Josua 7:12 - mzwDBL

¹² Anɔ waa Israel tena aa wola won che ba dɔma sie la. A chɛ kɛ bá sewɛ ba wechɔɡa la wa. Maa he nɛɛ ja kpa, nemenɛ he chɔɡ kwaa maa ŋɔa he le cheɡ tɛ mɛ, a do he be la bwa.

Josua 7:12 Iomraidhean Croise

Yela 44:10

He ɡelɔ ya chwa le ya dɔma sie, asɛ ba ba kam ya laala, kɛ laa ta kwa.

Yela 60:10

He deno berɛ habɔɔ kpo yaa kɛɛ? Haa ya laa tena sie tɔ ka yo ya dɔma kpa aa?

Sɛɡla 28:1

Nɛnchɔɡe dɛ chwa dɛ nomɛl aa on doŋi, kɛ nɛn o wa aa toɡra baah suu kɛŋɔ nyujente ken.

Aesaya 59:2

He wechɔɡaa tɔ heyaa ŋwɛnɛ, a do kɛ waa he be no la, anee pere he ne o baah he dɛ soŋo waa, waa wola chaŋe, dɛ kpɔ o te dɛɛ sɔh heyaa la.

Jeremia 23:33

Korowii ŋɔ men Jeremia be ŋɔ, “Dɛ n nɛra nɔ bini bɛlbwa kɛɛ n keame, kɛɛ n sɔfo bɔɔre ŋɔ, ‘Bɔkwa waa men Korowii ɛɛ bol ɔ?’ Asɛ he chaŋe ŋɔ, ‘He waa do kɛ bone dɛ dawɛ Korowii nɛ, anomanta, wɛɛ vɛh heyaa.’

Jeremia 6:8

Jerusalam tena, hɛ́ɛ no jae maa dɛ ja heya, ɡɛ laa aa, mɛɛ vɛh heyaa, dɛ́ ɡel he harɛ chɔ pɛɛ, ásɛ nomɛlbwa aa wola won so o ta.”

Hosia 9:12

Ba loɡlɔ kwaraa naa, mɛɛ ɡeloo ba di biseo, beŋkpoŋ kwaraa aa wola ka. Dɛ n laa n te kpɔ ba nɛ aa, bá bwɛɛlɛ.

Habakuk 1:13

He do ɡoroŋ kohona, haa soɡee dɛɛ nyiŋi waa aa ɛ wechɔɡa. Haa wechɔɡa nyin. Ɛrɛɛ hɛɛ ba nyoa tɔe, dɛ́ nyiŋi nɛnchɔɡa bá chɔɡ nɛra ba wechɔɡa aa wola doe kɛ ban ɔ?

Nɛra Kura 14:39

Mosis aa bol ɡɛ waa nɔ baɡle Israel tena bwa la, ba wio kɛrɛdɛ.

Nɛra Kura 14:42

He bɛ kaa! He dɔma ɛɛ kpoo heyaa, dɛkalkɛŋɔ Korowii ta he nɛɛ jae.

Nɛra Kura 14:43

Korowii laa nɔn kpɔ he nɛ, dɛkalkɛŋɔ he le o habɔɔ. Amalɛk ne Keenan tena ɛɛ cheme heya belaa dɛ́ kpoo heya.”

Nɛra Kura 14:45

Ate, Amalɛk ne Keenan tena baa soɡe deŋɡarere harɛ la ta la tu ba lɔ tɔ ba nɛ, ba lɔɔ ba dɛ doŋ ba ka tel bwɛɛ Hɔrma ta.

Mmarare 7:26

Hɛɛ berɛ ɡɛ voɡare la bɛlbwa ne he deremi bala, ɡɛ laa aa, he ne a bwa ɛɛ cheo tɛ kɛŋɔ Korowii chɔɡ heya. A ɛ kondoŋa he kia, dɛkalkɛŋɔ Korowii lea cheɡ kɛŋɔ wɛɛ chɔɡaa.”

Josua 6:18

Hé laa nɔn kpɔ kwaa haa lea cheɡ tɛ Korowii la ta, ásɛ a bɛ heyaa bichɔɡe ba lolɛ. Dɛ ɡɛ laa aa, chɔɡa tentenee he nyin baa dawɛ he Israel tena nɛɛ bela haa baŋre he tɛnte deene la.

Sitɔɔla 16:20

Delaela yerɔ ŋɔ, “Samsen, Filisti tena la pui!” O ir dom ta dɛ lii kɛŋɔ, “Mɛɛ le busee ɡɛ n fa aa dɛ ɛ la, dɛ́ kpɔ n bokpeɡa lɛ n te.” Dɛ o ta jemɛ kɛ Korowii laa nɔn kpɔ o nɛ.

Sitɔɔla 2:14

Korowii baah aa di Israel tena nɛɛ la, o ɡelɔ nɛra ba lɔ tɔ ba nɛ, dɛ pa ba laala bwa kaa kɛŋɔ laa ta kwa. O berɔ kpɔ ba do ba dɔma baa soɡa bar ba la nɔn ta, baa di kpeɡri ba nɛ ba lɛ ba te kahonɛ.

Sitɔɔla 2:4

Korowii nyundua torome la aa bol waa nɔ baɡle Israel tena la bwa la, ba wio kohona.

1 Samoɛl 14:38

Kooro Sɔɔl yerɛ nomonome baa chɔ laa tena nyoa la bwa dɛ ŋɔ, “Hé ba ya cheme dɛ́ na wechɔɡa yaa ɛa fini.