Josua 6:27 - mzwDBL

²⁷ Gɛɛ Korowii ja Josua nɛ dɛ ɡel o sɔn le harɛ la ta bwa.

Josua 6:27 Iomraidhean Croise

Mumpar 39:21

Kɛ Korowii teŋɛ o nɛ, dɛ tɛo jirima dɛ ɛo kɛrɛdɛ, dɛ ɡel nomoa waa dɛ nyiŋi ba nɛɛ dea bela la sie lɛ o nɛ.

2 Samoɛl 7:9

N ja he nɛ bobɛlbwa haa laŋa, dɛ yo he dɔma baa lɔ he sie dɛ pɔ ba nɛɛ tɛɛ. Mɛɛ ɡeloo he sɔn le kɛŋɔ harɛ nɔ ta nɛnjena ken.

1 Webena 14:17

Kooro Devid sɔn le harɛre bwa ta, asɛ Korowii ɡel harɛre nɛra bwa ɛɛ ɔmɔ.

Ɛsta 9:4

Mɔdekae berɛ nomonjen koodem bela, nomɛlbwa no o waa harɛre la bwa ta, asɛ o ta na dɛɛ dɔ kpeɡri saŋ bɛlbwa.

Matiu 14:1

Kooro Hɛrɔd waa dɛ nyiŋi Galilia harɛ ta ɡɛ saŋ la no Yeesu wa,

Matiu 18:20

dɛkalkɛ bela nɛra banɛ kɛɛ batoro aa kpɔ nyopɛo cheme n sɔn ta la, dɛ n ja ba nɛ.”

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

2 Kɔrent 13:14

Yá Dɔɔ Yeesu Kristo na he sum dɛɛ cha heya, Kórowii baɡle o nyina he nɛ, ásɛ Kórowii Domadɛɛɡe la ne he bwa pɛ.

Mmarare 31:6

Hé che kiŋkiŋ, he bɛ ɔmɛ. Korowii haa dɛ tomɔ nɔ ɡbaɡba ɛɛ che he mun taa. Waa he jwɛɛh le, waa heyaa ta.”

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

2 Timoti 4:22

Yá Dɔɔ ja he nɛ. Ń Naa Korowii sune he nɛ dɛ́ cha he bwa sekwaraa.

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Josua 9:1

Koranar baa lɔ Jɔɔdan Moo wee cholibɔr no ɡɛ Josua ne Israel tena aa dɛ pɔ nɛra nɛ, banɔ la baa lɔ deŋɡarere ta ne banɔ la baa lɔ deŋɡarere harɛbɔr wee cholibɔr, ne banɔ la baa lɔ Mɛdetereenea Mpo nyoa bwa, dɛ kpoŋe kaa weekaŋle nyundua Lɛbanɔn harɛ ta. A ɡɛ koranar laanee, Hiti ne Amɔre ne Keenan ne Pɛrɛs ne Hivi dɛ Jebus tena koranar.

Josua 9:3

Gebeɔn tena aa no ɡɛ Josua ne Israel tena aa ɛ bwɛjena Jeriko ne Ai la,

Josua 9:9

Ba ŋɔ, “Bojaŋ harɛ bɛl taa he bonɔɔna le, noe ya no Korowii haa dɛ tomɔ la wa. Ya no wejena waa ɛa Ijipt harɛ ta,

Sitɔɔla 1:19

Korowii cha Juda dea tena ba pɔ deŋɡarere harɛ tena nɛ, kɛ ba ta wone doŋi bwɛɛre aa chɔ harɛ deŋɡarere aa wola toole a ta la te nɛ, dɛkalkɛŋɔ ba dɔ bune kwaa aa do kɛŋɔ torɔɡo ba vɔwɛ dɛɛ pɛl jaɡre la ane.

1 Samoɛl 18:14

Korowii aa ja Devid nɛɛ nomanta, wobɛlbwa waa ɛ́ la, dɛ a maɡrɔ tɛo.

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.