Josua 6:5 - mzwDBL

⁵ Bɛlhoohla la ɛ dɛ́ hoh ba bɛle la kohona, ásɛ nɛra la bwa ɛɛ dooɡe lɔŋɔre kohona. Danjwɛɛ baa mao bar bwɛɛ la ɛɛ choɡluu, ásɛ nomɛlbwa den jo bwɛjen la ta.”

Josua 6:5 Iomraidhean Croise

Kaala 19:19

asɛ bɛla la ɡee si kpeɡri nɛɛ kohona dɛɛ ja. Belaa Mosis bol wa, asɛ Korowii chaŋo kɛŋɔ bwaala aa kɔra ken.

Aesaya 25:12

Wɛɛ chɔɡ Moab harɛ bwɛɛre danjwɛkpeɡa ne anjaŋa bwaa, dɛ́ kuuɡa a bwa a chɔ harɛ.

Aesaya 30:25

Awola Korowii aa ba kpoo he dɔma kohona dɛ́ kuuɡi ba dejaŋa ta la, nee ɛɛ palɔɔ le bwejaŋa ne deŋɡarere aa kaa nyundua bwa ta.

Jeremia 50:15

Hé pa mun ka yo bwɛjen Babelɔn tena dɛɛ do laa lɔŋɔre, Babelɔn tena sɛoh dɛ ba ba te ne harɛ, ba dekpeɡa ne danjwɛɛre bwa kuuɡo. A ɛ kembɔr men Korowii aa kpɔa dɛɛ tɛr ba deŋne, bɛlbwa ɡe tɛr ba deŋne bɔ kem. Hé ɛɛ ba ɡɛ tenten baa ɛ ba bala la.

Hibru 11:30

Korowiirii Israel tena yarada waa ba bɔ nsara bar Jeriko tɔpera anuanɛ, asɛ danjwɛɛ waa bar bwɛɛ la bwa cheme la kuuɡi.

Josua 6:16

Baa bara kera anuanɛ ta la, sɔfore la hoh ba bɛle la, asɛ Josua ŋɔ nɛra la be ŋɔ, “Hé do lɔŋɔre! Korowii kpɔ bwɛjen nɔ do he nɔn ta!

Josua 6:20

Bɛle la aa sia la, nɛra la do lɔŋɔre kohona asɛ danjwɛɛ baa maa bar bwɛjen la den kuuɡi kwaraa. Ate, laa tena la den jo bwɛjen la ta dɛ lɛ bwɛɛ la bwa dɔɔh.

Josua 6:4

Gel sɔfore banuanɛ kpɔ pebal nyeɡle bɛle tɔ Korowii Ne Nɛwɛnyina Fɔo Daka la sie. Tɔpenuanɛ wee la, he ne he laa tena valɛ bar bwɛjen la kera anuanɛ, ásɛ sɔfore la ɛɛ hoh bɛle la.

Josua 6:6

Asɛ Nun bibaa Josua yerɛ sɔfore la dɛ ŋɔ ba be ŋɔ, “Hé kpɔ Korowii Ne Nɛwɛnyina Fɔo Daka la che, ásɛ he bini banuanɛ ɡe kpɔ bɛle tɔ o sie.”

Sitɔɔla 20:37

Israel tena baa chɔa bar Gebea la lɔɔ jo bwɛɛ la bini bwa wɔrɔbe nɛ, dɛ kpoo bwɛɛ la tena bwa tokobie ne.

1 Samoɛl 17:20

Tɔ aa pera chɔmbibi la, Devid ɡel peera la tɛ peteɡre bɛl, dɛ kpɔ o bone chiɡ ŋwɛnɛ ta kaa, ɡɛ o mɛɛ aa ŋɔa la. Waa tel bela baa soɡa la, dɛ laa tena la ɡe deno le dɛɛ kaa bela baa dɛ la ka yo laa la, dɛɛ dooɡe laa lɔŋɔre.

1 Samoɛl 17:52

Name, Israel ne Juda tena laa tena moo teŋɛ Filisti tena nɛ ka tel Gat ne Ekron doonyoo. Filisti tena la sewɔ chɔ perɛ le bwɛjen Saaraim ŋwɛnɛ ta dɛ kaa Gat ne Ekron.

1 Samoɛl 4:5

Korowii Ne Nɛwɛnyina Fɔo Daka la aa ba bela baa baŋre ba tɛnte deene la, Israel tena la bwa moolo kohona silɛɛ ne, asɛ harɛ jiɡri.