Josua 6:23 - mzwDBL

²³ Anee ɡɛ baala la baa sɔah ka nyiŋi harɛ la la hanjwamane la dem, dɛ kpɔ o ne o nya ne o mɛɛ, ne o dɔɔranar ne o nimanar, ne o nɛra baa ja o nɛɛ bwa, dɛ kpɔ ba ka so bela Israel tena aa baŋre ba tɛnte deene la dahara.

Josua 6:23 Iomraidhean Croise

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

Mumpar 18:24

Dɛ nɛndɛɛɡa tel fifraanue bwɛɛ la ta naa, hɛ́ɛ chɔɡo waa? Nɛra fifraanue nɔ nomanta, haa ban ɡel aa?

Mumpar 19:29

Gɛɛ a do Korowii aa chɔɡ bwɛɛre aa lɔ deŋɡarere dor harɛ waa chɔa kaa la ta bwa la, o lii Abraham waa dɛ le Lɔt ne bela mɔɔ dɛ chɔɡa.

Nɛra Kura 31:19

He bini bɛlbwa waa kpo nɛn kɛɛ dɛ leɡe nɛn waa sewa la chɛ kɛŋɔ ó so tɛnte deene la dahare tɔpera anuanɛ. Tɔpetooro wee ne tɔpenuanɛ wee la, hé sɔ he ne nɛra haa laɡ ba laa ta la doŋa bwa ta.

We-ɛɛla 10:28

asɛ o ŋɔ ba be ŋɔ, “He ɡbabir jemɔ kɛŋɔ ya Juu tena aa nɛra baa wola Juu tena ɛɛ bini jo. Kɛ Korowii berɔ ŋɔ n be ŋɔ n bɛ nomɛlbwa nɛndoŋ yerɛ.

We-ɛɛla 27:24

dɛ ba ŋɔ n be ŋɔ, ‘Pɔɔl, bɛ ɔmɛ! Hɛɛ la Koojen Siisa bee. Nɛra la bwa he ne baa dɛ valɛ nɔ, Korowii noɔ tɛɛ. Wɛɛ lɛɛ baa.’ ”

1 Kɔrent 5:12

Nɛra baa wola asɔre tena ɛɛ la te, n ta ŋwɛnɛ dɔe kɛ n bol ba waa dɛ́ pa bole. Korowiirii dɛ́ bol ba waa dɛ́ pa bole.

Ɛfesos 2:12

He fa aa Kristo Korowii aa baɡɛ nyoa ŋɔ wɛɛ tomɔɔ ó ba lɛ yaa la waa jemɛ. He fa ta Juu tena Korowii aa lee ba dɛ ɡel ba ɛ o nɛra la nɛɛ jae. He fa aa nyoo Korowii aa baɡa dɛ kwaa o ne o nɛra fɔo dɔe la waa jemɛ. He fa ta hwɛɡa bɛlbwa dɔe. He fa aa Korowii jemɛ ó won cha heya.

Hibru 11:31

Korowiirii hanjwamane Rahab yarada waa o lɛ Israel tena baa baa nyiŋi ba bwɛɛ la sɔh kɛrɛdɛ, Israel tena aa wola on kpoe ja nɛra baa wola Korowii waa noɛ la nɛ.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

Josua 2:13

baa baɡɔ nyoa kɛŋɔ baa lɛ o nya ne o mɛɛ ne o nimambii dɛ ba biirere nyuu ba bɛ ban kpoo.”

Josua 2:16

Haah la ŋɔ ba be ŋɔ, “Hé ka sɔh deŋɡarere nɔ ta, ásɛ nɛra baa dɛ ti heyaa la bɛ heyaa na. Hé sɔh bela tɔpera atoro ka tel saŋ baa berɛ ba, ásɛ he kaa bela haa lea ba.”

Josua 2:18

Waa yaa dɛ nyin he ɛ laanee kɛŋɔ, awola ya laa tena la aa ba jo harɛ nɔ ta la, kpɔ ŋwɛnswɛm nɔ vɔwɛ he tokoro nɔ ta. Ásɛ dɛ yerɛ he nya ne hɛɛh, ne he nimambii ne he nimanar dɛ he lolanar bwa, ba jo he dem bonɔ.

Sitɔɔla 1:25

Anomanta, o baɡ ba, ba jo o bini dɛ ka kpoo bela tena bwa, dɛ ɡel baa la ne o dem nɛra ɡbo.