Josua 7:11 - mzwDBL

¹¹ Israel tena ɛ wechɔɡa, ba chɔɡ n ne ba fɔo yaa fɔwa n do ba ŋɔ baa teŋɛ a ta la ta. Ba kpɔ kwaa maa ŋɔa ba le cheɡ tɛ mɛ la ane. Ba ŋwɛa dɛ teŋe nyosone, dɛ paa ja ba laala ta.

Josua 7:11 Iomraidhean Croise

2 Koranar 18:12

Samaria chɔɡɔ dɛkalkɛ, dɛ Israel tena ɛ wechɔɡa dɛ jo Korowii baa dɛ tomɔ nɛ. Ba koni fɔo ba ne waa fɔwa la, ba ta waa Korowii fa aa cheɡɛ o bonɔɔ Mosis nɛɛ dɛ kpɔ tɛɛ ba la noɛ, dɛ kpɔ ɛ wa.

2 Koranar 5:24

Ba tel deŋɡare harɛ ta bela Elaesa aa soɡa la, asɛ Gehasi lɛ kwaa la dɛ kpɔ ka bil dea, dɛ ɡel bonɔɔna la laa berɛ kaa.

Aesaya 24:5

Harɛ ta nɛra siwi ta Korowii waa la sui, ba vɛh o Mmarare dɛ chɔɡ fɔo o ne baa fɔwa ó chɔ le saŋ bɛlbwa dɛɛ la, dɛ kpɔ doŋa kah harɛ.

Jeremia 31:32

O ne fɔo la n ne ba naawa aa fɔwa a ɡɛ saŋ maa laɡ ba le Ijipt harɛ ta la, aa beŋkpoŋ ɛɛ ba, dɛkalkɛŋɔ ba naawa fa ta fɔo la ta teŋɛ.

Hosia 6:7

Ba chɔɡ n ne ba fɔo la kɛŋɔ bobɛl baa dɛ yerɛ Adam ken. Ba le n habɔɔ harɛ la ta.

Lewi Dea Tena 5:15

“Dɛ nomɛlbwa ɛ wechɔɡa o ta kwaa a fe aa chɛ kɛŋɔ ó kpɔ ba ɛ saraha tɛ mɛ ɡɛ aa chɛa dɛ o laa saahna aa, ó lawɛ pebal waa wola kirihiah bɛlbwa dii ba ɛ saraha, dɛ́ kpɔ bɔ o wechɔɡa kem. O yoɡ chɛ kɛ ó do ɡɛ baa maɡa bil Korowii Dea la aa doa. O ɛ bolchɔɡe dii saraha.

Habakuk 2:6

Nɛra Babelɔn tena aa pɔ ba nɛɛ la ɛɛ mam baa dɛ́ ŋɔ, ‘Hé bwɛɛlɛ, kɛ haa cheɡ kwaa aa wola he kwaa ɛɛ, dɛ kpɔ nɛnfaah kwaa ɛ kondɔɔh nɔ. Saŋ besoo hɛɛ ba ɡɛ waa nɔ ɛɛ ka jaɡɔɔ?’

Sekaria 5:4

Koranar Bwa Kooro ŋɔ, “Mɛɛ tomɛ tɔn nyotaahna aa lɔ o ta laanee o kaa dem bɛlbwa baa dɛ ŋwɛ ta, ne dem bɛlbwa baa teŋe nyosone dɛɛ ŋwɛɛ n sɔn ta. Wɛɛ ka do dem la taa dɛ́ taɡɔ ɡo, dɛ́ kuuɡi o daa bwa kwaraa.”

Matiu 22:21

Anee ba chaŋo ŋɔ, “Koojen Siisa nyu ne o sɔnee.” Anee Yeesu ŋɔ ba be ŋɔ, “Gɛɛ a do te naa, hé kpɔ kwaa aa ɛ Koojen Siisa kwaa tɛo, dɛ́ kpɔ kwaa aa ɛ Korowii kwaa la tɛ Korowii.”

We-ɛɛla 5:9

Belaa Pita pɛɛro ŋɔ, “Ɛrɛɛ he ne he jaa nyoa pɛ asɛ he daah Korowii Domadɛɛɡe dɛɛ na nɔɔ? Bonɔɔna baa kaa huɡe he jaa laanee tel doonyoa la. Baa che he ɡee le buse.”

Mmarare 17:2

Dɛ a kaa ba kɛŋɔ he noɔ kɛŋɔ baa kɛɛ haah ɛ wechɔɡa, dɛ chɔɡ he ne Korowii haa dɛ tomɔ nɔ fɔo he bwɛɛre la bɛlbwa ta,

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Josua 23:16

Dɛ he koni fɔo he ne Korowii haa dɛ tomɔ la aa fɔwa o do heyaa a ta la, dɛ berɛ kaa tomɛ voɡa dɛɛ ɡuŋa aa, o baah ɛɛ di he nɛɛ kohonaa, ásɛ he serewe le harɛdɛɛɡe waa kpɔa tɛ heyaa nɔ ta.”

Josua 7:1

Israel tena la ɛ deŋnekpeɡ, dɛ kpɔ kwaa baa lea cheɡ tɛ Korowii waa ŋɔa ba bɛ kpɔ la ta. Baa bɛl baa dɛ yerɔ Akan, o mɛɛ sɔne Kaami. Kaami ɡe mɛɛ sɔne Simri, asɛ o nabaa sɔne Sɛra, o le Juda dea. A ɡɛ Akan nɔɔ kpɔ kwaa baa lea cheɡ tɛ Korowii waa ŋɔa ba bɛ kpɔ la, asɛ a che a ta Korowii baah di ba nɛɛ kohona la.

Josua 7:10

Anee Korowii ŋɔ Josua be ŋɔ, “Ir che! Ɛrɛɛ he kpɔ sie pi harɛ ɡɛ nɔɔ?

Sitɔɔla 2:20

Anomanta, Korowii baah di Israel tena nɛɛ o ŋɔ, “Chɔɡa nɛra nɔ aa chɔɡ fɔo n ne ba naawa aa fɔwa dɛ vɛh n waa noe nɔ,

1 Samoɛl 14:38

Kooro Sɔɔl yerɛ nomonome baa chɔ laa tena nyoa la bwa dɛ ŋɔ, “Hé ba ya cheme dɛ́ na wechɔɡa yaa ɛa fini.