Josua 6:6 - mzwDBL

⁶ Asɛ Nun bibaa Josua yerɛ sɔfore la dɛ ŋɔ ba be ŋɔ, “Hé kpɔ Korowii Ne Nɛwɛnyina Fɔo Daka la che, ásɛ he bini banuanɛ ɡe kpɔ bɛle tɔ o sie.”

Josua 6:6 Iomraidhean Croise

Kaala 25:14

Kpɔ daa la su nɔnloɡa aa lɔ Daka la baŋne anɛ la ta bá won kpɔ dɛɛ cheo.

We-ɛɛla 9:1

Dɛ Sɔɔl ta swɛɛ siwi dɛɛ aah Yeesu habɔteŋra la ŋɔ wɛɛ kpo baa. O la Sɔfonomoa be

Josua 24:11

Asɛ he le Jɔɔdan Moo la baŋ dɛ ba bwɛjen Jeriko ta. Jeriko tena yo heya, ɡɛɛ Amɔre tena ɡe ne Pɛrɛs ne Keenan ne Hiti ne Girɡasi ne Hivi dɛ Jebus tena ɡe yo heya, kɛ n ɡelɔ he pɔ ba nɛ.

Josua 3:3

dɛ ŋɔ, “He baa na kɛŋɔ Lewi dea tena baa ɛ sɔfore la cheɡɛ Korowii Ne Nɛwɛnyina Fɔo Daka dɛɛ kaa laa, bɛlbwa ir dɛ́ teŋɛ ba nɛ.

Josua 3:6

Tɔ aa pera chɔɔ la, Josua ŋɔ sɔfore la be ŋɔ, “Hé kpɔ Korowii Ne Nɛwɛnyina Fɔo Daka la che, dɛ́ tɔ sie nɛra la teŋɛ.” Asɛ ba kpɔ che dɛ tɔ ba sie.

Josua 6:13

Sɔfore banuanɛ baa kpoŋe bɛle anuanɛ la kaa tɔ Daka la sie, dɛ valɛ dɛɛ hoh ba bɛle la. Laa tena baa tɔ ba sie, asɛ laa tena baa lɔ habɔɔ la teŋɛ, asɛ bɛle la sii ɛɛ le.

Josua 6:5

Bɛlhoohla la ɛ dɛ́ hoh ba bɛle la kohona, ásɛ nɛra la bwa ɛɛ dooɡe lɔŋɔre kohona. Danjwɛɛ baa mao bar bwɛɛ la ɛɛ choɡluu, ásɛ nomɛlbwa den jo bwɛjen la ta.”

Josua 6:7

Asɛ o berɛ ŋɔ nɛra la be ŋɔ, “Hé pa sie dɛɛ kaa! Hé valɛ dɛɛ bar bwɛjen la, laa tena la kpɔ ba dɔmkwa dɛ́ tɔ Korowii Ne Nɛwɛnyina Fɔo Daka la sie.”

Josua 6:8

Josua aa bol waa la baɡle nɛra la tonɛ la, sɔfore banuanɛ bɛlbwa waa kpoŋe bɛla la den ka tɔ Korowii Ne Nɛwɛnyina Fɔo Daka la sie dɛɛ hoh, asɛ banɔ la ɡe baa cheɡɛ Korowii Ne Nɛwɛnyina Fɔo Daka la teŋɛ ba nɛ.

1 Samoɛl 4:3

Israel laa tena baa kaa la aa bera ba bela baa baŋre ba tɛnte deene la, ba nomonome la bɔɔ ba ŋɔ, “Ɛrɛɛ Korowii ɡel Filisti tena pɔ ya nɛɛ fini ken? Hé ɡel yá ka kpɔ Korowii Ne Nɛwɛnyina Fɔo Daka la le Silo ba, ásɛ ya ne wɛɛ valɛ ó lɛ yaa dɛɛ le ya dɔma nɔn ta.”