Josua 6:24 - mzwDBL

²⁴ Asɛ ba fuh bwɛjen la ne komɛlbwa aa lɔ o ta. Kɛ suuɡapoŋa ne suuɡaswɛm ne kwaa baa kpɔ ayaawa ɛa la ne bune kwaa la te, ba paa ka cheɡ Korowii Tɛnte Dea bela baa dɛ cheɡ laala a yoɡ aa kpeɡa.

Josua 6:24 Iomraidhean Croise

2 Samoɛl 10:5

Kooro Devid aa no ɡɛ waa nɔ la, o tomɛ toroma ŋɔ bá kpɔ kala ka tɛɛ ba, dɛkalkɛ ba ɡelɔ sihiih kpo ba kohona. O ŋɔ toroma la be kɛŋɔ bá ŋɔ ba be ŋɔ bá so Jeriko ka tel kɛŋɔ ba tampona la aa moɡa mɔɔ bá berɛ ba.

2 Koranar 25:9

O kaa fuh Korowii Dea ne koodem, dɛ Jerusalam deremi bwa. O fuh nomonjena dedɛɛɡe te bɛlbwa,

1 Webena 18:11

Kooro Devid kpɔ a ɡɛ kwaa nɔ dɛ lea cheɡ tɛ Korowii toma, ɡɛ o fa aa ɛ suuɡapoŋa ne suuɡaswɛm waa paa le harɛre waa kaa yo, dɛ pɔ a nɛra nɛɛ la. A ɡɛ harɛre laanee, Edom ne Moab, ne Amɔn ne Filisti, dɛ Amalɛk.

Nɛra Kura 31:10

Ba fuh Midian tena bwɛɛre ne bela baa kaa baŋre ba tɛnte deene dɛ so la bwa.

Mmarare 13:16

Hé pa kwaa aa lɔ bwɛɛ la ta bil bwɛɛ la baah ta bela baa dɛ cheme, ásɛ dɛ kpaa nii do bwɛɛ la ne kwaa la bwa ta tɛ Korowii kɛŋɔ saraha kwaa ken. Gɛ bwɛɛ la te, ó chɔ dimɡbia, ba bɛ on vɔrɔwe kpa.

Mmarare 13:17

He bɛ ɡɛ kwaa la bɛlbwa ba kpɔ, ásɛ a ba ɛ musu tɛ heya, ásɛ Korowii baah bɛ hé nɛɛ ba di. Ó na he sum, dɛ́ dɔ tedoma tɛ heya, dɛ́ ɡel he ya kohona ɡɛ waa baɡɛ he naawa nyoa la,

Mmarare 20:16

Harɛ Korowii haa dɛ tomɔ nɔ aa kpɔa dɛɛ ba heyaa tɛɛ hé so o ta la te, he bɛ hweera kon te bɛlbwa ɡel a bwɛɛre ta.

Josua 11:11

Ba kpo nomɛlbwa waa lɔ bwɛɛ la ta, bɛlbwa ta kae, dɛ fuh bwɛɛ la ɡe bwa.

Josua 6:19

Kwaa baa kpɔ suuɡapoŋa ne suuɡaswɛm ne ayaawa dɛ bune ɛa la te, a do ɡoroŋ kohona tɛ Korowii kɛŋɔ hé kpɔ ba tɛo o Dea bela baa dɛ cheɡ laala a yoɡ aa kpeɡa.”

Josua 6:25

Hanjwamane Rahab ne o lolanar dɛ o dem tena te, Josua lɛ ba nyu, dɛkalkɛ o lɛ o nɛra baa kaa sɔh nyiŋi bwɛjen Jeriko la sɔh. O naanar ta lɔ Israel harɛ ta ba le fini.

Josua 8:28

Josua ɡelɔ ba fuh bwɛjen Ai o berɛ dimɡbia, o chɔ ɡɛ ba le fini.

Wepila 17:16

Nyeɡlare fi la haa naa a che tɛ koranar fi la ne olchɔɡe la ɛɛ hah hanjwamane laanee, dɛ́ foo o bwara komɛlbwa, dɛ́ ɡelo dakpaŋ ɡɛ. Baa chwe o olii, ásɛ dɛ fuh o kabora,

Wepila 18:8

Anomanta, tɔpebeŋkpoŋii wahala ne weela ne tebinichɔɡ ne lɔr ɛɛ ba o kpoe, ásɛ nii fuuh, dɛkalkɛŋɔ N Naa Korowii waa dɛ ba o waa bola dɛ́ pa bole laanee dɔ kpeɡri bwa.”