheɡ tɛ mɛ la ane. Ba ŋwɛa dɛ teŋe nyosone, dɛ paa ja ba laala ta.

Josua 7:16

Tɔ aa pera chɔɔ la, Josua ɡelɔ Israel tena la le denaa bɛlbwa tena ba Korowii sie, asɛ a ba kɛŋɔ Juda dea tenaa o lawɛ.

Sitɔɔla 20:10

Yá kpɔ nɛra fi le nɛra lafa bɛlbwa bini Israel dea bɛlbwa ta, ásɛ baa tɛ ba laa tena la kondikwa. Ásɛ dɛ laa tena la tel Gebea waa lɔ Bɛnjamen dea harɛ ta naa, bá dɔ kondikwaa á tel ba, bá won yo Gebea tena la dɛ́ tɛr ba deŋne, wedoŋa baa ɛa Israel harɛ ta la wa.”

Sitɔɔla 20:5

Jwaana la ne Gebea baala koh n wa dɛ bar dem la cheme dɛɛ nyin mɛ dɛ kpo. Ba ɡuɡri n sɛno la ba ne o chɔ, asɛ o sewɛ.

Sitɔɔla 20:6

N kpɔ o lale la dɛ ba mɔne o bini bɔne tɛ Israel deene fi dɛ anɛ la bɛlbwa, ásɛ a chaɡle wedoŋa ne waa baa kia ba ɛa Israel harɛ ta la.

1 Samoɛl 26:21

Anee Kooro Sɔɔl ŋɔ, “N bie Devid, n ɛ wechɔɡa, berɛ ba n be. Maa hen kpo kpa, dɛkalkɛ he dɔɔ mɛ he ta men kpoe jwaana nɔ ne. N ɛ ɡɛnewaa kohona ne waa aa wola were.”